1 Samue 10:24 - Wanano OT Portions

²⁴ Ã yoa Samue sehe tina israe masare õ sehe ni yahuha jʉna: —¡Ahrirota jira mʉsa pʉhtoro cjihto, Yawe to basi mʉsare to besebasariro! ¡Ne pairo jierara! —ni yahuha Samue israe masare. To ã ni yahuchʉ tʉhoa, jipihtina israe masa sehe Saulore wahche payoha. Ã wahche payoa, õ sehe ni sañurucuha: —Jai. ¡Ãta jijaro! ¡To catisinino puro noano ji, marine noano sʉho ji mʉhtarucujaro tiro! —ni sañurucu, wache payoha tina tirore. Ã ni wahche payoa, tirore paye baro wapa marieno waha tina.

1 Samue 10:24 ပူးပေါင်းရင်းမြစ်များ

1 Samue 11:15

To ã nichʉ tʉhoa, jipihti israe masa Gilgapʉ wahaha. Waha, tí macapʉ sʉha tina. Ti sʉri baharo, Yawe to ñʉrocaroi cua pisaro mehne Saulore pʉhtoro sõ cahnoha jʉna. Pʉhtoro sõ cahno tuhsʉ, Yawere wahche payoa taa, wahiquina noainare wajã, cãa sirire jʉ̃ wa mʉoha tina. Ã yoa dʉhsaa sirire tina jipihtina wahchero mehne tói pʉhõ chʉha. Ã pʉhõ chʉa, tina jipihtina tuaro wahcheha.