Sofoni 3:1 - Gourmanchéma Bible

¹ Fala n baa bi niyiekaaba dogu, Yu n *joagini ki goa ki pia mabinga.

U TIENU MAAMA TILI 2013

¹ Fala n baa bi niyiekaaba dogu, Yuu n joagini ki pia ki mabinga yeni.

Sofoni 3:1 ပူးပေါင်းရင်းမြစ်များ

Esayi 30:12

Lani n teni ke Li Miali Diedo Isalele Tienu Yua n Gagidi ki ŋani yeni yedi yaa maama n tie na: «Nani yin yie yaa maama n tie na maama, Ki bua ku tugumoangu leni i janbi, Ki go dugi lipo yeni,

Esayi 5:7

Li Miali Diedo U Paaciamu Kuli Daano Duven tiidi kuanu yeni N tie Isalele buolu yaaba. Juda buolu yaaba mo n tie Wan den bua yaa tibu hali bonŋanla. Li Miali Diedo den sugini Ki le yaa bujiali n tiegi Ama ki sua biadima. O den sugini ki le mi *teginma Ki sua i kaani kuli janda bebe!

Esayi 59:13

Lani n tie tin tiendi Yaa biadima leni yaa boandi Li Miali Diedo po Ki foagidi leni ti Tienu. Mabinga maama leni yiema maama Tuofaamaama leni bunbidi li pali nni,

Esayi 59:6

Bi caba kan tuo ki tieni tiayiekaagu. Bi kan fidi ki lu ki pini biba, Bi tuona kuli tie yaa tuona n ki tiegi. Bi tugutongu mo ye bi nuu nne.

Jeremi 22:17

Ama fini wani, a li lingi a yuceli ŋamu bebe yo. A faadi ki wuli yaaba n ki pia tagili soama. A yaa tugumoangu mo yaba boncianla.

Jeremi 5:23

Ama bi naa niba pia yaa pala n juagi ki go pa. Bi piadi ki sedi ki sani ki foagidi.

Jeremi 6:6

Li Miali Diedo U Paaciamu Kuli Daano yedi nanda: «Pedi mani ti daadi, Ki tiini ki deni i bilini ki gaani ki cebini Jelusalema Yibalinba n do ki kua, U dogu wuni uba n baa le fala, Kelima laa dogu nni puu kuli ki ye se mabinga bebe.

Jeremi 6:7

Nani ku ñinbuogu nni ñima n taa maama yeni, U dogu moko yaa biadima taa yene. Lanbuba ki ye u dogu yeni niinni Kaa tie tugumoangu leni bolinma yaaka. Yogunu kuli n nua poagilima leni fala bebe.

Esekieli 22:29

Mi diema niba puni bi yula ki mabinga po ki su ki janbidi a luoda leni a tadima, ki mabindi bi canba ke teginmaba kuli ki ye.

Esekieli 22:7

A yaa niinne ke bi fali bibaa leni binaa. A siiga nne ke bi mabindi bi canba. A niinne ke bi janbidi a kpienbila leni a kpepuona.

Esekieli 23:30

Bi baa soani a yene Kelima a den conbi leni i nilanbuoli Ki joagini a yuli leni bi buli.

Levi 1:16

O baa ñani ku fiagu leni ti kobidi ki lu ki kuu leni li padibinbinli puoli po ban tiendi mi fantanpienma naani.

Amosi 3:9

Kpaani mani ki yedi yaaba n ye a dieŋama nni ki ye Asidodi leni Ejipiti: «Cua mani ki taani Samali juana yula po, Ki diidi ki le yaa janjancianma leni yaa mabinli n ye lienni.»

Amosi 4:1

Yinba yaa popiada n ye Samali juali po, Ki gbengi nani Basana tialu naañuana yeni, Cengi mani yaa maama n tie na: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Mise 2:2

Bi fenli ban pia li nunponli bi lieba kuani yi yaa po, Bi fenli ban pia li nunponli bi lieba diedi yaadi yaa po. Bi mabindi bi niba leni bi diedi kuli. Ki fenli bi piama kuli.

Sakari 7:10

Yin da mabindi a kpepuona, a kpienbila, bi canba leni a tadima. Yin da kpaagi yiyaba po yaala n bia.›

Malaki 3:5

Li Miali Diedo, U Paaciamu Kuli Daano yedi: «N baa cua yi siiga li bujiali po, N baa jaligi ki taa a lingida leni mi *conconma danba tagili, Ki taani leni yaaba n polini ki pua mi faama, Leni yaaba n mabindi bi tuonsoanba kaa pa ba bi ligi, Leni yaaba n faligidi a kpepuona leni a kpienbila, Leni yaaba n tiendi bi canba yaala n bia kaa fangi nni.»