Sofoni 3:8 - Gourmanchéma Bible

⁸ Li tie lani yaa po ke mini Li Miali Diedo yedi: ‹Yin guudi nni mani, Min baa cua yaa daali ki waani yi ke yi nani. N jagi ke n baa taani i nibuoli kuli leni mi diema kuli niba, Ki teni ke ban bandi n pabienli n bia maama, Kelima n pabienli fantama baa buoni ki tinga kuli.› »

U TIENU MAAMA TILI 2013

⁸ Li tie lani yaa po yo, Ke mini o Diedo yedi: ‹Yin guudi mani, Min baa cua yaa daali Ki waani yi ke yi nani. N jagi ke n baa taani i nibuoli kuli Leni mi diema niba kuli, Ki teni ke ban bandi n pabienli n bia maama, Kelima n pabienli mu baa buoni Ki tinga kuli.› »

Sofoni 3:8 ပူးပေါင်းရင်းမြစ်များ

Pisomi 12:5

Leni yaaba n tua: «Ti ñoana teni ke ti pia u paalu. Ti bani mi maama, ŋme n baa diedi ti?»

Pisomi 123:2

Diidi: Nani i yonbi nuni N pegidi ki diidi bi yonbidaano nuu po maama Nani o potuado nuni n pegidi ki nua O cannaa nuu maama yeni, Ti moko yaa nuni pegidi ki nua Li Miali Diedo po yene. Hali wan baa gbadi tipo mi niñima.

Pisomi 27:14

Dugi Li Miali Diedo po! Paagi aba, ki paagi a pali! Dugi Li Miali Diedo po!

Pisomi 37:34

Dugi Li Miali Diedo po, ŋoadi o sanu. O baa teni ŋan kpedi ki diedi mi diema, A baa le bi nibiadiba bodima.

Pisomi 37:7

Duani a yama Li Miali Diedo nintuali, ki yaa dugi opo. Da bieni a pali leni yua yaa bonla cuoni opo bonŋanla Ki da bieni a pali leni yua mo n kubi o yanjagibiada.

Pisomi 62:1

Bi yanyanba yudaano yani siiga yanbu. Jedutuni po. Dafidi yanbu.

Pisomi 62:5

Bi taani ki juogi ki baa tudi ki ñani o o kaanciamu nni. Bi mangidi bi pala mi faama po. Bi gaaliti leni bi ñoana, Ki nan solini bi pala nni.

Pisomi 79:5

Hali u laa yogunu yo ke a baa yaa baa biendi A pali ki kan pa sugili? Naani a pali li baa yaa baa be nani mi fantama yene?

Pisomi 79:6

Bieni a pali yaa nilanbuoli n ki bani a yeni po, Leni bani yaaba n ki jaandi a yeni po.

Mi Kpanjama 20:22

Ŋan da yedi: «N baa tieni mi biadima ki guani!» Dugi Li Miali Diedo po o baa faabi a.

I Yani 8:6

Bua nni leni a pali kuli Da paadi leni nni abada Kelima mi buama pia u fidu nani mi kuuma yeni. Li nunponli mo pa nani bi tinkpiba diema yeni. Li tie nani yaa fantama n co Ki pua nani ki taaga yeni.

Esayi 14:26

Li Miali Diedo n taa yaa yanjagili ki tinga kuli po n yeni, O mua i nibuoli po mi jama.

Esayi 30:18

Lani yaa po yo ke Li Miali Diedo guu ki baa ŋanbi yipo. O baa fii ki gbadi yipo mi niñima Kelima Li Miali Diedo tie yaa Tienu n tiegi. Li pamanli ye leni yaaba n dugi opo kuli.

Esayi 34:2

Kelima Li Miali Diedo pali fii i nibuoli po. O pabiencianli mo fii bi toagola kuli po. O baa kpa bikuli O baa bolini bikuli cain.

Esayi 63:6

N den ŋma i nilanbuoli n pabienli nni Ki teni ke bi ñuni n pabiencianli ki gaadi Ke n den wuli bi soama ki tinga po.

Jeremi 10:25

Teni a pabiencianli n jiidi i nilanbuoli po Bani yaaba n ki bani a Leni yaa nibuoli n ki jaandi ki miadi a todima yeni po. Kelima bi di Jakobo buolu. Bi dini o hali ki bolini o Ki teni ke o tinga tua paboanli kaanu.

Joeli 3:2

Laa dana nni, n baa teni n Fuoma n jiidi Ki yayadi baa bi naacenba leni a potuada po.

Mise 7:7

Ama mini, n baa diidi Li Miali Diedo yo, Ki bili n suginma wani n *faabima Tienu kani, Wani n Tienu baa tuo n miabu.

Habakuki 2:3

N jagi ki bili li bonlekaala yeni n baa tieni yaa yogunu. Li yogunu kan pendi. Baa li yaa waagi, ŋan yaa guu. Yen de, li baa cua ke laa pia kuli tama, Li yogunu kan mibidi.

Sofoni 1:18

Bi ŋanjilifa leni bi wula kan fidi ki faabi ba, Li Miali Diedo pabienli daali. N pabienli fantama baa buoni ki tinga kuli, Li baa bia hali boncianla. O baa bolini li ŋandunli niba kuli.»

Age Tili 2:22

N baa guli bi batieba, ki bolini i nilanbuoli diema paalu. N baa tudi ki lu ti toateliti leni yaaba n jagi tipo, I taami baa kpe, Bi tanjagiba baa kpa biyaba leni mu jugisiemu.

Matie 25:32

I nibuoli kuli baa taani o nintuali. O baa paadi bine leni biyaba nani o yankpaalo n paadi i pe leni i ŋuabi maama,

2 Pieri 3:10

O Diedo daali baa cua ki ludi bi niba nani li conconli yeni. Laa daali tanpoli baa bodi leni ku fuciangu. Yaala n ye lienni kuli baa cuo mi fantama ki nandi. Ki tinga leni yaala n ye lienni kuli mo baa cuo ki buodi.

Mi Doagidima 16:1

N den gbadi u nialiciamu ke u maadi U Tienu diegu nni ki yedi bi maleki-leleediba: «Gedi mani ki wuli ki tinga nni U Tienu pabienli cuonu yu n ye tadibuomu lele nni.»

Mi Doagidima 16:14

Mu tie yaa cicibiadimu n tiendi yaa bancianma n tie mi maalima. Mu caa ki tinga kuli badiba kani, ki baa taani ba bu toabu po U Tienu U Paaciamu Kuli Daano dacianli daali.