Sofoni 2:7 - Gourmanchéma Bible

⁷ Juda niba yaaba n ciadi baa diedi laa kaanu, Bi baa yaa kpa bi yandi lankani. Ku juogu yaa yen baa mo, Bi baa n dua Asikaloni dogu yaa diena nni, Kelima Li Miali Diedo bi Tienu baa ŋanbi bipo, Ki teni bi niba yaaba n den ye ti yonbidi yeni n goa ki kpeni.»

U TIENU MAAMA TILI 2013

⁷ Juda niba yaaba n sieni baa Diedi laa kaanu, Bi baa yaa kpaa bi yandi lankani. Ku juogu yaa yen baa mo, Bi baa n duani Asikalon dogu diena nni, Kelima o Diedo bi Tienu baa guani ki ŋanbi bi yema.»

Sofoni 2:7 ပူးပေါင်းရင်းမြစ်များ

Mi cilima 50:24

Josefi den yedi o kpeliba leni o waalo: «N baa kpe moala, ama U Tienu baa cua yikani ki teni yin ña mi naa diema nni ki guani yi wan den poli ke o baa pa Abalahama, Isaaka leni Jakobo yaa diema nni.»

Pisomi 80:14

O moaduolo biidi bu tibu yeni, Ti moayandi kpendi ki ŋmani bu faadi.

Pisomi 85:1

Bi yanyanba yudaano yani siiga yanbu. Kole buolu yaaba yanbu.

Mi Ñama 4:31

Bi niba den daani o yedima. Bi den bandi ke Li Miali Diedo cua ki goandi Isalele bila ki laa bi falaciamo. Bikuli den gbaani ki pugi o.

Esayi 11:11

Laa daali O Diedo baa goa ki tandi o nuu Ki da ki faabi o niba Yaaba n sieni ki ye Asili leni Ejipiti diema nni, Patilosi leni Etiopi, Elami, Sineala, Hamati leni mi ñincianma kpendega nni.

Esayi 11:14

Bi baa taani ki baa Filisiti yaaba nintuali po. Ki taani ki fagi puoli yaaba. Edomi leni Moabi yaaba baa le fala bi nuu nni. Bi baa diedi Amoni yaaba.

Esayi 11:16

Li sanjali baa tieni n niba yaaba n sieni Asili po, Nani lan den tua Isalele yaaba po maama, Ban ñani Ejipiti diema nni yaa daali.

Esayi 14:1

Li Miali Diedo baa gbadi mi niñima Jakobo puoliŋuani po. O go baa goa ki gandi bani Isalele yaaba. O baa goa ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakobo buolu.

Esayi 32:14

Badidiegu ki go pia nilo, Bi sani ki ŋa yaa dogu n den gbie leni bi niba yeni. Ki joabiga leni li toadiefoagili Baa kpandi ki tua wuonkaanu i fuaŋunbi po Bi yema n baa mani bipo naani, Leni ti yandi kuli yankpaakaanu.

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 29:10

Ama mini Li Miali Diedo yedi nanda: «Diidi mani bina piilele yaa pendi Babilona po, n baa cua ki todi yi ki kuani yipo min den niani yi yaa ñoanianu. N baa ñani yi Babilona po ki guani yi Jelusalema po.

Jeremi 29:14

N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

Jeremi 3:18

Laa dana yaa niinni, Juda diegu yaaba leni Isalele diegu yaaba Baa taani ki yegi ki ña nijienu diema po, Min puni yi baanba yaa diema man tua bi faali yeni.»

Jeremi 30:3

Diidi a dana kpendi, mini Li Miali Diedo n yedi ke n baa teni n niba Isalele yaaba leni Juda yaaba, yaaba n den ye ti yonbidi yeni n guani min den puni bi baanba yaa diema nni ban goa ki diedi ma yeni nni.»

Jeremi 31:7

Kelima Li Miali Diedo yedi nanda: «Yiini mani Jakobo po leni li pamanli. Mangi mani yi pala i nibuoli nintuali. Teni ban gbadi yi niali, yin pagi o ki yedi: ‹Li Miali Diedo, faabi a niba Isalele yaaba, Yaaba n sieni!›

Jeremi 32:44

Bi baa da i kuani yeni leni i ligi Ki diani li tili mi daama yogunu. Bi baa tieni ŋa mi maalima, ki lingi siedinba Benjamina diema nni, Jelusalema dogu lindima, Juda dogi nni, a juana dogi nni, Sefela dogi nni leni Niganu dogi nni, Kelima n baa teni bi yonbi n goa ki kpeni.› Li Miali Diedo n yedi yeni.»

Jeremi 33:12

Li Miali Diedo, U Paaciamu Kuli Daano yedi nanda: «Yaa kaanu n tie diegbena kaa pia niba, Kaa pia yandi leni li dogi nni kuli, A yanlola baa yaa ye bi yankpaaba po bi yandi n baa yaa ye naani.

Jeremi 33:7

N baa teni Juda leni Isalele niba yaaba n ye ti yonbidi N guani, min goa ki kaani ba nani kpiama yeni.

Jeremi 47:5

Gasa yaaba kuo bi yula kelima li paboanli po. Sagimuba ki go sagidi Asikaloni dogu nni. Yinba ti jaciandi yaadi n sieni yeni, Yi baa yaa baa badi yiba i be hali u laa yogunu yo?

Esekieli 39:25

Lanwani o Diedo, Li Miali Diedo yedi mi ne: «Moala n baa guani Jakobo buolu Ban den cuo yaaba ti yonbidi yeni, Ki gbadi Isalele buolu po mi niñima. N baa yaa pia li *nunponli n yeli yaali n gagidi ki ŋani yeni po.

Ose Tili 6:11

Yinba Juda yaaba moko, N bili u yogunu ki baa waani yi fala Yin tieni yaala kuli po, N yaa goa ki kpeninni n niba Yaaba n den ye ti yonbidi yaa yogunu.

Abidiasi 1:19

N niba, Juda yaaba, baa diedi Edomi diema niganu po. Yaaba n ye Sefela baa diedi Filisiti yaaba diema. Bi baa diedi Efilayima buolu diema leni mi dociamu Samali. Benjamina buolu yaaba baa diedi Galaadi diema.

Mise 2:12

Jakobo puoliŋuani, n go baa ti taani yikuli. N baa taani yinba Isalele yaaba, yaaba n sieni kuli. N baa taani yikuli nekanba nani yanloyenli yaa pe yeni, Nani yaa yangoli n taani yankpaakaanyendu kani yeni. Laa yogunu yaa niligu yaa pali n mani fuugu baa tieni boncianla.

Mise 4:10

Yaa yalini ki duni mani nani yaa pua n ye Leni u maditugukoanu yeni. Kelima moala yi baa ña u dogu na niinni Ki gedi ki ban kpaa yi gbandiena li fuali nni. Yi baa gedi hali Babilona. Lanpo yi baa faabi, N baa ga yi lanpo Mini Li Miali Diedo baa faabi yi yi yibalinba nuu nni.

Mise 4:7

N baa taa yaaba n poagili yeni Ki teni ban tua yaaba n baa sieni, N baa teni ban den deli ki gedini yaaba foagima yeni N tua yaa nibuolu n pia u paalu. Laa yogunu mini Li Miali Diedo baa die ba Siyono juali nni Hali yaa yogunu kuli.

Sofoni 2:9

Li tie lani yaa po ke mini, Li Miali Diedo U Paaciamu Kuli Daano, Isalele yaaba Tienu poli ki yedi: ‹N ye ki fo, Moabi yaaba leni Amoni buolu yaaba baa bodi Nani Sodoma leni *Gomola yaaba n bodi maama yeni. Ti konkondi baa fii ki luoni bi diema nni, Likani baa tua tinyaama, Likani baa tua paboanli kaanu hali yaa yogunu kuli po. N niba yaaba n ciadi baa cua ki fagi bi diema piama, Ki fie bi diema mo.› »

Sofoni 3:13

Isalele yaaba, yaaba n baa sieni kan go tieni kuli yaala n ki tiegi, Bi kan go pua faama, Janbi maama kan go yaa ye bi ñoana nni. Bi baa yaa baadi ki di ki go goa, Ke oba kuli kan yagi bi yama mo.»

Sofoni 3:20

Laa yogunu, n baa goa ki kpeninni yi, Li baa yaa tie min baa goa ki taani yi yaa yogunu. Yi baa le ke n lebidi yi yema, N baa teni yin goa ki baa ti kpiagidi, Yi yela mo n ña, Li ŋandunli nibuoli kuli nni.» Li Miali Diedo n yedi yeni.

Age Tili 1:12

Salitieli bijua Solobabeli leni Yehotisadaka bijua, bi kopadicianba bado Josue leni yaa niba n sieni kuli den tuo ki ŋoadi Li Miali Diedo, bi Tienu maama. Bi den tuo ki ŋoadi ma nani U Tienu n den soani o sawalipualo Aje ke o cua ki caa ba maama. Li fangili den cuo ku niligu kuli Li Miali Diedo nintuali.

Age Tili 2:2

O den soani o ke wan yedi Salitieli bijua, Solobabeli leni Yehotisadaka bijua, bi kopadicianba bado Josue leni yaa niba n sieni kuli yaa maama n tie na:

Luki 1:68

«O Diedo Isalele Tienu n baa ti pagidi, Kelima o laa o niba po ki da ki faabi ba.

Luki 7:16

Li fangicianli den cuo laa niba kuli, bi den kpiagidi U Tienu ki tua: «O sawalipuaciamo fii ti siiga. U Tienu goandi o nibuolu.»

Jesu Tondiba Tuona 8:26

O Diedo maleki den maadi leni Filipi ki yedi o: «Fii ki gedi ganu po, ki pundi yaa sanu n ñani Jelusalema ki caa Gasa dogu po, ki ŋoadi yaa sanu n poandi mi fanpienma nni yeni.»

Jesu Tondiba Tuona 8:40

Filipi den sua ke o ye Asota dogu nni. O den ñani Asota ki caa Sesale, ki wangi o Laabaaliŋamo wan tagini yaa dogi kuli hali ki ban pundi.

LOMA YAABA 11:5

Li go tie yeni moala na, Isalele buolu yaaba siiga nitianga sieni, U Tienu n gandi yaaba kelima o *ŋanbili po.

Ruti 1:6

Naomi den gbadi Moabi diema nni ke Li Miali Diedo noanli ki laa o niba po ki puni ba mi jiema. O den bogini ki baa ña Moabi diema nni leni o biyuamu, ki guani Juda tinbuoli nni. Bi den fii ki ñani ban den ye naani ki taa u sanu.