Sofoni 2:11 - Gourmanchéma Bible

¹¹ Li Miali Diedo baa cie bi jigi, Kelima o baa bolini bi nisaaliba *buli kuli. Lanwani baa yaa nibuoli yaa niba n ye hali foagima Baa gbaani ki kpiagi o bi diema nni.

U TIENU MAAMA TILI 2013

¹¹ O Diedo baa cie bi jigi, Kelima o baa bolini bi nisaaliba n jigini yaala kuli. Lani, ba yaa nibuoli n ye hali foagima baa gbaani Ki kpiagi o bi diema nni.

Sofoni 2:11 ပူးပေါင်းရင်းမြစ်များ

Mi cilima 10:5

Bani n den tie yaaba n den pugini ki gbieni i nibuoli yaa kpendega kuli nani bi tinmu n tie maama. Tinga kuli leni ki mabuolu nani bi gaani leni bi mabuoli n den tie maama.

Pisomi 138:4

Li Miali Diedo, ki tinga badiba kuli n pagi a, Bi yaa gbadi a maama.

Pisomi 72:17

O bado yeni yeli baa yaa ye yogunu kuli, Ki waagi ki ye nani u yienu yeni! Bi niba baa yaa taagi o yeli ki gaaliti biyaba. I nibuoli kuli n taani ki yedi: «Li pamanli ye leni o bado yeni.»

Pisomi 86:9

O Diedo, ŋan tagi yaa nibuoli kuli baa cua Ki gbaani ki pugi a, ki go kpiagi a yeli.

Esayi 2:18

I buli kuli baa bodi.

Esayi 2:20

Laa daali o nisaalo baa taa o buli Yi n tie ŋanjilifa leni wula ke o den tagi ki baa pugi yi yeni Ki lu a dapola leni ti janjandi po.

Esayi 42:10

Yiini mani Li Miali Diedo po bu yanpanbu, Yiini mani ki pagi o, yinba yaaba n ye hali u tinbianu, Yinba yaaba n ye mi ñincianma gbanu po, Ki wuli ki ladi mipo Leni yinba yaaba n ye a kpendega po!

Esayi 42:4

O kan tadigi O kan suli ki guani puoli Hali wan baa cuani ŋanduna nni yaa bujiali n tiegi Ke a kpendega mo n jigini o *balimaama.

Esayi 49:1

Cengi mani nni, yinba yaaba n ye a kpendega po! Cengi mani bonŋanla, yinba yaa nibuoli n ye hali foagima! Li Miali Diedo den yini nni hali ke n da ye n naa tugu nni, Ki taa n yeli min ñani n naa tugu nni yaa daali.

Jeremi 10:11

Yin maadi leni ba nanda: «Yaa buli n ki tagi tanpoli leni ki tinga baa bodi. I baa bodi mi tinfanma nni cain.»

Jeremi 46:25

Li Miali Diedo Isalele Tienu yedi: «Diidi n fii ki sedi Tebesi yaaba bulo Amoni po, Ejipiti *buli po leni o badiba po ki taani leni yaaba n dugi opo kuli po.

Danieli 11:18

Li yaa puoli o baa jigidi ki diidi yaa diema n baali mi ñincianma ki paadi laa diema siiga mi diema boncianla. Ama toayudancaano baa gbeni o japaadi yeni ki teni i fe yeni n goa ki baa o yuli po.

Ose Tili 2:17

Lanwani n baa guani o o duven tiidi kuani, Ki teni Akoli joaloangu mo n tua mi suginma buliñoabu. Lankani, o baa tuo ki yaa ŋua nni, Nani o jafandi yogunu, Nani wan den ñani Ejipiti yaa yogunu.»

Joeli 2:11

Li Miali Diedo kpaani o toagoli liiga, O toanagili yaba. Yaa toagola n baa kuani o ñoabona yaba ki kandi Ki pia u paalu mo. Li Miali Diedo daali tie dacianli, Ki go pia i jeje hali boncianla. Ŋme n baa fidi ki cia?

Sofoni 1:4

Li Miali Diedo yedi: «N baa fii ki sedi Juda yaaba leni Jelusalema yaaba po. N baa ñani likani yaa bonla n sieni ki tie o *bulo*Baali yaala kuli. Baa yaa kopadicianba n den tuuni opo, Niloba kuli kan go tiadi bipo.

Sofoni 3:9

Li Miali Diedo go yedi: «Lani, n baa lebidi i nilanbuoli niba maama Ki teni ke man tua maŋanma. Bi baa yaa ŋua mini Li Miali Diedo bebe Ki kpiagidi nni leni payenli.

Sakari 13:2

Laa daali, N baa bolini i *buli mi diema nni, Ke oba kuli kan go tiadi ba bi yela. N baa bolini yaaba n pua mi faama Ke bi tie sawalipuaba, leni bi yantiajoagindi.

Sakari 2:11

Yinba Jelusalema yaaba, Ban den gedini yinba yaaba ti yonbidi Babilona, Jaligi mani ki sani.»

Sakari 8:20

Li Miali Diedo, U Paaciamu Kuli Daano yedi: «I nilanbuoli, i dogi boncianla niba baa tigibi Jelusalema.

Sakari 8:23

Laa yogunu, nilanba piiga, yaaba n ki taa mabuolu Baa taani ki muubi Jufiyendo liadili ki yedi o: ‹Ti bua ki yegi leni a ki gedi, Kelima ti gbadi ke U Tienu ye leni yi.› »

Malaki 1:11

Ki cili hali u yienu n pudi naani, Ki ban tuoni hali wun baali naani, I nibuoli kuli kpiagidi nni. I kaani kuli bi niba padi ki siagi npo a *dugibila. Bi go padi yaa pada n ŋani ki dagidi npo, ki kpiagidi nni. I nibuoli kuli kpiagidi nni. Li Miali Diedo, U Paaciamu Kuli Daano n yedi yeni.

Malaki 1:14

Ti solindi n yaa ŋua yua n pia o yankulu nni ki yantonga Ki niani ke o baa padi ga o Diedo po, Ama ki nan kandi ki ŋa kani ki taa yanyianga ki padi. Kelima n tie badiciamoe. Li Miali Diedo, U Paaciamu Kuli Daano n yedi yeni. I nibuoli kuli fangi nni.»

Mi Tiadima 32:38

Yaa buli n den di bi pada nankpama Ki ñu bi ñincaba daama N nan fii ki todi yi, Ki go tua yi kubido naa!

1 Timote 2:8

Lanwani n bua ke bi jaba n yaa jaandi i kaani kuli ki yugidi yaa nii n ŋani cain, ki naa pia pabienli leni niamaba kuli.

Mi Doagidima 11:15

O maleki-leleelo den piebi kakaci. I nialiciami den kpaani tanpoli po ki yedi: «Moala ŋanduna diema tua ti Diedo Leni wani *Gandi Yua yaa yaama O baa die hali yaa yogunu kuli.»