Sofoni 1:7 - Gourmanchéma Bible

⁷ Cuo mani yi ñoana o Diedo Li Miali Diedo nintuali, Kelima o pabienli daali nagini. O bogini li padili, O gagidi ki ŋanbi wan yini yaaba.

U TIENU MAAMA TILI 2013

⁷ Cuo mani yi ñoana o Diedo U Tienu nintuali, Kelima o pabienli daali nagini. O bogini li padili ki gagidi ki ŋanbi wan yini yaaba.

Sofoni 1:7 ပူးပေါင်းရင်းမြစ်များ

Jobi 24:1

Be teni ke U Paaciamu Kuli Daano naa bili yogunu ti buudi po? Be teni ke o *nidugikaaba naa bani wan baa jia ti buudi yaa dana?

Pisomi 46:10

Wani n tendi ke bu toabu gbendi i kaani kuli. O kua li dabanli ki jendi li kpaanli. O buoni bu toabu teliti kuli leni mi fantama.

Esayi 13:3

N teni n ñoabonbilikaana yaaba n gagidi bi yula npo, N yini n jakoanda moko ki baa doagidi n pabienli, Leni yaaba yaa pala n mani ki koani ki paadi.

Esayi 13:6

Mua mani ki figindi kelima Li Miali Diedo daali nagini. Li daali kpendi nani U Paaciamu Kuli Daano n baa cua ki bolini maama yeni.

Esayi 2:12

Li Miali Diedo U Paaciamu Kuli Daano bili laa daali Ki baa yie yaala n pia kafaama leni japaadi kuli po, Moko, yaala n fiini li yuli kuli ki baa goa jiidi po.

Esayi 29:2

N baa nugi fini Alieli, Ki teni kaliti leni dunli bebe n sieni, U dogu baa yaa tie npo nani Alieli yeni.

Esayi 34:5

Li Miali Diedo mangi o jugisiega tanpoli po Ki cua ki baa Edomi, Li Miali Diedo n bili ke o baa bolini yaa nibuolu yeni.

Esayi 34:6

Li Miali Diedo jugisiega gbie leni mi soama Ki go guo leni mi kpama leni a pebila leni a ŋuabuana soama Leni a petona cayaana kpama Kelima li padili ye Botisila dogu nni Li Miali Diedo po Li tuonli baa soani Edomi diema nni.

Esayi 6:5

N den yedi: «Ŋain, n bia n yeni! Kelima n tie yua yaa ñoacuuna n *joagini, ke n go ye yaa nibuolu yaaba yaa ñoacuuna n joagini siiga. N nuni mo laa o Bado Li Miali Diedo U Paaciamu Kuli Daano.»

Jeremi 46:10

Ama laa daali tie Li Miali Diedo U Paaciamu Kuli Daano po yo. Li tie pantuuli daali. O baa guani yibalinba bi panpaani. Ki jugisiega di, ki baa je ki guo Ki baa ño mi soama bonŋanla Kelima li tie li padili, o Diedo Li Miali Diedo U Paaciamu Kuli Daano po, Nijienu diema nni, ki goa u kpenciamu Yufilata po.

Esekieli 7:10

Diidi ti buudi daali kpendi, Ke mi bolinma mo baandi ki kpendi Mi poagilima pugidi, Ti japaadi mo pundi ti bianu.

Esekieli 7:7

Mi bolinma bogindi ki kpendi Yinba mi diema niba po. U yogunu yeni kpendi, Ti buudi daali nagidi, Ti jawaanciandi baa lebidi ki ga Li pamanli kpaani kaanu a juana po.

Joeli 1:15

Ŋain, yaa dabiadili n kpendi ne te! Li Miali Diedo pabienli daali nagini, Li kpendi leni U Paaciamu Kuli Daano n jagi yaa bolinma.

Joeli 2:11

Li Miali Diedo kpaani o toagoli liiga, O toanagili yaba. Yaa toagola n baa kuani o ñoabona yaba ki kandi Ki pia u paalu mo. Li Miali Diedo daali tie dacianli, Ki go pia i jeje hali boncianla. Ŋme n baa fidi ki cia?

Amosi 6:10

Yua n kpe kpiilo yaa cua ki taa o yaa yogunu ki baa n juu, O yaa ñani o kpaba li dieli nni yaa yogunu, O baa buali yua n ye li dieli liiga po: ‹Naani nitoa go ye leni a lienni bi?› O nilo yeni baa goa ki yedi o: ‹Oba kuli ki ye leni nni.› Yua n buali yeni baa goa ki yedi: ‹Suo! Laa tie yaa yogunu ke ti baa taa Li Miali Diedo yeli.› »

Amosi 8:3

Mini, O Diedo Li Miali Diedo, yedi line: «Laa daali yaa pundi, ban yiini badidiegu yaa yani Baa lebidi ki tua moe. A kpiema baa yaa yaba. Bi niba baa yaa tugi a kpiema yeni ki ban lu i kaani kuli. Li baa yaa tie ŋminma bebe.»

Habakuki 2:20

Li Miali Diedo wan nan ye o *kaangagidiŋamu nni, Ki tinga nni, nilo kuli n suoni suo o nintuali!»

Sofoni 1:14

Li Miali Diedo pabienli dacianli yeni nagini, Li nagini ki gbeni, li jaligi ki kpendi. Laa daali baa yaa tie moe bebe, Baa a jakoanda baa mua ki liini mi todima.

Sakari 14:1

Li Miali Diedo pabienli daali nagini. Yinba Jelusalema yaaba, yi yibalinba baa boagidi yi piama yi nunbu nni.

Sakari 2:13

O yedi: «N baa fii i nilanbuoli yeni po, Ki teni ban den cuo yaaba ti yonbidi yeni mo N fagi bi yaa piama.» Laa bonla yaa tieni, yi baa bandi ke Li Miali Diedo, U Paaciamu Kuli Daano n soani nni moamoani.

Matie 22:4

O go den soani naacentoaba ki yedi: ‹Yin waani mani min yini yaaba ke n ŋanbi mi jiema ki gbeni, ki kodi n ne leni n yanwubiditi ki ŋanbi ki gbeni. Ban di cua mi pocaajiema po na.›

LOMA YAABA 3:19

To, ti bani ke U Tienu *bali maama n bili yaala kuli tie li bali maama n die yaaba po, ki baa teni nilo kuli ñoabu n mubini, bi niba kuli n tuo ke bi pia i tagili U Tienu nintuali.

LOMA YAABA 9:20

Fini o nisaalo, a tie ŋme ki baa nia leni U Tienu? Naani ban maa yaa tiagu baa yedi yua n maa gu: «Be yaa po ke a maa nni nanda?»

Filipi 4:5

Yi dingima n yaa doagidi bi niba kuli po. O Diedo nagi.

Kolosi 1:12

Yaa tuondi mani Baa leni li pamanli, yua n teni ke yi dagidi ki baa yi biinu wani U Tienu n bili yaa ŋalimani mi yenma diema nni o nigagidiŋanba po.

1 Samueli 16:5

O den goa ki yedi ba: «Laafia. N cua ki bua ki padi li padili Li Miali Diedo po yo. Yin gagidi ki ŋanbi mani yiba, ki yegi leni nni li padili kani.» O den waani Isayi leni o bijaba mo n gagidi ki ŋanbi biba ki cua li padili kani.

1 Samueli 20:26

Sayula naa den yedi liba laa daali kelima o den nua o yama nni ke bonludikaaliba n baa teni ke o *joagini U Tienu po. O den bungi o pali nni: «Waa baa dagide.»