Titi 2:2 - Gourmanchéma Bible

² Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li*dandanli nni leni mi buama leni li juunli nni.

U TIENU MAAMA TILI 2013

² Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li dandanli nni, mi buama leni li juunli nni.

Titi 2:2 ပူးပေါင်းရင်းမြစ်များ

Jobi 12:12

Mi yanfuoma ye a jakpela kane Li miafoagili nni mo n pia mi yanfuoma.›

Pisomi 92:14

Bi ŋu ba Li Miali Diedo diegu nni Ke bi puudi ti Tienu diegu luoli nni.

Mi Kpanjama 16:31

Ti yukobipiendi tie badifogiliŋange, Mi teginma sanu nne, ke bi baadi ga.

Esayi 65:20

Canpandikuuma kan go yaa ye lienni. Yua n kan podi ki gbadi o podi manu kan go yaa ye lienni. Kelima yua n kpe o panma nni baa tie yua n pia bina kobiga. Yaa *tuonbiadi daano n pundi bina kobiga Baa tie yuboandaano leni solindi yua.

Levi 19:32

Nikpeyukobipiendi yaa cua, ŋan fii ki sedi ki fangi o. Ŋan jigini o jakpelo. A baa fangi a Tienu. N tie Li Miali Diedo.

Marki 5:15

Bi den pundi Jesu kani ki laa yaa ja n den pia mu cicibiadimu boncianla yeni, ke o ka ki yie ti tiadi ki go pia o yama. Lani ti jawaandi cuo ba.

Luki 8:35

Bi niba den ñani ki gedi ki baan le yaala n tieni. Bi den pundi Jesu kani ki laa mu cicibiadimu n ñani yaa ja yaa niinni yeni, ke o ka Jesu taana kani ki yie ti tiadi ki go pia o yama, ke ti jawaandi cuo ba.

Jesu Tondiba Tuona 24:25

Ama Polo n den maadi mi *teginma, li yukubili, leni U Tienu buudi yaadi n baa ti cua yaa maama fuuli yeni, ti jawaandi den cuo Felisi ke o yedi o: «Moala po, a baa fidi ki ña. N yaa go ti baa li lenli n baa yini a.»

LOMA YAABA 12:3

Kelima min baa yaa *ŋanbili-paabu yaa po, n yedi yikuli yendo yendo, yin da nua yi yula ke yi cie yin tie maama. Yin yaa pia li yumiinli ki cuo ki dagini nani U Tienu n biigi ki puni yua kuli li *dandanli yaa banlu.

1 Korenti 15:34

Yin go baa mani li yantiaŋanli nani lan pundi maama, ki cedi ki da go tiendi tuonbiadi, kelima yi siiga tianba naa bani U Tienu. N maadi yeni ke i fe n cuo yi lipo.

1 Korenti 9:25

Yua n bua ki tua liiga yua jelibuolu kuli nni yen kubi li kuali o gbanandi po li bonla boncianla po. O tiendi yeni kelima o bua ki baa yaa panpaani n baa pendi po. Ama tinba wani tiendi yeni ki bua ki baa yaa panpaani n kan pendi hali abada.

2 Korenti 5:13

Ti yaa luo mi yama, li tie U Tienu po, ti yaa pia ma mo, li tie yinba yaa po.

Galati 5:23

Li bali maama naa koani leni laa bonla.

Filipi 4:8

N kpiiba, yaa maama n sieni tie mine: yin yaa tia mani yaala n tie moamoani kuli, leni yaala n pia ti jigidi kuli, leni yaala n tiegi kuli, leni yaala n ŋani kuli, leni bi niba n baa bua yaala ki faadi la kuli, leni yaala n pia siediŋamo, leni yaala n pia ti bulicindi ki pundi bi niba n pagi la kuli.

1 Tesaloniki 5:6

Lani yaa po tin da goa mani nani yaaba n sieni yeni, ama tin yaa nua ki kubi ti yula ki gu.

1 Tesaloniki 5:8

Ama tinba, yaaba n tie u yensiinu yaaba, tin yaa kubi ti yula. Tin yaa laa li *dandanli leni mi buama yaa kudiliadili, ki go ciibi mi*tindima yaa suginma nani li kusanli yeni.

1 Timote 1:10

leni mi conconma danba leni yaa jaba n taagi leni biyaba po, leni yaaba n kuadi bi niba, leni bi tuofaadanba leni yaaba n tiendi mi siedifaama po, leni yaala n nia leni bangiŋanma po kuli.

1 Timote 1:14

Ti Diedo den ŋanbi npo hali ke li kandi, ki puni nni yaa dandanli leni yaa buama n ñani Jesu Kilisiti kani.

1 Timote 1:2

N diani apo li tili, fini Timote, yua n tie n bimoanga li*dandanli nni. U Tienu yua n tie Baa leni ti Diedo Jesu Kilisiti yaa *ŋanbili leni o niñingbadima leni o yanduanma n yaa ye leni a.

1 Timote 1:5

Laa tundi n baa cuani yaala tie yaa buama n ña yaa pali n pieni niinni, leni yaa pali siedi n ŋani, leni li dandanmoanli.

1 Timote 3:11

Bi puoba moko n yaa tie bi niba n jigindi yaaba, ki da tie tingbangbaaba, ki yaa kubi bi yula, ki tie bi niba n fidi ki dugi yaaba po li bonla kuli nni.

1 Timote 3:2

Li tie tiladi ke yua n tie o gobidika Kilisiti n yini yaaba siiga n da pia ban baa fidi ki kuli o leni yaala. Wan yaa pia poyendo bebe, ki pia mi yansoangima leni u tagiŋamu, ki kubi o yuli, ki gaani bi niba cangu leni mi buama, ki go tie yua n fidi mi bangima.

1 Timote 3:4

Ama wan yaa tie yua n gobidi o diegu bonŋanla, o bila mo n tuo o maama bonŋanla ki yaa fangi o.

1 Timote 3:8

Li go tie tiladi Kilisiti n yini yaaba todikaaba moko n yaa tie bi niba n jigindi yaaba, ban da pia pala lie, ki da kuani bi yama li dañoli nni, ki da kuani bi yama yaa ñuadi n pia i fe moko nni.

1 Timote 5:1

Ŋan da tundi o nikpelo leni ku fuugu. Ama ŋan tundi o nani o tie a baa yeni. Ŋan tundi bi jawaaba nani bi tie a waamu yeni,

Titi 1:13

Laa siedi tie moamoani. Lani yaa po ŋan fu leni ba boncianla ke ban baa li dandanmoanli,

Titi 1:8

Wan yaa tie yua n gaani bi niba cangu, ki bua yaala n ŋani, ki yaa pia li kpaagili, ki tiegi, ki gagidi U Tienu po, ki kubi o yuli.

Titi 2:7

Ŋan tua bipo li bontogidikaala a tuonŋama nni. Ŋan yaa bangi yaa bangima n ŋani ki go pundi.

Filemon 1:9

yaala n mani npo ki cie tie ki mia ŋa bu miabu kelima mi buama yaa po. Mini Polo, yua n tie jakpelo ki go tie kpaadili moala kelima Jesu Kilisiti po,

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni Jesu Kilisiti n baa doagidi yaa yogunu.

1 Pieri 4:7

Li bonla kuli juodima nagini. Yin faami mani ki yaa kubi yi yula, ke yin fidi ki yaa jaandi.

1 Pieri 5:8

Yin yaa kubi mani yi yula ki yaa faami, kelima yi yibali Sutaani, goadi nani yaa yangbanlo n duni ki lingi wan baa cuo yua ki ŋmani yeni.

2 Pieri 1:6

ki go yaa pugidi mi bandima po li yukubili, ki go yaa pugidi li yukubili po li juunli, ki go yaa pugidi li juunli po U Tienu tuoma,