Sofoni 2:3 - Gourmanchéma Bible

³ Yinba, ki tinga yumiindanba kuli, Lingi mani Li Miali Diedo, Yinba yaaba n tuo ki baa ŋua o ñoabonbilikaana! Yaa cuoni mani leni mi *teginma, Yaa cuoni mani leni li yumiinli, wani U Tienu nintuali. Li fidi ke yi baa ciadi, Li Miali Diedo pabienli daali.

U TIENU MAAMA TILI 2013

³ Yinba, ki tinga yumiindanba kuli, Lingi mani o Diedo, Yinba yaaba n tuo ki baa yaa ŋua O ñoamabonbilikaana! Yaa cuoni mani leni mi teginma, Yaa cuoni mani leni li yumiinli, Wani U Tienu nintuali. Li fidi ke yi baa ciadi, O Diedo pabienli daali.

Sofoni 2:3 ပူးပေါင်းရင်းမြစ်များ

2 Samueli 12:22

O den goa ki yedi ba: «Ki biga n den ye, n den luo bu ñoabu ki buudi kelima n den yedi: ‹Ŋme bani Li Miali Diedo yaa kan gbadi npo mi niñima ki teni ki biga n yaa ye?

Pisomi 105:4

Pegidi mani ki diidi Li Miali Diedo U Paaciamu Kuli Daano, Lingi o mani u yogunu kuli.

Pisomi 149:4

Kelima Li Miali Diedo pali mani o niba po. O jigindi bi yumiindanba ki faabidi ba.

Pisomi 22:26

Li nitaancianli nni a baa tua npo pagidi. Yaaba n fangi a nintuali n baa kuani n ñoaniani.

Pisomi 31:20

O Diedo, a ŋanbili yaba hali boncianla yaaba n fangi a po! A doagidi li bi niba nintuali Yaaba n sani ki wuoni a kani po.

Pisomi 45:4

O jakoando, taa a jugisiega ki ñagini a ciaga, Yaala n tie a jigidi leni a kpiagidi.

Pisomi 57:1

Bi yanyanba yudaano yani siiga yanbu, yaabu n yiini leni ban yi yaa yanbu: «Da bolini!» Yaa nialu. Dafidi yanbu. Li tiadi Dafidi n den sani ki kua ku joatanlongu nni ki baa cia Sayula.

Pisomi 76:9

Hali tanpoli, a teni ke bi gbadi ŋan jia yaa buudi. Ki tinga ye leni i yanbani, ki se suo,

Pisomi 91:1

Yua n sani ki baa tanpoli Tienu po, Wuo U Paaciamu Kuli Daano yaa soangu nni.

Mi Ñama 12:27

Yi baa goa ki yedi ba: ‹Li tie mi Pendima jaanma yaa padili yaali n kpiagidi Li Miali Diedo, yua n den pendi ki ŋa Isalele yaaba yaa diedi yula po, Ejipiti diema nni wan den pua Ejipiti yaa yogunu ki ciadi yaa diedi.› » Isalele yaaba den gbaani ki pugi Li Miali Diedo.

Mi Kpanjama 18:10

Li Miali Diedo tie toadiefoagili yaali n pia u fidu, O niteginka yaa sani ki wuoni lankani pu kan nandi o.

Esayi 1:17

Bangi mani mi ŋanma tienma Lingi mani mi *teginma. Guani mani o tugumoandaano u sanŋamu nni Tieni mani yaala n tiegi ki kpienbiga po Koani mani ki ga li kpepuoli.»

Esayi 11:4

Ama o baa jia ti buudi taliginba po leni mi *teginma. O baa tiegi mi diema nni luoda po. O baa pua ki tinga leni o maama nani li yaa bi tie gbiamoe yeni, Leni o ñoabu nni fawaama, o baa teni o nibiado n kpe.

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Jeremi 39:18

N baa teni ŋan cia ki jugisiega kan kpa ŋa. A baa ga a miali kelima a dugi npo.› Li Miali Diedo n yedi yeni.»

Jeremi 45:5

Amo ŋaa lingi yaali n yaba ka te? Ŋan da lingi la, kelima n baa cuani mi yebiadima miali fo kuli po. Mini Li Miali Diedo n yedi yeni. Ama n baa ŋa ŋa leni a miali ŋan baa gedi naankani kuli.› »

Esekieli 13:5

Yii den gedi ki maa ki ŋanbi u bilinciamu n den mudi mudi naankani, Ki naa go maa bilinuba mo ki lindi Isalele diema Ke man fidi ki sedi bonŋanla bu toabu nni, Li Miali Diedo pabienli daali.

Ose Tili 10:12

N yedi Isalele yaaba: «Tieni mani mi teginma, Lani n tie yin baa yaala n ŋani Ŋanbi mani yi pala nani yua n cuo U koapaanu ki pedi ki ŋanbi u yeni, Kelima u yogunu pundi Ke yin lingi mini Li Miali Diedo, Hali min baa cua ki yadi yipo mi faabima.

Ose Tili 7:10

Bani Isalele yaaba japaadi kpaani Ki tieni bipo yaa siedi n bia. Baa leni lani kuli, baa lebidi bi yama Ki guani Li Miali Diedo bi Tienu kani, Baa leni lani kuli, bi naa lingi o.

Jonasi 3:9

Li fidi ke yeni U Tienu baa lebidi o yanjagili ki jiini o pali tipo ki kan bolini ti.»

Sakari 8:19

«Cinaa leni cimuu leni cilele leni cipiiga ŋmaali yi yaa niinni ke yi luo bu ñoabu yeni baa tua yinba Juda yaaba jaancianma, yaama n pia yipo li pamancianli. Ama yin yaa bua mani i moamoani leni mi yanduanma.»

Matie 5:5

Li pamanli ye leni yaaba n pia li padingili, kelima bi baa diedi ki tinga.

1 Tesaloniki 4:1

Ti kpiiba, ti majuodikaama tie mine. Ti den bangi yi yi tagi n baa tie maama ki yaa mani U Tienu po. Moamoani yi tiendi yeni. Moala ti mia yi ki go tigini yi kelima o Diedo Jesu po ke yin go yaa tiendi yeni ki pugidi pugidi.

1 Tesaloniki 4:10

Yi tiendi yene mo yi kpiiba yaaba n ye Maseduana kuli po. Ti mia ki go tundi yi ke yin yaa tiendi yeni ki pugidi.

1 Pieri 1:22

Moala yi ŋanbi yi yula leni yin ŋua i moamoani ke yin fidi ki yaa pia yaa buama n kaa pia tuonanma yi kpiiba po. Lanwani yin yaa bua mani yiyaba hali boncianla leni yi pala kuli.

1 Pieri 3:4

Ama lan yaa tie yaa ŋamu n wuo yi pala nni ki kan yindi, lani n tie mi dingima leni mi yansoangima, U Tienu n nua yaama ke mi pia mayuli boncianla.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.