Sofoni 1:5 - Gourmanchéma Bible

⁵ N baa bolini yaaba n do a diena tanpoli ki kpiagidi a ŋmabila, Leni yaaba n kpiagidi nni Ki polini ke bi ŋua nni leni bi pala kuli, Ama ki nan biliti i ñoaniani leni o bulo Milikomi.

U TIENU MAAMA TILI 2013

⁵ N baa bolini yaaba n do A diena tanpoli ki kpiagidi a ŋmabila Leni yaaba n gbaandi ki kpiagidi nni, Ama ki nan biliti i ñoaniani leni o bulo Milikom.

Sofoni 1:5 ပူးပေါင်းရင်းမြစ်များ

1 Bi Badiba 11:33

N baa tieni la kelima Isalele yaaba ŋa nni ki pugi Sidoni yaaba bulo Asitate leni Moabi yaaba bulo Kemosi leni Amoni yaaba yaa bulo Milikomi. Baa cuoni n sani nni ki tieni yaala n tiegi npo, baa kubi n balimaama leni n mabilikaama nani Salomono baa Dafidi n den tieni maama.

1 Bi Badiba 11:5

O den ŋoadi Sidoni yaaba bulo *Asitate leni Amoni yaaba yaa cancaginbulo Milikomi.

1 Bi Badiba 18:21

Elia den nagini ki yedi ku niligu yeni: «Yi baa yaa lengidi sanilie siiga ki pundi hali u laa yogunu? Li Miali Diedo n yaa tie U Tienu, yin cubini ki ŋoadi o mani. Li yaa tie Baali mo n tie, yin cubini ki ŋoadi mani wani.» Ku niligu ki den guani o liba kuli.

2 Bi Badiba 17:32

Bi go den fangi Li Miali Diedo ki gagidi bi siiga yaaba n baa yaa tie kopadicianba yaa padibinbina n ye a juana yula po po. Laa kopadicianba den padi bipo a pada yaa padibinbina n ye a juana yula po yeni.

2 Bi Badiba 17:33

Bi den fangi Li Miali Diedo ki go ŋua bi buli nani ban den ñani ba yaa nibuoli siiga n den tiendi maama.

2 Bi Badiba 17:41

Laa nilanbuoli den fangi Li Miali Diedo ki go jie bi buli moko ki ŋua yi. Hali dinla bi bila leni bi yaabila tiendi nani bi yaajanba n den tiendi maama.

2 Bi Badiba 23:12

O den mudi Juda batieba n den maa yaa padibinbina o bado Akasi tanpodieli yuli po. O den mudi o bado Manase n den maa yaa padibinbina Li Miali Diedo diegu luoliliedi nni. Wan den mudi a, o den taa a tangbangbiana ki ban luni Sediloni joaloangu nni.

Esayi 22:1

Yaa sawalo n ye li bonlekaala joaloangu po. Jelusalema, li tie a lede ke a niba kuli ñani Ki se yi diena yula po?

Esayi 44:5

One baa yedi: ‹N tie Li Miali Diedo yua yo.› One mo n yedi ke wani leni Jakobo n taa yeli. Toa mo baa badi o nuu po i be ki yedi Ke Li Miali Diedo n die o, Isalele yeli mo baa tie opo kpiagide.»

Esayi 45:23

N poli leni n yuli I moamoani ña n ñoabu nni. Yaa maama n tie na mo kan lebidi: «Dunli kuli baa gbaani n nintuali Lanbu mo kuli baa poli n yeli nni.»

Esayi 48:1

Cengi mani line yinba Jakobo puoliŋuani Yinba yaaba n kubi Isalele yeli Ki ñani Juda buolu nni. Yinba yaaba n polini Li Miali Diedo yeli nni Ki jaandi ki miadi Isalele yaaba Tienu Ke moamoani leni teginmaba ki ye lienni.

Jeremi 12:16

Bi yaa bangi n niba sani, Bi yaa poli n yeli nni ki yedi: «Li Miali Diedo fo!» Nani ban bangi n niba ke bi polini o bulo *Baali yeli nni maama yeni, Lanwani bi baa guani, Ki kali n niba siiga.

Jeremi 19:13

Jelusalema diedi leni Juda badiba diedi Baa tua yaa kaani n *joagini nani Tofeti po yeni. Li baa tua yene laa diedi kuli po, Ban den juugi yaadi yaa yula po a dugibila tanpoli ŋmaali po, Ki go cabini a ñincaba i nilanbuli po yeni.»

Jeremi 32:29

Babilona yaaba, yaaba n baa u dogu nne baa kua u niinni. Bi baa juu u mi fantama ki taani leni ban juugi A *dugibila yaa diena po o bulo *Baali po, Ki go cabi butoe po ki baa biidi n pali.

Jeremi 4:2

A yaa poli ki yedi: «Li Miali Diedo fo!» Ke li tie moamoani, leni yantugupiengu leni mi *teginma, Lanwani i nilanbuoli baa yedi Ke bi baa li seli o yaa niinni, Bi baa diidi wane ki jigini bi yula.

Jeremi 49:1

Yaa maama n ye Amoni yaaba po Li Miali Diedo yedi nanda: «Naani Isalele ki pia bijaba yo? Waa pia yua n baa je o faali yo? Be yaa po yo ke Amoni yaaba bado die Gada Ke o niba mo ye Gada dogi nni?»

Jeremi 5:2

Baa bi yaa yedi: «Li Miali Diedo fo!» Bi polini faama bebe.

Jeremi 5:7

Naani lani n baa teni min pa ŋa sugili? A bijaba ŋa nni Bi polini leni yaala n ki tie U Tienu N den puni ba li jeeguoli ke bi fii ki conbidi. Bi tiini ki taagi li poconconli dieli nni.

Jeremi 7:10

Yi yen cua ki sedi n nintuali ku naa diegu nni Ban kpiagidi n yeli naankani, ki yedi: ‹Ti baa mi *faabima!› Ama ki nan yuandi ki soani a naa tuongunda kuli.

Jeremi 7:9

Yi su, ki kpaani mi kuuma, ki conbi, Ki pua mi faama ki polini, Ki padi a pada o bulo *Baali po, Ki tiini ki ŋua yin kaa pia *ŋantaado leni yaa buli.

Jeremi 8:2

Bi baa deni laa kpaba u yienu nni, o ŋmaalo nni, leni a ŋmabila nintuali, ban den bua yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

Ose Tili 10:2

Bi tie pala lie danba, Moala bi baa tugi bi tudima tugili. Li Miali Diedo baa tudi ki lu bi padibinbina, Ki bolini bi butana mo.

Ose Tili 4:15

Baa ke yinba Isalele yaaba puni yi yula mi conconma po, Juda yaaba wani n nan da ŋoadi laa fuuli. Yin da gedi Giligali, Yin da gedi Beti-Afeni. Yin da taa mani mini U Tienu yeli, Ki poli ki yedi: ‹Hali Li Miali Diedo yua n fo po.› »

Amosi 5:26

Lanwani, yin tugi mani yi *buli, Yii n yi Sikuti leni Kiyuni, Yin tagi yi yi yula po yeni.

Matie 6:24

Oba kuli kan fidi ki yaa tuuni canbaanba lie po, kelima o yaa baa nani o canbaakpialo ki bua o canbaalielo, o nan baa taabi o bonkpialo ki fali o bonlielo wani. Yi kan fidi ki yaa taa ki tuuni U Tienu po leni ŋalimani po.

Jesu Tondiba Tuona 10:9

Lan den fii ki fa ki bua ki pundi u yensiinu, bi jaba yeni den ye u sanu nni ki nagidi Jafa, Pieli mo den doni ku doangu yuli po ki baa jaandi.

LOMA YAABA 14:11

Kelima li diani: «O Diedo yedi: ‹N ye ki fo, Dunli kuli baa gbaani n nintuali, Lanbu kuli baa kpiagi U Tienu.› »

Mi Tiadima 10:20

Yi baa fangi Li Miali Diedo yi Tienu, ki yaa kpiagidi o, ki kuani yi yama o niinni ki go yaa polini o yaa yeli nni.

Mi Tiadima 4:19

Fangi mani yi yula ke yin da ti yaadi ki diidi tanpoli po, u yienu, o ŋmaalo, a ŋmabila leni tanpoli gola kuli, ke yin da ti kuani yi yama ke yi baa gbaani ki pugi ba. Kelima lani n tie Li Miali Diedo yi Tienu n boagidi ki puni yaa bonla ki tinga nibuoli kuli.

Josue 23:7

Yin da taani leni yaa nibuoli n sieni ki ye yi siiga ne. Yin da taa bi *buli yela, yin da taa bi yela ki poli mo, yin da ŋoadi ba mani, yin da gbaani ki kpiagi ba.