Sofoni 3:20 - Gourmanchéma Bible

²⁰ Laa yogunu, n baa goa ki kpeninni yi, Li baa yaa tie min baa goa ki taani yi yaa yogunu. Yi baa le ke n lebidi yi yema, N baa teni yin goa ki baa ti kpiagidi, Yi yela mo n ña, Li ŋandunli nibuoli kuli nni.» Li Miali Diedo n yedi yeni.

U TIENU MAAMA TILI 2013

²⁰ Lanyogunu n baa guani ki kpeninni yi. Li baa yaa tie min baa guani Ki taani yi yaa yogunu. Yi baa le ke n lebidi yi yema, Ki teni yin guani ki baa yi kpiagidi, Yi yela mo n ña li ŋandunli nibuoli nni kuli.» Mini o Diedo n yedi yeni.

Sofoni 3:20 ပူးပေါင်းရင်းမြစ်များ

Pisomi 35:6

Bi sanu n yaa biigi ki go ŋaligi Li Miali Diedo maleki n ŋoadi ki deli ba!

Esayi 56:5

N baa pa ba n diegu nni Leni n bilini nni, yaa kaanu leni yaa yeli N ŋani ki cie a bonjala leni a bonpola. N baa pa ba yaa yeli n baa ye yaa yogunu kuli, Ke liba kuli kan fidi ki bolini laa yeli.»

Esayi 56:8

Li Miali Diedo U Tienu Wani yua n taani ban luni Isalele yaaba siiga yaaba yedi mine: «N baa taani nitoaba Leni Isalele yaaba, yaaba n mali ki taa no.»

Esayi 60:15

Yaala n bi naani ŋan yaa tie ponanbangu Ke oba mo kuli ki poandi a kani, N baa teni ŋan tua ti jigidi bonla yaa yogunu kuli po, Leni li pamancianli bonla nifiima n tu nifiima.

Esayi 61:9

Bi puoliŋuani yeli baa kpedi i nilanbuoli siiga. Bi bila yela mo n ña i nibuoli siiga. Yaaba n baa le ba kuli baa bandi Ke bi tie Li Miali Diedo n seligi yaa nibuolu.

Esayi 62:12

Bi baa yini ba: “Yaa niba n gagidi ki ŋani, Li Miali Diedo n da ki faabi yaaba.” Ki yini a mo: “Ban lingi yua, Ban ki ŋa yaa dogu.”

Esayi 62:7

Yimo n da pa o fuodima Hali wan goa ki fiini Jelusalema Ki teni wan tua ti pagidi bonla ki tinga nni.

Esayi 66:22

Lanwani nani min tieni Yaa tanpopaano leni yaa tinpanga Ke bi baa ye n nintuali maama, Yi puoliŋuani leni yi yeli mo baa ye yene. Li Miali Diedo n yedi yeni.

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 29:14

N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

Jeremi 30:3

Diidi a dana kpendi, mini Li Miali Diedo n yedi ke n baa teni n niba Isalele yaaba leni Juda yaaba, yaaba n den ye ti yonbidi yeni n guani min den puni bi baanba yaa diema nni ban goa ki diedi ma yeni nni.»

Jeremi 33:9

Diidi u naa dogu baa tua npo pamanli leni jigidi bonla, Ki tinga nibuoli kuli siiga. Laa nibuoli gbadi min tieni ba yaa ŋanma. Li baa paki ba bi gbani n jeli kelima mi yemanma Leni min baa pa ba yaa baali kuli yaa po.»

Esekieli 16:53

N baa guani bi yonbi, Sodoma leni o bisiaba yonbi, leni Samali leni o yaa bisiaba yonbi leni a yaa yonbi yaaba n ye bi yaa yonbi siiga.

Esekieli 28:25

Mini o Diedo, Li Miali Diedo yedi mi ne: «Min baa goa ki taani Isalele yaaba ban den yadi yadi ki ye yaa nilanbuoli siiga yaa yogunu, n baa doagidi i nilanbuoli yeni po, ke n gagidi ki ŋani. Isalele yaaba baa yaa ye bi yaa diecele nni, min den puni n naacemo Jakobo yaa diema.

Esekieli 34:16

N baa lingi yua n bodi, ki guani yua n yaadi. N baa tieni u ñoagu ki go fini leni li cabili yua yaa taali n kua, ki paagi yua yia mo yaa gbanu. Ama n baa bolini yaaba n pia mi kpama ki go pia u fidu yeni. N baa yaa kpaa ba leni mi*teginma.»

Esekieli 37:12

Lanwani pua sawali ki yedi ba: O Diedo, Li Miali Diedo yedi mi ne: ‹Yinba n niba, n baa luodi yi kula, ki ñani yi a kula yeni niinni ki teni yin guani Isalele tinga nni.

Esekieli 37:21

Lani yaa puoli, a baa waani ba mini o Diedo, Li Miali Diedo n yedi yaala. N baa taani Isalele yaaba ban den ye yaa nilanbuoli siiga, ki ñani ba lipo, ki guani ki kaani ba bi yaa diema nni.

Esekieli 39:13

Mi diema niba kuli baa piini ba. Bi yeli mo baa ña, Min baa doagidi n kpiagidi yaa daali. Mini o Diedo, Li Miali Diedo n yedi yeni.

Esekieli 39:28

Lanwani bi baa bandi ke n tie Li Miali Diedo bi Tienu Yua n den gedini ba ti yonbidi i nilanbuoli siiga. N go guani ki taani ba bi diema nni. N kan go ŋa bi siiga baa yendo i nilanbuoli yeni diema nni.

Joeli 3:1

Li yaa puoli n baa teni n Fuoma n jiidi Ki yayadi bi nisaaliba kuli po. Yi bijaba leni yi bisiaba baa pua sawali. Yi jakpela baa dangi ti dangidi. Yi jawaaba mo baa baa li bonlekaala.

Amosi 9:14

N baa ñani n niba Isalele yaaba ti yonbidi nni Ki go cuani ba ne. Bi baa go maa bi yibalinba n den bolini yaa dogi Ki yaa ye i niinni. Bi go baa ŋu duven tiidi ki yaa ñu i duven, Bi go baa ga i kuani ki yaa di yi kpaandi.

Mise 2:12

Jakobo puoliŋuani, n go baa ti taani yikuli. N baa taani yinba Isalele yaaba, yaaba n sieni kuli. N baa taani yikuli nekanba nani yanloyenli yaa pe yeni, Nani yaa yangoli n taani yankpaakaanyendu kani yeni. Laa yogunu yaa niligu yaa pali n mani fuugu baa tieni boncianla.

Mise 4:7

N baa taa yaaba n poagili yeni Ki teni ban tua yaaba n baa sieni, N baa teni ban den deli ki gedini yaaba foagima yeni N tua yaa nibuolu n pia u paalu. Laa yogunu mini Li Miali Diedo baa die ba Siyono juali nni Hali yaa yogunu kuli.

Sofoni 2:7

Juda niba yaaba n ciadi baa diedi laa kaanu, Bi baa yaa kpa bi yandi lankani. Ku juogu yaa yen baa mo, Bi baa n dua Asikaloni dogu yaa diena nni, Kelima Li Miali Diedo bi Tienu baa ŋanbi bipo, Ki teni bi niba yaaba n den ye ti yonbidi yeni n goa ki kpeni.»

Sofoni 3:19

Diidi, laa yogunu, n baa faligi yaaba n den mabindi yi, N baa faabi n niba, yaaba n ki baadi todima nani yaa pe n duugi, N baa goa ki kpeninni ban den gedini n niba yaaba ti yonbidi, N baa teni ban goa ki baa ti kpiagidi, bi yela mo n ña, Ban den laa i fe naankani kuli.

Sakari 8:13

Juda yaaba leni Isalele yaaba, Yaala n den baa yi den tua Ti solindi makpanjama i nilanbuoli siiga. Ama, n baa faabi yi ki teni yin tua li seli makpanjama bi siiga. Yin da go jie mani, paagi mani yi pala!»

Sakari 8:8

N baa ñani ba lipo ke ban kpeni ki kali Jelusalema. Bi baa yaa tie n niba, N mo baa yaa tie bi Tienu, N baa yaa die ba, Ki gobidi ba leni i moamoani leni mi *teginma.»

Malaki 3:12

I nilanbuoli kuli baa yaa tua ke yi ye leni li pamanli, Kelima yi diema baa yaa tie yaa kaanu n ŋani boncianla. Li Miali Diedo, U Paaciamu Kuli Daano n yedi yeni.»

Mi Tiadima 26:18

Li Miali Diedo go niani yi ke yi baa yaa tie wani oba n die yaaba nani wan yedi maama, ki go yaa kubi o bali maama kuli.

Mi Tiadima 26:19

Lani n tie wan pa yi yin cie wan tagi yaa nibuoli kuli lan tie u paalu po, ti kpiagidi po, li yeli po, leni ti jigidi po kuli, ke yin yaa tie yaa nibuolu n gagidi ki ŋani Li Miali Diedo yi Tienu po nani wan den yedi maama.»