Titi 2:8 - Gourmanchéma Bible

⁸ Ŋan maadi yaa maama kuli n yaa ŋani, bi niba n kan fidi ki jaligi yaama, ke yibali n fiagi ki da baa wan baa fidi ki maadi tipo yaa mabiadima kuli.

U TIENU MAAMA TILI 2013

⁸ Ŋan maadi yaa maama kuli n yaa ŋani, bi niba n kan fidi ki jaligi yaama. Lani n tie yibali n fiagi, ki da baa kuli, wan baa fidi ki maadi ti po yaa mabiadima.

Titi 2:8 ပူးပေါင်းရင်းမြစ်များ

Nehemi 5:9

Lanwani n den yedi ba: «Yin tiendi yaala yeni ki ŋani. Yii bi baa yaa cuoni leni U Tienu fangili ka ke ti yibalinba bi nilanba n da sugi ti?

Esayi 66:5

Cengi mani Li Miali Diedo maama Yinba yaaba n gba o maama ki digibi. Diidi yi kpiiba n tua yaala, Bani yaaba n nani yi, ki yaadi yi Kelima n yeli po: «Li Miali Diedo n nan doagidi o kpiagidi Tin le yi pamanli naa!» Ama bani n baa le i fe.

Marki 12:17

Jesu den yedi ba: «Pa mani Sesa, yaala n tie Sesa yaala, ki pa U Tienu mo, yaala n tie U Tienu yaa yaala.» O maguankaama yeni den paki ba boncianla.

Marki 12:28

Li *bali maama bangikaaba siiga yendo den gbadi ban nia yaala, ki bandi ke Jesu guani Sadusieninba yaa maama n dagidi. Lane o den nagini Jesu kani ki buali o: «Li bali maama kuli nni, mile n tie li mayuli?»

Marki 12:32

Li bali maama bangika den yedi o: «Canbaa, yeni a maadi moamoani ke U Tienu tie yendo, ke toa ki ye kali wani,

Marki 12:34

Jesu n den sua ke o bangika yeni guani o leni mi yanfuoma, o den yedi o: «Ŋaa foagi leni *U Tienu diema.» Laa yogunu liiga baa go den pia papaali ki buali o bualiba kuli.

Luki 13:17

Wan den maadi yeni yaa yogunu, i fe den cuo o koanginkaaba kuli. Ama ku niligu kuli yaa pali den mangi leni wan tiendi yaa banma ke mi pia ti kpiagidi kuli.

2 Tesaloniki 3:14

Yi yaa sua ke niloba ki tuo ki ŋua tin bili yipo yaala li naa tili nni, yin faami opo ki da pia ŋantaado leni o, ke i fe n cuo o.

1 Timote 5:14

Lani yaa po, n bua ke yaa kpepuona n da paani n kuni bi jaba, ki maa a bila, ki kubi bi diegu ŋantaadi, ki da pa yibali u sanu ban sugi ba.

1 Timote 6:3

Niloba yaa bangi bangitoama, kaa ŋua ti Diedo Jesu Kilisiti mamoanma yaama tuugi leni U Tienu tuoma,

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po, ke ban fidi ki yaa baadi yaala n tie bipo tiladi, ke bani biba n da tie nani yaa tibu n kaa luoni yeni.

1 Pieri 2:12

Yin yaa pia mani u tagiŋamu bi *nilanba siiga. Lanwani, baa bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 2:15

Lanwani U Tienu bua ke yin yaa tiendi yaala n ŋani yeni ki fidi ki mubini bi yanboandanba leni bi yanpiidanba ñoana.

1 Pieri 3:16

Ama lan yaa tie leni mi dingima leni li fangili. Yaa pia mani yaa pali siedi n ŋani, lani, baa bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni n le i fe.