Sofoni 3:13 - Gourmanchéma Bible

¹³ Isalele yaaba, yaaba n baa sieni kan go tieni kuli yaala n ki tiegi, Bi kan go pua faama, Janbi maama kan go yaa ye bi ñoana nni. Bi baa yaa baadi ki di ki go goa, Ke oba kuli kan yagi bi yama mo.»

U TIENU MAAMA TILI 2013

¹³ Isidayeli yaaba, yaaba n baa sieni Kan go tieni kuli yaala n ki tiegi, Bi kan go pua faama, Janbi maama mo kan go yaa ye bi ñoana nni. Lani, bi baa fidi ki yaa di ki go goa bonŋanla, Ke oba kuli kan yagi bi yama mo.»

Sofoni 3:13 ပူးပေါင်းရင်းမြစ်များ

2 Bi Badiba Jama 20:30

Ki cili laa daali, Josafati bali nni kuli, o den ye leni mi yanduanma, kelima U Tienu n den puni o laa yanduanma i kaani kuli.

Jobi 11:19

A baa duani ki tandi aba, Niloba kan biidi a guama. Bi niba boncianla baa mia a todima.

Pisomi 119:3

Bi kan tieni kuli yaala n bia Ama bi ŋua nani U Tienu n bua maama.

Pisomi 120:2

Li Miali Diedo, faabi nni bi tuofaadanba Leni i boandi danba ñoana.

Pisomi 120:3

U Tienu baa faligi Yinba i boandi danba.

Pisomi 23:2

O teni ke n fuo li moabunli nni. O caani nni mi ñinkuugima kani.

Esayi 17:2

Sili diema dogi kan go yaa pia niba I yankuli n baa die u kaanu, ke oba ki pangi ba mo.

Esayi 35:8

U sanu baa yaa ye likani, Bi baa yaa yi li sanu: «Yaa sanu n gagidi ki ŋani.» Yaa nilo n *joagini kuli kan poandi likani. U baa yaa tie bani bebe yaa po yo Baa bi yanluodanba yaa tagini u, bi kan bodi.

Esayi 54:14

A baa baa u paalu kelima mi *teginma po, Ŋan foagidi a yuli leni ki mabinga, Kelima a kaa go jie liba kuli, Baa ti jawaanciandi mo kan go nagini a kani.

Esayi 6:13

Baa li yaa sua ke niba piiga siiga kuli Niyendo yendo n sieni ki ye mi niinni, Bi baa lu bani moko mi fantama nni. Ama nani telebinti leni seni tiidi Bi yaa pedi i ñiali yin go yen goa ki kpeli maama yeni, Bi yaa ñiana moko baa goa ki bundi Ki tieni yaa puoliŋuani n gagidi ki ŋani yeni.

Esayi 60:21

A niba kuli baa tie niteginkaaba bebe, Bi baa diedi mi diema hali yaa yogunu kuli. Li tie min ŋu yaa benkpeli yeni, Ki tie n nuu tuonli, Ki doagidi n kpiagidi.

Esayi 63:8

O den yedi: «Moamoani bi tie n niba, Yaa bijaba n kan janbi o.» O den tua bipo candaano.

Esayi 65:10

Salona baa tua yankpaakaanu ti yanbidi po Akoli joaloangu mo n tua n niba yaaba n lingi nni po, Yanciandi wuonkaanu.

Jeremi 23:4

N baa lingi bipo yaa yankpaaba n baa taa ba ki ban yaa kpaa ba. Bi kan go yaa jie, bi kan go yaa digibi Baa bonyendo kan poadi bi siiga mo.» Li Miali Diedo n yedi yeni.

Jeremi 30:10

Fini n naacemo Jakobo, Da jie liba, Li Miali Diedo n yedi yeni. Isalele, da digibi ba! Kelima diidi n baa faabi a ki tinga nni Leni a puoliŋuani n ye ti yonbidi yaa diema nni. Jakobo baa guani ki mangi o pali Mi fuodima po leni mi yanduanma po. Oba kuli kan cua ki lengi o yama.

Jeremi 31:33

Mini Li Miali Diedo yedi: «Diidi mini baa kuani yaa ŋantaado Leni Isalele diema yaaba. Laa dana yaa pendi N baa kuani n *balimaama bi yantiana nni. Ki diani ma bi pala nni. N baa tie bi Tienu, Bani mo baa tie n niba.

Esekieli 39:26

Lanwani bi baa sundi bi fe po Leni ban den tieni npo yaa tagili kuli po. Bi baa yaa ye leni mi yanduanma bi diema nni Ke niloba mo ki go yagini bi yama.

Levi 26:6

Mini Li Miali Diedo n baa teni mi yanduanma n yaa ye mi diema nni. Yi yaa goa, oba kuli kan yagi yi yama. N baa teni ti fuayanbiaditi n bodi mi diema kuli nni. Ki jugisiega mo kan go poandi yi diema nni.

Mise 4:4

Nilo kuli baa kaa o duven tiidi soangu nni Leni o kankanŋuuke soangu nni. Yua n baa teni bi niba n jie kan go yaa ye, Kelima Li Miali Diedo U Paaciamu Kuli Daano Ñoabu n maadi ki yedi ke li baa tie yeni.

Mise 4:7

N baa taa yaaba n poagili yeni Ki teni ban tua yaaba n baa sieni, N baa teni ban den deli ki gedini yaaba foagima yeni N tua yaa nibuolu n pia u paalu. Laa yogunu mini Li Miali Diedo baa die ba Siyono juali nni Hali yaa yogunu kuli.

Mise 7:14

U Tienu, taa a yankpaagbiamu ki yaa kpaa a niba, Bani yaa nigoli n tie a piama yeni, Bani, yaaba n ye bi bebe Kalimeli fuasieli Ki pia yaa tisoangidi n yaba leni yaa yankpaakaani n yaba. Ŋan go yaa kpaa ba nani ŋan den kpa kpaa ba maama Yaa yankpaakaani n ŋani boncianla ki ye Basana leni Galaadi diema nni yeni.

Sofoni 2:7

Juda niba yaaba n ciadi baa diedi laa kaanu, Bi baa yaa kpa bi yandi lankani. Ku juogu yaa yen baa mo, Bi baa n dua Asikaloni dogu yaa diena nni, Kelima Li Miali Diedo bi Tienu baa ŋanbi bipo, Ki teni bi niba yaaba n den ye ti yonbidi yeni n goa ki kpeni.»

Sofoni 3:5

Ama Li Miali Diedo nan ye Jelusalema, Ki tiendi yaala n tiegi, kaa tiendi kuli yaala n bia. Fiifaama kuli, o ja yaa buudi n tiegi, Ki naa jidi baa dayenli. Ama baa leni lani kuli, bi nibiadiba tiendi yaala n bia, Kaa gba feba kuli.

Sakari 8:12

N baa teni mi yanduanma n tieni ki tinga po: Duven tiidi baa luoni, Ki tinga baa teni ti kpaandi n tieni, Ki taaga baa mi boncianla. N baa pa laa bonla kuli n niba yaaba n sieni.

Sakari 8:16

Yin baa yaa tiendi yaala tie line: Yua kuli n yaa maadi o nisaalilielo i moamoani. Yi bujiakaani kani, yin yaa ja yaa buudi n tiegi Ki kpendinni mi yanduanma.

Sakari 8:3

N baa lebidi ki guani Siyono, ki yaa ye Jelusalema yaaba siiga. Bi niba baa yaa yi Jelusalema dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo, U Paaciamu Kuli Daano, juali mo: “Mi gagidiŋanma juali.”»

Matie 13:41

O Ja Bijua baa soani o malekinba ban taani ki ñani o diema nni yaaba n tulini bi niba kuli leni yaaba n tiendi mi biadima kuli,

Jan n diani U Tienu Laabaaliŋamo maama 1:47

Jesu n den laa Nataneli ke o kpendi o kani, o den yedi: «Diidi, yua n kpendi na tie Isalele buolu yua moamoani, waa pia boandiba kuli o pali nni.»

Kolosi 3:9

Yin da pua faama leni yiyaba, kelima yi den landi u tagikpelu leni u bontienkaala,

1 Pieri 3:14

Li pamanli ye leni yi baa bi yaa waani yi fala yin tiendi yaala n ŋani yaa yogunu mo. Yin da jie mani bi nisaaliba baa waamu, ki da yagi yi yama.

1 Jan 5:18

Ti bani ke U Tienu n mali yua, waa tiendi tuonbiadi, kelima U Tienu Bijua kubi o ke o *Biado kan sii o.

Mi Doagidima 14:5

Faamaba kuli ki den ye bi ñoana nni, baa pia ban baa fidi ki kuli ba leni yaala.

Mi Doagidima 21:27

Joagindi baa kuli kan baa ki kua u niinni. Yua n tiendi ti cagindi leni yua n pua mi faama kan kua u niinni, kali yaaba yaa yela n diani ki Pebiga tili nni, li miali tili nni yeni, bani bebe n baa baa ki kua u niinni.

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»