1 Crónica 22:18 - Wanano OT Portions

¹⁸ —Yawe, mari Cohamacʉ, marine ã piti tirucu, marine to ã yoadohorucuare masina mʉsa. Ã yoadohorucuro, mari ya yahpai ji mʉhtamarinare mʉsare yʉ sʉho cahma wajã yʉhdʉrʉcachʉ to yoari cʉ̃hʉre masina mʉsa. To ã cahma wajã yʉhdʉrʉcachʉ to yoaro mehne, mari ya yahpapʉre Cohamacʉ to ñʉ yabiare yoarucuina cʉ̃hʉ mariahna jʉna. Tuhsʉ, marine cahma wajã yʉhdʉrʉca duaina cʉ̃hʉ mariahna jʉna. Ã jina cahma wajãno marieno noano jinocaja mari mipʉre.

1 Crónica 22:18 ပူးပေါင်းရင်းမြစ်များ

2 Samue 7:1

à yoa Davi pʉhtoro to jichʉ, Yawe sehe tirore noano yoadohoa tiha. To ã yoadohochʉ, tiro sehe jipihtina tirore ñʉ tuhtiinare cahma wajã yʉhdʉrʉca pahñonocaa tiha. à cahma wajã yʉhdʉrʉca pahñono, pa sehepʉ waha, cahma wajã tinino marieno, pʉhtoro jiro to jiri wʉhʉ wʉrʉpʉ jinocaa tiha jʉna.

1 Crónica 22:9

à nino, cua pisaro mehne õ sehe ni yahu namoa tire yʉhʉre: “Cʉ̃iro mʉ macʉ jirohca mʉhʉre pʉhtoro ji, cohtotahtiro cjihto. Tiro sehe jirohca yʉ ya wʉhʉ cjihtore yʉhʉre dahrebasahtiro. à yoa tiro pʉhtoro jiro, cahma wajãno marieno mʉ masa curuare noano sʉho ji mʉhtanohca. Tuhsʉ, pʉhtoro tuariro choro jirohca tiro. To ã tuariro jichʉ ñʉa, paye masa curuari macaina tirore ñʉ tuhtiina sehe tiro mehne cahma wajãa tasi. Wiho mejeta yʉhʉta jiihca ã wahachʉ yoariro. Yʉ ã yoachʉ, tiro sehe to catisinino puro cahma wajãno marieno noano yʉ ya curua, israe masa curuare sʉho ji mʉhtanohca. à jiro tiro Salomõ wama tirohca. (“Salomõ” nino, “cahma wajãno marieno jiriro” nino nica hebreo masa ya dʉsero mehne) à yoa yʉ macʉ waro yoaro seheta jiro ninohca tiro. à jii yʉhʉ cʉ̃hʉ tirore to pʉcʉro yoaro seheta jii niihca. à yoa tirore ji turia dijaina cʉ̃hʉ ne cohtotaro marieno israe masa pʉhtoa cjihti ã ji turia wahcãahca” ni, yahu namoa tire yʉhʉre Yawe.

Josué 23:1

à yoa Canaã yahpapʉre israe masare ñʉ tuhtiina cjiri, payʉ curuari macaina tí yahpapʉta jisinia tiha. à jipachʉ, tinare israe masa mehne cahma wajãno marieno noano jinocachʉ yoaa tiha Yawe. à yoa payʉ cʉhmari baharo, Josué sehe bʉcʉro waro jia tiha.