Sofoni 1:14 - Gourmanchéma Bible

¹⁴ Li Miali Diedo pabienli dacianli yeni nagini, Li nagini ki gbeni, li jaligi ki kpendi. Laa daali baa yaa tie moe bebe, Baa a jakoanda baa mua ki liini mi todima.

U TIENU MAAMA TILI 2013

¹⁴ O Diedo pabienli dacianli yeni nagini, Li nagini ki gbeni, li jaligi ki pundi. Landaali baa yaa tie moe bebe, Ba a jakoanda baa mua ki liini mi todima.

Sofoni 1:14 ပူးပေါင်းရင်းမြစ်များ

Esayi 15:4

Hesiboni niba leni Eleale niba kuudi ki mua Hali Yahatisi bi gba bi niali. Lani n teni ke Moabi toatieba kuudi boncianla Kelima bi jie ki luodi.

Esayi 33:7

Diidi a jakoanda n buudi i sani nni yeni. Mi yanduanma tonda mo n buudi ki yalini yeni.

Esayi 66:6

Ku fuugu ña u dociamu nni U nialu ña U Tienu diegu nni. Li tie Li Miali Diedo yaa nialu Ke o pa o yibalinba bi panpaani.

Esayi 8:22

Li yaa yuandi bi baa tibini ki noanli tiipo Ki sua ke paboanli, li *biigili leni i yanbani bebe. Bi yen baa sua ke bi se laa biigicianli nni.

Jeremi 25:36

Gbadi mani bi yankpaaba niali, Yaaba n gobidi ti yandi kuudi Kelima Li Miali Diedo pua ki biidi u yankpaakaanu.

Jeremi 30:7

Be yaa fala mo nne! Kelima li naa daali tie dacianli. Daaliba kuli ki naani leni li. Li tie Jakobo puoliŋuani po paboanli daale. Ama bi baa baa gaapo.»

Jeremi 46:5

Be n tieni? Be mo nne? Bi jigi kuli cie Bi sudi puoli po. Bi pua ki guli bi jakoanda. Moala wani yua tadi yua pa jige! Oba kuli ki go tiini ki gbegidi ki nua! Ti jawaandi bebe n ye i kaani kuli. Li Miali Diedo n yedi yeni.

Jeremi 48:41

Yibali fie i dogi leni i kaanpaali kuli. Laa daali mo Moabi jakoanda tugusoama tiini Nani yaa pua n baa maa yaa tugusoama n tiini maama yeni.

Esekieli 12:23

Lanwani ŋan yedi daa Ke o Diedo, Li Miali Diedo yedi mi ne: N baa teni laa kpanjama n gbeni. Bi kan go pua laa kpanjama. Isalele diema nni. Ŋan yedi ba: Ke a dana kpendi Ke laa bonlekaala mo kuli baa tieni.

Esekieli 30:3

Kelima li daali yeni nagini, Li Miali Diedo pabienli daali nagini, Li baa yaa tie tawadi daali, Ban baa jia i nibuoli ti buudi yaa yogunu.

Esekieli 7:12

U yogunu kpendi, Li daali mo pundi Ke yua n da n da mangi o pali. Yua n kuadi mo n da ye leni li paboanli Kelima n pabienli fii u dogu niba kuli po yo.

Esekieli 7:16

Yaaba sieni ki naa kpe Baa sani ki do a juana po Nani ti joaloandi nni kpaajela yeni. Bikuli baa mua ki figindi kelima yua kuli tagili po.

Joeli 1:15

Ŋain, yaa dabiadili n kpendi ne te! Li Miali Diedo pabienli daali nagini, Li kpendi leni U Paaciamu Kuli Daano n jagi yaa bolinma.

Joeli 2:1

Piebi mani li naatuntunli Siyono juali po, Teni mani ban gbadi li moe n joagagidikaali po. Mi diema yaaba kuli n digibi Kelima Li Miali Diedo daali kpendi, Li daali yeni nagini.

Joeli 2:11

Li Miali Diedo kpaani o toagoli liiga, O toanagili yaba. Yaa toagola n baa kuani o ñoabona yaba ki kandi Ki pia u paalu mo. Li Miali Diedo daali tie dacianli, Ki go pia i jeje hali boncianla. Ŋme n baa fidi ki cia?

Amosi 8:2

O den buali nni: «Amosi, a nua be?» N den goa ki yedi o: «N nua baabuogu ke ku pia yaa bonluonkaala n beni.» Li Miali Diedo den goa ki yedi nni: «N niba, Isalele yaaba juodima pundi, N kan go tieni bipo sugili.»

Sofoni 1:10

Li Miali Diedo yedi: «Laa daali, a bubula baa fii ki loli “I jami buliñoabu” yeni kani, I kuudi baa fii ki loli u dogu ñianpanli po, Jelusalema juana po, a diena baa yaa baali leni ku fuciangu.

Sofoni 1:7

Cuo mani yi ñoana o Diedo Li Miali Diedo nintuali, Kelima o pabienli daali nagini. O bogini li padili, O gagidi ki ŋanbi wan yini yaaba.

Jesu Tondiba Tuona 2:20

U yienu baa lebidi ki biigi, O ŋmaalo moko baa lebidi ki moandi nani mi soama yeni, Hali ke o Diedo daali, yaa dacianli n pia ti kpiagidi yeni, daa cua.

Filipi 4:5

Yi dingima n yaa doagidi bi niba kuli po. O Diedo nagi.

1 Tesaloniki 4:16

Mi maalima yaa tieni, ke malekinba yudaano kpaani, ke U Tienu kakaci piebi, lanyogunu o Diedo wani oba baa ña hali tanpoli po ki jiidi. Yaaba n den kpe leni li *dandanli Kilisiti po, baa kpa fii bi tinkpiba siiga.

Hebilunba 12:26

Laa yogunu o nialu den teni ki tinga digibi, ama moala o niani ti yaa ñoanianu n tie na: «Yenma goga, n baa teni ki tinga n digibi. Li kan yaa tie ki tinga bebe ka. N baa teni tanpoli moko n digibi.»

Jaki 5:9

N kpiiba, yin da yenbidi mani yiyaba po ke U Tienu n da bu leni yi ki cuo yi lipo. Wani o bujialo tuodi ki se bu buliñoabu kani.

2 Pieri 2:3

Kelima bi bangi-faadanba yeni ŋaliŋabuama po bi baa baadi yi kani li baali ban bungi ki ñani yaa bangifaama po. Bi bujiali cuonu bili bipo hali yogu ki kpendi, bi bolinma mo kan go waagi ki cua.