Sofoni 3:14 - Gourmanchéma Bible

¹⁴ Mangi mani yi pala, yinba Siyono yaaba! Yigini mani i pamandanyigimi, yinba Isalele yaaba! Mangi mani yi pala hali boncianla, Yinba Jelusalema yaaba!

U TIENU MAAMA TILI 2013

¹⁴ Mangi mani yi pala, yinba Siyon yaaba! Yigini mani i pamandanyigimi, yinba Isidayeli yaaba! Mangi mani yi pala hali boncianla, Yinba Jerusalemi dogu yaaba!

Sofoni 3:14 ပူးပေါင်းရင်းမြစ်များ

Nehemi 12:43

Laa daali bi den padi a pada boncianla ki mangi bi pala kelima U Tienu den puni Isalele yaaba li pamancianli. Bi puoba leni a bila moko den mangi bi pala. Lane bi niba den gbadi Jelusalema pamanli kpaani hali foagima.

Pisomi 14:7

Ŋme n baa cuani mi *faabima Siyono nni Isalele yaaba po? Li Miali Diedo yaa ti ñani o niba ti yonbidi nni yaa yogunu, Jakobo puoliŋuani baa yaa ye leni li pamancianli, Bani Isalele yaaba yeni!

Pisomi 149:2

Isalele yaaba n mangi bi pala yua n tagi ba yaa niinni! Siyono yaaba n yaa ye leni li pamanli kelima bi bado po.

Pisomi 97:8

Siyono po, bi ga o laabaalo ki mangi bi pala. Juda dogi ye leni li pamancianli Kelima fini Li Miali Diedo, ŋan jia yaa buudi po.

Esayi 12:6

Kpaani ki doagidi a pamanli fini yua n ye Siyono nni, Kelima Isalele Tienu wani Yua n Gagidi ki ŋani yeni yaba boncianla. O ye o niba siiga mo.

Esayi 29:19

Bi yumiindanba pamanli baa yaa pugidi Li Miali Diedo nni, A luoda pala baa mangi ki kandi, Kelima Isalele Tienu Yua n Gagidi ki ŋani yeni po.

Esayi 35:2

U baa puudi bonŋanla, u pali n mangi, Wun yiini i jakoandiyani leni i pamandanyani. Bi baa pa u Libani kpiagidi, Leni Kalimeli leni Salona jigidi. Bi baa le Li Miali Diedo kpiagidi Leni ti Tienu jigidi.

Esayi 37:22

yedi mine: ‹Line n tie Li Miali Diedo n maadi yaa maama ki yie opo: Siyono niba fali a, bi ñuadi a, Jelusalema niba ŋua ki duani bi yula a puoli po.

Esayi 40:1

Yi Tienu yedi: «Baagi mani, baagi mani n niba.

Esayi 40:9

Yinba Siyono yaaba, o laabaaliŋamo tonda, Do mani yaa juali n kpedi po, Ki kpedi yi niali lan yaa pa. Yinba Jelusalema yaaba, o laabaaliŋamo tonda, Kpedi mani yi niali ki da jie Ki yedi Juda yaaba dogi: «Na mani yi Tienu nne!»

Esayi 51:11

Li Miali Diedo n faabi yaaba, baa lebidi ki kpeni yene. Bi baa pundi Siyono leni li pamanli yani Yaa pamanli n ki pia gbenma mo n baa yilini bi yula Li pamanli leni li pamankandikaali n baa sani ki cua. Li paboanli leni i figindi mo baa sani ki foagidi.

Esayi 52:9

Yinba Jelusalema diegbena yaaba Taani ki yigini mani mi paadima yigimi, Kelima Li Miali Diedo baagi o niba Ki da ki faabi Jelusalema.

Esayi 54:1

Fini ki ŋoaliga, mangi a pali! Fini yua n ki mali, Yigini mi paadima yigimi, Fini yua n ki bandi madi-tugukoanu! Kelima ku ponanbangu bila baa yaba ki cie, Yua n taa ki ye leni o calo yaa bila. Li Miali Diedo n yedi yeni.

Jeremi 30:19

Bi siiga nni i pamandanyani leni i yigimi baa fii ki loli. N baa teni ban pugini boncianla, bi kan wadi. N baa kpiagi ba, bi kan go le yualu.

Jeremi 31:13

Lanwani bi jafanba baa jeli ki mangi bi pala Ki taani bi jawaaba leni a jakpela kuli. N baa teni bi paboanli n tua pamanli. N baa baagi ba. Bi falabiado yeni puoli po n baa teni bi pala n mangi.

Jeremi 33:11

I pamandanyani, i pamankandike yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano Kelima o ŋani, o *ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani Li Miali Diedo diegu nni. Kelima n baa teni yaaba n den ye ti yonbidi n goa ki kpeni Min kaani ba nani kpiama yeni. Li Miali Diedo n yedi yeni.»

Joeli 2:23

Yinba Siyono yaaba mo, yin mangi yi pala, Kelima Li Miali Diedo yi Tienu po. O baa pa yi ki taaga ki yogunu yaa pundi, O baa pa yi ki takpiaga leni ki tajuodikaaga Nani wan den tiendi maama u yogu nni yeni.

Mise 4:8

Fini Siyono juali li toaguudidieli, A baa goa ki baa a kpiagidi nani mi kpiama yeni, Jelusalema mo n goa ki baa o bali.»

Matie 21:9

Yaa niligu n den ye Jesu liiga leni yaagu n ŋua o puoli kuli den kpaani ki tua: «Dafidi Bijua n baa ti pagidi. U Tienu n seligi yua n kpendi wani o Diedo yaa yeli nni. U Tienu yua n ye hali tanpojoma n baa ti pagidi.»