Titi 3:7 - Gourmanchéma Bible

⁷ ke tinba yaaba n baa li *moamoansaali kelima o ŋanbili yaa po, baa baa yaa miali n kan gbeni, tin sugini ki baa yaali.

U TIENU MAAMA TILI 2013

⁷ Lani, tinba yaaba n baa li moamoansaali kelima o ŋanbili po, baa baa yaa miali n kan gbeni, tin sugini ki baa yaali.

Titi 3:7 ပူးပေါင်းရင်းမြစ်များ

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba, ga mani wan den ŋanbi yipo yaa diema hali ŋanduna cilima.

Marki 10:17

Jesu n den fii lankani ki baa suagi liiga, o ja den sani ki cua o kani ki gbaani o nintuali ki buali o: «O canbaaŋamo, n baa tieni lede ki baa yaa miali n kan gbeni?»

LOMA YAABA 11:6

Lanwani li yaa tie ke o gandima yeni ŋua o ŋanbili, laa ŋua a tuona. Lani yaaka o ŋanbili ki go tie ŋanbili moamoani.

LOMA YAABA 3:24

Ama kelima U Tienu *ŋanbili-paabu yaa po, bi baa li moamoansaali kelima Jesu Kilisiti *daafaabima yaa po.

LOMA YAABA 3:28

Kelima ti sua ke o nilo baa baa li moamoansaali kelima li dandanli yaa po, ke laa tie li bali maama kubima yaa po.

LOMA YAABA 4:16

Lanwani yaaba n baa baa U Tienu n den niani yaa ñoanianu baa baa u kelima li dandanli yaa po, kelima U Tienu bua ban baa u ñoanianu kelima o *ŋanbili-paabu po bebe. O bili ke o ñoanianu baa ye Abalahama puoliŋuani kuli po. Laa tie yaaba n pia li balimaama bebe yaa po ka, ama yaaba n daani U Tienu nani Abalahama n den daani maama. Wani Abalahama tie tikuli yaaja. Nani lan diani maama:

LOMA YAABA 4:4

To, yua n soani li tuonli kuli baa baa o panpaani. O kan yaa nua ke o panpaani yeni tie paabu, yi tie pani.

LOMA YAABA 8:17

Ti yaa tie U Tienu bila, ti go tie bi faajieba moko, ti tie U Tienu faajieba, ki baa taani leni Kilisiti ki je li faali. Kelima ti yaa taani leni Kilisiti o fala nni, ti go baa taani leni o o kpiagidi nni moko.

1 Korenti 6:11

Yi siiga bi nitianba den tie laa nibuolu, ama U Tienu ŋuudi yi o gagidi yi ki puni yi li *moamoansaali o Diedo Jesu Kilisiti yeli po leni ti Tienu Fuoma tuonli po.

Galati 2:16

Ti bandi ke o nilo kan baa li *moamoansaali kelima U Tienu balimaama kubima yaa po. Ama o baa baa li kelima li *dandanli Jesu Kilisiti nni yaa po. Ti moko ti daani, ke tin baa li moamoansaali kelima ti dandanli Kilisiti nni yaa po ke laa ŋua leni li balimaama kubima. Kelima niloba kuli kan baa li moamoansaali kelima li balimaama yaa po.

Galati 3:29

Yi yaa tie Kilisiti yaaba, yi tie Abalahama puoliŋuani ki baa baa U Tienu n den niani yaa ŋalimani.

Galati 4:7

Lanwani ŋaa go tie yonbo, a di tie U Tienu bijua. Ŋan tie U Tienu bijua yeni, o baa pa ŋa wan bili o bila po yaa ŋalimani.

2 Tesaloniki 2:16

Ti Diedo Jesu Kilisiti wani oba, leni ti Baa U Tienu yua n den bua ti, ki puni ti kelima o *ŋanbili po yaa baagi n ki pia mi gbenma leni yaa suginma n ŋani,

Titi 1:2

Laa bonliedila kuli tanpuuli tie ke bi suginma tie ke bi baa yaa miali n kan gbeni, U Tienu yua n kan pua faama n den niani yaa miali hali ke ŋanduna daa ye.

Titi 2:11

U Tienu *ŋanbili yaala n cuani mi *tindima bi niba kuli po doagidi.

Titi 2:13

ki go gu tin sugini yaala ke li pia li pamancianli yeni, lani n tie ti Tienu yua n tie Tienciamu leni ti Candaano Jesu Kilisiti yaa kpiagidi yaa doagidima.

Hebilunba 1:14

Malekinba yeni kuli ki tie fuoma yaaba, yaaba n tuuni wani U Tienu po, wan tuuni yaaba ke bi todi mi *tindima yaa faajieba kaa?

Hebilunba 11:7

Li tie kelima li dandanli yaa po ke Nowe den cengi U Tienu n den tuodi ki waani o ke yaala n baa tieni, baa ke bi daa den nua la. Li fangili yaa jeje den cuo o U Tienu po, ke o kpie ku ñinbiaciangu ki baa ga o deni yaaba miana. Wan den tieni yeni, o den buni ki cuo ŋanduna, ki den baa li *moamoansaali, yaali n baadi kelima li dandanli yaa po.

Hebilunba 11:9

Li tie kelima li dandanli yaa po ke o den kua ki kali nani o nilamo yeni U Tienu n den niani o yaa diema nni. O den ye a gbandiena nni leni Isaaka leni Jakobo, bani yaaba n den taani leni o ki baa U Tienu ñoanianu yeni.

Hebilunba 6:17

U Tienu moko n den bua lan doagidi cain yaaba n baa baa wan niani ba yaa ñoanianu yaa po ke o yanjagili kan lebidi, o den niani u ñoanianu ki pugini li poli.

Jaki 2:5

N kpibuadiba, cengi mani! Naani U Tienu ki gandi yaaba n tie luoda ŋanduna nuni po ke ban tua a piada li *dandanli nni, ki go baa wan niani ke o baa pa yaaba n bua o kuli yaa diema kaa?

1 Pieri 3:7

Yinba bi podanba moko, yua kuli n yaa ye leni o pua leni mi yanfuoma, ki yaa faami ke bi tadi ki cie. Yin yaa jigindi ba, kelima bi moko taa leni yi ki baa U Tienu kani li *ŋanbili leni li miali. Yin yaa tiendi mani yeni ke liba kuli n da pigini yi jaandi.