à yoa ti sininore Naha “Jai” to ni yʉhtichʉ tʉhoa, tina Jabe macaina pʉhtoa sehe ti coyea ti jiri yahpapʉ tí quitire yahu site tini dutia, payʉ masa wa siterocaha. Ti ã wa siterocachʉ, cãina sehe waha, pʉ ti pʉhtoro sõriro Saulo to jiri maca Gibeápʉ yahu sitea sʉha. à yahu sitea sʉa, jipihtia tinare waharire, ã jichʉ ti jiri maca Jabe macaina pʉhtoa amonita masa pʉhtoro mehne ti sʉhʉduri cjiri cʉ̃hʉre yahuha. Tí quitire ti yahuchʉ tʉhoa, tí maca macaina sehe tʉho cʉa wahaha. à tʉho cʉa, cahyaro mehne tuaro tiiha tina.
1 Samue 10:26 - Wanano OT Portions26 To ã coha tjuaa dutichʉ tʉhoro, Saulo cʉ̃hʉ to ya maca Gibeápʉ coha tjuaaro nia tiha. To ã coha tjuaachʉ ñʉno, Yawe sehe cãina mʉa cuiro maerainare ti tʉhotuapʉ noaa tʉhotua pja sʉchʉ yoaha. Ã jia tina cʉ̃hʉ Saulo mehne dahra dʉcaa taa, ji coaro mehne wahaa wahaha tiro mehne. အခန်းကိုကြည့်ပါ။ |
1 Samue 10:26
12 ပူးပေါင်းရင်းမြစ်များ
à yoa cʉ̃ nʉmʉ Saulo to surara cjihtire besero taro, jipihtina to coyeare pji cahmachuha. Ti wihi pihtichʉ ñʉno, tres mil waro beseha tiro. To bese dʉhainare ti jia macaripʉta waroca tju pahñonocaha. à yoa to beserina sehere jʉna pʉa curua tju wa dapoha. Cʉ̃ curua macaina cjihtire dos mil waro tju wa dapoha. Pa curua macaina cjihti sehere mil waro tju wa dapoha. à yoa cʉ̃ curua macaina mil surara to tju warina sehere Gibeá wama tiri macapʉ to macʉno Jonatã mehne warocaha. To warocachʉ, Jonatã sehe tinare tí macapʉ sʉho naa wahaha. Sʉho na sʉ, tí macare tinare sʉho ñʉ cohtaa tiha tiro. Tí maca sehe Benjamí cjiro ya curua macaina ti jiri yahpapʉ jia tiha. à yoa pa curua, dos mil surara to tju warina sehere tiro Saulo to basita tinare Mima wama tiri macapʉ sʉho naa wahaha. Sʉho na sʉ, tí macare, tuhsʉ, tʉ̃ yucʉri payʉri dihtapʉ jiri maca Betel cʉ̃hʉre tinare sʉho ñʉ cohtaa tiha tiro cʉ̃hʉ.
ကြော်ငြာတွေ