Sofoni 3:17 - Gourmanchéma Bible

¹⁷ Li Miali Diedo, yi Tienu ye yi siiga, Ki tie yaa jakoando n faabidi. O baa teni yin tua o pamanli bonla. O buama yipo teni ke o baa pa yi mi yepanma. O yiini ki kpaani leni li pamanli kelima yipo,

U TIENU MAAMA TILI 2013

¹⁷ O Diedo yi Tienu ye yi siiga, Ki tie yaa jakoando n faabidi. O baa teni yin tua o pamanli bonla. O buama yi po teni ke o baa pa yi mi yepanma. O yiini ki kpaani leni li pamanli kelima yi po,

Sofoni 3:17 ပူးပေါင်းရင်းမြစ်များ

Mi cilima 1:31

Li den tua yeni. U Tienu den laa wan den tagi yaala kuli ke li ŋani hali boncianla. Ku yenjuogu leni ku tiŋaagu den ye lani n den tua li daluobili.

Mi cilima 17:1

Abalama n den pia piiyia n bina yia yaa yogunu, Li Miali Diedo den doagidi Abalama kani ki yedi o: «N tie U Tienu U Paaciamu Kuli Daano. Ŋan yaa cuoni n nintuali ki tiegi,

Mi cilima 18:14

Naani li pia Li Miali Diedo n kan fidi ki tieni yaala? Binli po lan bili yaa yogunu yaa cua, n baa cua a kani Sala baa maa bonjaga.

Mi cilima 2:2

U Tienu n den baa soani yaa tuonli kuli, o den soani ki gbeni li. Li daleleeli daali mo o den fuodi.

Pisomi 147:11

Wani Li Miali Diedo mangidi o pali yaaba n fangi o po, Leni yaaba n dugi o *ŋanbili po.

Pisomi 149:4

Kelima Li Miali Diedo pali mani o niba po. O jigindi bi yumiindanba ki faabidi ba.

Pisomi 78:65

Li Miali Diedo den fii yenma nani yaa ja n bi goa yeni, Bi nani mi daama n cuo yaa jakoando yeni.

Esayi 12:2

N *faabima Tienu, n baa dugi apo, n kaa jie, Kelima Li Miali Diedo n tie n paalu leni n yanbu. O tua n faabima.»

Esayi 12:6

Kpaani ki doagidi a pamanli fini yua n ye Siyono nni, Kelima Isalele Tienu wani Yua n Gagidi ki ŋani yeni yaba boncianla. O ye o niba siiga mo.

Esayi 18:4

Kelima Li Miali Diedo yedi nni mine: «N ye n yekaanu tanpoli po, Ki diidi yaala n tiendi ki tinga nni. Nani ku yenwuligu n ñuliti mi yenma nni maama yeni, Nani ku manmangu tawaligu u jetaagu wulugu nni yeni.»

Esayi 63:1

Ŋme n ñani Edomi po ki kpendi yeni? Wani yua ñani Botisila ki laa ti tiamoandi Ki bobi yaa tiadi n ñuliti kolinkolini Ki cuoni leni ti jigidi Ki cuoni ki gaani leni u fidu yeni tie ŋme? Li tie mini yua n maadi i moamoani Ki pia yaa paalu n baa fidi ki faabi.

Esayi 63:12

O den tandi o buagu yaagu n pia u paalu Ki gobidi Musa nijienu. O den jia mi ñima bi nintuali, Ki baa teni o yeli n ña hali yaa yogunu kuli po.

Esayi 65:19

N baa teni Jelusalema n tua n pamancianli U niba mo n tua n pamanli. Bi kan go gbadi bubula leni kuudi u niinni.

Esayi 9:6

O tuonli n baa yaa tie wan pugini o bali Ki go pa yaa yanduanma n ki pia gbenma. O baa kali Dafidi bali kalikaanu ki diedi o diema. O baa pugini mi paalu ki kubi ma leni mi *teginma leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa tieni yaala o buacianma nni yeni.

Jeremi 32:41

N pali baa yaa mani bipo min tieni ba mi ŋanma. N baa kaani ba bonŋanla mi diema nni.

Ose Tili 14:4

Asili diema yaaba kan fidi ki faabi ti. Ti kan go jagini taami mo ki bua ki sani ki cia. Ti kan go yedi ke ti nii n taagi yaala tie ti Tienu, Kelima a kpienbila baadi a yaa kane mi niñingbadima.› »

Joeli 2:21

Fini, ki tinga ŋan da jie liba, Mangi a pali hali boncianla, Kelima Li Miali Diedo n tieni apo yaala kuli po.

Sofoni 3:15

Li Miali Diedo kagidi yipo wan den teni ke yaa fala n ŋua yi, O deli ki yaani yi yibalinba. Wani Li Miali Diedo, yua n tie yinba Isalele yaaba bado, Ye yi siiga, Yin da go jie ke falaba kuli baa ti cua.

Sofoni 3:5

Ama Li Miali Diedo nan ye Jelusalema, Ki tiendi yaala n tiegi, kaa tiendi kuli yaala n bia. Fiifaama kuli, o ja yaa buudi n tiegi, Ki naa jidi baa dayenli. Ama baa leni lani kuli, bi nibiadiba tiendi yaala n bia, Kaa gba feba kuli.

Mi Coadima 14:8

Li Miali Diedo pali yaa mani tipo, o baa kuani ti laa diema nni ki pa ti ma. Mi tie mi naaŋanma leni ti siadi n dua yaa diema yaa niinni.

Luki 15:32

Li pundi tin je ki go mangi ti pala kelima a waalo na den kpe ki go faadi, o den yaadi ke ti goa ki laa o.› »

Jan n diani U Tienu Laabaaliŋamo maama 13:1

Hali ke mi *Pendima jaanma daa pundi, Jesu den bani ke wan baa ña ŋanduna nni ki gedi Baa po yaa yogunu pundi. O den bua o yaaba, yaaba n ye ŋanduna nni, o den bua ba hali mi juodima.

Jan n diani U Tienu Laabaaliŋamo maama 15:11

N maadi yi laa maama, ke yin yaa pia n yaa pamanli buolu, ke yi pamanli n pugini ki dagidi.

Mi Tiadima 23:15

Kelima Li Miali Diedo yi Tienu cuoni yi nagili siiga, ki baa yaa kubi yi, ki baa taa yi yibalinba ki muni ba yi nuu nni. Yi nagili baa gagidi ki yaa ŋani ke Li Miali Diedo n da ti le yikani bongundiliba kuli, ki da ti buli yi o nunga.

Mi Tiadima 30:9

Li Miali Diedo yi Tienu baa pa yi mi piama, ki teni yi nii bontienkaala, yi madi leni yi yandi leni yi tinga bonluonkaala n yaa pugidi. Kelima Li Miali Diedo baa goa ki kuani o yama yi yemanma nni nani wan den kpa kuani o yama yi baanba yemanma nni maama,

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu kelima o yaa todima po yaa yogunu kuli, kelima o ye ki fo yogunu kuli ki miadi U Tienu bipo.