1 Samue 10:21 - Wanano OT Portions

²¹ Ã yoa to ã masichʉ yoari baharo, Samue sehe Benjamí cjiro ya curua macaina mʉa sahserore to cahapʉ pji wioha. To pji wiochʉ, tina sehe cãinape ti pohna, ti panamana mehne to cahapʉ waha, sʉrʉcʉ sʉ bʉroha. Ti sʉrʉcʉ sʉri baharo, jipihtina ti ñʉrocaroi docapeare docape ñʉha tjoa. To ã docape ñʉchʉ, “Matari wama tiriro panamino ji turiariro jirohca” ni, tinare masichʉ yoaha Cohamacʉ. To ã masichʉ yoari baharo, Samue sehe jipihtina Matari panamana ji turiaina mʉa sahserore pji wioha tjoa. Pji wio tuhsʉ, jipihtina ti ñʉrocaroi docapeare docape ñʉha tjoa. To ã docape ñʉchʉ, Cohamacʉ sehe “Matari panamino, Quis macʉno Saulo wama tiriro jirohca mʉsa pʉhtoro cjihto” ni, israe masare masichʉ yoaha. To ã masichʉ yoari baharo, israe masa sehe tiro Saulore macamaha. Wiho mejeta tirore ne bocaeraha tina.

1 Samue 10:21 ပူးပေါင်းရင်းမြစ်များ

Joná 1:7

à yoa tiai dahraina sehe, ã wahachʉ ñʉa, ti basi õ sehe ni durucuha: —Mari cãinape mari ño payoina cohamanare yoadohoa sinimaja mari. Mari sinipachʉta, ne diro seheta marine tʉhoerara. Pa tehe nino cʉ̃iro mari mehne wahariro jiboca mari cohamanare yʉhdʉrʉca, suachʉ yoaro. à jina docape ñʉa mehne docape ñʉ, masijihna mari cohamanare suachʉ yoarirore —ni durucuha tina ti basi. à niata, ti docapea poca mehne docape ñʉha. Ti ã docape ñʉno mehne, “Joná jira” ni, masiha tina.

1 Samue 10:20

To ã ni yahuchʉ tʉhoa, tina sehe to niriro seheta Yawe to ñʉrocaroi cãa curuari cahmachurʉcʉ sʉ, sʉrʉcʉ sʉ bʉroha. Ti ã cahmachurʉcʉ sʉri baharo, Samue sehe Cohamacʉ to basita tinare ti pʉhtoro cjihtore to ñochʉ cahmano, ti ñʉrocaroi docapeare docape ñʉha. To ã docape ñʉchʉ, “Benjamí cjiro ya curua macariro jirohca mʉsa pʉhtoro cjihto” ni, tinare masichʉ yoaha Cohamacʉ.

1 Samue 10:22

à bocaeraa, Yawepʉre sinitu ñʉha: —¿Nohoi jijari tiro mʉ beseriro? ¿Tirota jijari sã pʉhtoro cjihto mʉ beseriro? O ¿pairo jijari? —ni sinitu ñʉha tina tirore. Ti ã ni sinituchʉ, Yawe sehe tinare yʉhtiha: —Tirota jira mʉsa pʉhtoro cjihto yʉ beseriro. Mʉsa pache watopʉ duhtinocahre tiro —ni yʉhtiha tinare.