1 Crónica 22:6 - Wanano OT Portions

⁶ Ã yoa cʉ̃ nʉmʉ to macʉno Salomõre dohse to yoahti cjihtire yahuro taro, tirore pji dutia tiha. To wihichʉ ñʉno, cua pisaro mehne õ sehe nia tiha tirore: —Macʉ, mʉhʉta jira mari israe masa mari Cohamacʉ Yawe to ya wʉhʉ cjihtore dahrebasahtiro cjihto.

1 Crónica 22:6 ပူးပေါင်းရင်းမြစ်များ

Génesis 12:20

à ni tuhsʉ, faraõ to surarare õ sehe yoa dutiha: —Abrãre to namono mehnepʉta, jipihtia ti cjʉaa mehne Egipto yahpai jiinare wionocaga —niha. To ã nichʉ tʉhoa, to surara sehe to dutiro seheta yoaha.

2 Samue 7:1

à yoa Davi pʉhtoro to jichʉ, Yawe sehe tirore noano yoadohoa tiha. To ã yoadohochʉ, tiro sehe jipihtina tirore ñʉ tuhtiinare cahma wajã yʉhdʉrʉca pahñonocaa tiha. à cahma wajã yʉhdʉrʉca pahñono, pa sehepʉ waha, cahma wajã tinino marieno, pʉhtoro jiro to jiri wʉhʉ wʉrʉpʉ jinocaa tiha jʉna.

Números 27:23

Dapo tuhsʉ, to wamomacarine Josué dapu bui payo, “Mʉhʉta jira yʉhʉre cohtota, ahrinare wajahtiro” ni, yahuha tirore.