Sofoni 2:9 - Gourmanchéma Bible

⁹ Li tie lani yaa po ke mini, Li Miali Diedo U Paaciamu Kuli Daano, Isalele yaaba Tienu poli ki yedi: ‹N ye ki fo, Moabi yaaba leni Amoni buolu yaaba baa bodi Nani Sodoma leni *Gomola yaaba n bodi maama yeni. Ti konkondi baa fii ki luoni bi diema nni, Likani baa tua tinyaama, Likani baa tua paboanli kaanu hali yaa yogunu kuli po. N niba yaaba n ciadi baa cua ki fagi bi diema piama, Ki fie bi diema mo.› »

U TIENU MAAMA TILI 2013

⁹ Li tie lani yaa po yo ke mini, Li Miali Diedo U Paaciamu Kuli Daano, Isidayeli Tienu yua n fo poli ki yedi: ‹Moabi yaaba leni Anmoni dogi baa bodi Nani Sodomi leni Gomori dogi yeni. Ti konkondi baa fii ki luoni bi diema nni, Likani baa tua tinyaama, Likani baa tua paboanli kaanu Hali yaa yogunu kuli po. N niba yaaba n ciadi baa cua Ki fagi bi diema piama, Ki fie bi diema mo.› »

Sofoni 2:9 ပူးပေါင်းရင်းမြစ်များ

Esayi 11:14

Bi baa taani ki baa Filisiti yaaba nintuali po. Ki taani ki fagi puoli yaaba. Edomi leni Moabi yaaba baa le fala bi nuu nni. Bi baa diedi Amoni yaaba.

Esayi 25:10

Kelima Li Miali Diedo nuu n maa li naa juali po.» Bi nugi Moabi ki bili o li buoli nni Nani ban yen nugi ti muadi maama Ti bugidi buogu nni yeni.

Esayi 49:18

Yaadi ki diidi mani yi gaanilindima kuli Bikuli taani ki kpendi yikani Li Miali Diedo yua n fo poli ki yedi: «Bi baa tua apo nani ti kpiagidi bonyilikaala yeni Ŋan yie ba nani o pocaano n yie o tiadi maama yeni.

Jeremi 46:18

Mini Li Miali Diedo U Paaciamu Kuli Daano n tie Bade. Nani a juana siiga Taboli juali n kpedi maama Ke Kalimeli juali mo n se mi ñincianma nni maama yeni, Yibalinba baa cua ki baa Ejipiti diema ke laa pia tama yene.

Jeremi 48:1

Li Miali Diedo Isalele Tienu U Paaciamu Kuli Daano yedi nanda: «Fala nandi Nebo yaaba kelima o dogi bodi. Kilijatayima dogu ye leni i fe kelima bi fie u. Misigaba dogu ye leni i fe leni i yanbani.

Jeremi 49:1

Yaa maama n ye Amoni yaaba po Li Miali Diedo yedi nanda: «Naani Isalele ki pia bijaba yo? Waa pia yua n baa je o faali yo? Be yaa po yo ke Amoni yaaba bado die Gada Ke o niba mo ye Gada dogi nni?»

Jeremi 49:18

Nani Sodoma leni *Gomola leni yaa dogi n pugidi n baa ti yanyagidi maama yeni, Li Miali Diedo n yedi ke oba kuli kan go kali lankani. Nisaalimiali kuli kan go kali likani.

Jeremi 49:33

Hasoli baa tua i tanboe yekaanu, Leni li paboanli kaanu yaa yogunu kuli po. Oba kuli kan go yaa ye likani. Nisaalimialiba kuli kan go kali likani.»

Jeremi 50:40

N baa soani i nani Sodoma leni *Gomola Leni yaa dogi n gaani ki lindi i U Tienu n pua ki paagi yi yaa yama yeni. Li Miali Diedo n yedi yeni. Oba kan kali likani, Oba kuli kan kali lienni.

Amosi 1:13

Li Miali Diedo yedi mi ne: «Amoni yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi den lidi a tugipunba Galaadi diema nni, Ban den fii ki bua ki pugini bi diema.

Amosi 2:1

Li Miali Diedo yedi mi ne: «Moabi yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi den sia Edomi bado ki buoni o kpaba.

Sofoni 2:14

Likani baa tua denyandi leni ti fuayandi buoli kuli n baa yaa ye naani. A juuna leni a guda n baa yaa ye likani diejendi nni, Ki cigindi ki mua a diebona kani. I nuani baa yaa jagi a diebona kani ki mua, U dogu kukuli li baa tie diegbendi bebe. Bi ŋabi ban den maa a diena leni sedili daadi yaadi yeni.

Sofoni 2:7

Juda niba yaaba n ciadi baa diedi laa kaanu, Bi baa yaa kpa bi yandi lankani. Ku juogu yaa yen baa mo, Bi baa n dua Asikaloni dogu yaa diena nni, Kelima Li Miali Diedo bi Tienu baa ŋanbi bipo, Ki teni bi niba yaaba n den ye ti yonbidi yeni n goa ki kpeni.»

Sofoni 3:13

Isalele yaaba, yaaba n baa sieni kan go tieni kuli yaala n ki tiegi, Bi kan go pua faama, Janbi maama kan go yaa ye bi ñoana nni. Bi baa yaa baadi ki di ki go goa, Ke oba kuli kan yagi bi yama mo.»

Sakari 2:13

O yedi: «N baa fii i nilanbuoli yeni po, Ki teni ban den cuo yaaba ti yonbidi yeni mo N fagi bi yaa piama.» Laa bonla yaa tieni, yi baa bandi ke Li Miali Diedo, U Paaciamu Kuli Daano n soani nni moamoani.

Mi Coadima 14:21

Ama n ye ki fo, Li Miali Diedo kpiagidi baa gbieni ki tinga kuli.

LOMA YAABA 14:11

Kelima li diani: «O Diedo yedi: ‹N ye ki fo, Dunli kuli baa gbaani n nintuali, Lanbu kuli baa kpiagi U Tienu.› »

Mi Tiadima 29:22

‹Mi diema kuli tie cidibili, yaama leni fantama bebe. Coagili naa ye, bonbulikaala naa ye, muadi mo naa pudi nani Sodoma leni *Gomola, Adima leni Tiseboyima dogi, Li Miali Diedo n den bolini yaa dogi o pabienli leni o pabienkandikaali nni.›

Mi Tiadima 29:23

I nibuoli kuli baa yedi: ‹Be yaa po ke Li Miali Diedo soani mi naa diema nande? Be yaa po ke li naa pabiencianli kuli jiidi mipo?›