Sofoni 3:11 - Gourmanchéma Bible

¹¹ Laa yogunu, yinba, n niba Yi kan go jie i fe kelima yi tuona po, Leni yin tiendi npo yaa *tuonbiadi yeni po, Kelima n baa ñani yi siiga yaa niba n pia ti japaadi boncianla. Yi japaadi baa baa u bianu n joagagidikaali po.

U TIENU MAAMA TILI 2013

¹¹ Lanyogunu, yinba n niba, Yi kan go jie i fe kelima yi tuona Leni yin tiendi n po yaa tuonbiadi yeni po. N baa ñani yi siiga yaa niba n pia ti japaadi boncianla. Yi japaadi baa baa u bianu n joagagidikaali po.

Sofoni 3:11 ပူးပေါင်းရင်းမြစ်များ

Pisomi 131:1

Ban caa Jelusalema ki yiini yaa yanbu Dafidi yanbu. Li Miali Diedo, japaadi ki ye n pali nni Mii go pia kafaanunnualima Mii fiindi n yuli Mii go lingi yaala n yaba ki cie nni.

Pisomi 49:5

N diadi n tubili ki cengi mi kpanjama N baa pua n kogidigu ki bundi mi kpanjañuanma.

Pisomi 59:12

Ŋan da jaligi ki bolini ba moala. Lani n tie n niba n da sundi a paadima po. Yaadi ba leni u paalu ki teni ban ŋmadi ki baa, Fini ti Diedo, ti gbankoandigu.

Esayi 11:9

Biadima leni bolinmaba kan tieni Li Miali Diedo joagagidiŋanli po, Kelima mi diema nni yua kuli baa bandi Li Miali Diedo Nani mi ñincianma n gbie leni mi ñima maama yeni.

Esayi 2:12

Li Miali Diedo U Paaciamu Kuli Daano bili laa daali Ki baa yie yaala n pia kafaama leni japaadi kuli po, Moko, yaala n fiini li yuli kuli ki baa goa jiidi po.

Esayi 45:17

Isalele yaaba wani, bi baa baa mi faabima kelima Li Miali Diedo po. Yaa faabima n baa ye hali yaa yogunu kuli Yi kan go fiagi, Yi kan go yaa ye leni i fe hali yaa yogunu kuli po.»

Esayi 5:15

Bi lancianbu kuli, Li pundi bi niba kuli n miini bi yula, Ti japaadi danba n tibini bi yula.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a, A baa sundi a jafandi yogunu. A kan go tia a kpepuodi yogunu fe.

Esayi 56:7

N baa yini bani n joagagidikaali po. N baa mangi bi pala n diegu nni, ban jaandi nni naani. N baa tuo ki ga bi padijuukaana leni bi pada kuli N *padibinbinli po. Kelima n Diegu baa yaa yi i jaandi Diegu yo I nibuoli kuli po.

Esayi 61:7

Yi baa baa yaa kpiagidi n yaba tin lebidi yi fe. Bi den fiagi yi ama moala, Yi pala mangi yin baa yaala yaa po. Yi diema nni, yi baa baa ki pugini pugini Yi pamanli mo baa ye hali yaa yogunu kuli.

Jeremi 13:9

«Li Miali Diedo yedi nanda: Min baa bolini Juda japaadi maama n yeni. N baa tieni Jelusalema japaaciandi mo yene.

Jeremi 7:4

Yin da dugi mani yi boandi po ki yedi: ‹Nekanba n tie Li Miali Diedo diegu, Li Miali Diedo diegu, Li Miali Diedo diegu nne!›

Esekieli 20:40

Kelima mini o Diedo, Li Miali Diedo yedi ke n joagagidikaali yaali n kpedi ki cie Isalele diema juana yeni po yo, ke Isalele yaaba kuli leni yaaba n ye mi diema nni kuli baa soani npo. Lankane n baa biali ba, ki ga yin ñani yaala npo, yaala n pia mayuli ki cie yi paabu nni leni yin gagidi npo yaala kuli.

Esekieli 24:21

Ŋan yedi Isalele buolu yaaba ke mini o Diedo, Li Miali Diedo yedi mi ne: Diidi n baa *joagini n*kaangagidiŋamu, yu n teni ke yi jigini yi yula, ki tie yi nuni pamanli leni yi suginma yeni. Yi bijaba leni yi bisiaba, yin ŋa yaaba Jelusalema po yeni, ki jugisiega n baa kpa ba.

Danieli 9:16

Ti Diedo, nani a niñingbadima n yaba maama yaa po, ŋan jiini a pali a dogu Jelusalema a joagagidikaali po, kelima ti tuonbiadi leni ti baanba yaa tudima po. Yaaba n lindi ti kuli fali ti ki yuandi Jelusalema leni a niba.

Danieli 9:20

Danieli go den suagi ki yedi: «N den baa jaandi ki tuodi n tuonbiadi leni n nibuolu Isalele yaaba yaa tuonbiadi, ki miadi Li Miali Diedo n Tienu o joagagidikaali po.

Mise 3:11

Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Mi Coadima 16:3

Bi den taani ki gaani ki cebini Musa leni Alono ki yedi ba: «Moamoani yi di pendi u bianu! Isalele yaaba nitaanli kuli tie yaaba n gagidi ki ŋani, ke Li Miali Diedo mo ye bi siiga. Be yaa po ke yi fiini yiba ki baa diedi Li Miali Diedo nitaanli kuli?»

Matie 3:9

Yin da se ki tua yi pala nni: ‹Ti pia Abalahama ke o tie ti yaaja.› N kadi ki waani yi ke U Tienu baa fidi ki teni yaa tana n tie na n tua Abalahama puoliŋuani.

LOMA YAABA 2:17

Ama fini yua n yedi ke a tie Jufi, a jigi co U Tienu bali maama nni, ki kpiagi a yuli kelima ;nan pia yaa ;nantaado leni U Tienu.

LOMA YAABA 9:33

nani lan diani maama: «Diidi ki le, n bili Siyono juali kani Yaa tanli n baa teni bi niba n tuudi, Yaa tancianli n baa teni bi niba n baa yeni, Ama yua n dugi opo kuli, O kan le i fe hali abada.»

1 Pieri 2:6

Kelima i Diani nni li yedi: «Diidi, n bili Siyono dogu nni li tanpuuli tanjigi Min gandi yaali ke li tie tanmoanli. Yua n dugi li tanli yeni po kuli, kan fiagi.»