Sofoni 1:12 - Gourmanchéma Bible

¹² Laa yogunu, N baa gaani ki liini Jelusalema nni kuli leni mu fidisanmu, Ki faligi yaa niba n ye leni mi yanduanma, Ki maadi bi pala nni ki tua: ‹Li Miali Diedo kan fidi ki tieni liba kuli, Li yaa tie yaala n ŋani bi yaala n bia.›

U TIENU MAAMA TILI 2013

¹² Landaali, n baa gaani Jerusalemi nni kuli leni mu fidisanmu, Ki lingi ki faligi yaa niba n dua ki fuo ki maadi bi pala nni, Ki tua: ‹O Diedo kan fidi ki tieni yaala n ŋani bi yaala n bia.›

Sofoni 1:12 ပူးပေါင်းရင်းမြစ်များ

Jobi 21:15

U Paaciamu Kuli Daano tie be yo Ki baa yaa tuuni opo? Ti ŋua ki pugi o ki baa ŋmani be yo?›

Pisomi 10:4

O nibiado maadi leni ti japaadi ki tua: «Waa mabindi ba! Tienu ki ye!» O yanjaga kuli n yeni.

Pisomi 14:1

Bi yanyanba yudaano yani siiga yanbu, Dafidi yanbu. O yanluodaano tua o pali nni: «U Tienu naa ye.» Bi biidi bi yula, bi tuuni yaa tuona n gundi hali boncianla. Yua n tiendi yaala n ŋani naa ye.

Pisomi 94:7

Bi tua: «Li Miali Diedo naa nua Jakobo Tienu naa faami lipo!»

Esayi 5:19

Bi tua: «Li Miali Diedo jaligi, Wan jaligi ki soani o tuonli tin le, Isalele Tienu, Yua n Gagidi ki ŋani n jagi yaala n jaligi Ki cua ki tieni tin le ki bandi o.»

Jeremi 10:5

Laa *buli tie nani a bunbungbenga yeni Baa maadi, Se bi tugi ba lani yaaka bi kan fidi yaagi taali. Da jie ba mani, Kelima bi kan fidi ki tieni bonbiadiliba kuli. Nani ban kan fidi ki ŋanbi liba mo maama yeni.»

Jeremi 48:11

Li Miali Diedo yedi: «Moabi den ye leni mi yanduanma hali o panma nni. Bi naa gedini o yonbidi dietoama nni. Waa den yagini o yama bonliba kuli po, Nani yaa daama n baani yeni. Bi naa taa ma ki kuodi ki lebidi tiatoagu nni Maa lebidi, mi li baa tie yenma. Baa mi nuulu moko naa lebidi.

Esekieli 8:12

U Tienu den yedi nni: «O ja na, ŋaa laa Isalele yaaba nikpela, yua kuli o dieli nni, wan gagidi yaa kaanu, ki tiendi yaala li *biigili nni o bulo po? Bi tua: ‹Li Miali Diedo naa nua ti, o ŋa mi diema.› »

Esekieli 9:4

ki yedi o: «Kua Jelusalema dogu nni ki tieni mi maalima yaaba n laadi fala ki buudi kelima yaa cagindi n tiendi u niinni yaa po, yaa yutuna po.»

Esekieli 9:9

O den goa ki yedi nni: «Isalele yaaba leni Juda yaaba n tieni yaa *tuonbiadi yaba hali hali boncianla. Mi diema gbie leni mi kukpama ke u dogu mo gbie leni mi yaadima kelima bi tua: ‹Li Miali Diedo ŋa mi diema. Li Miali Diedo kan fidi ki le liba kuli.›

Amosi 6:1

Fala baa baa yaaba n ye Siyono leni mi yanduanma, Leni yaaba n ye Samali juali po kaa bangi liba. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isalele yaaba n caa bani yaaba yaa kani, ke bi todi ba.

Abidiasi 1:6

Diidi ki le ban fidi yi tiadi maama yinba Edomi yaaba, Bi wuodi baa yin den wuoni yaa ŋalimani.

Malaki 2:17

Yi coagini Li Miali Diedo leni yi macianma, Ki nan go tua: «Ti coagini o leni be?» Li tie ke yi ŋua ki tua ke yua n tiendi mi biadima Tiegi Li Miali Diedo nintuali, Ke Li Miali Diedo pali mani laa nibuolu yaa po yo. Yi go tua: «Yaa Tienu n tiegi yeni nan ye le?»

2 Pieri 3:4

Bi baa tua yi: «Waa den niani u ñoanianu ke o baa goa ki cua te? O nan ye le? Kelima hali ti yaajanba n kpe, ki taa ki pundi hali moala, li bonla kuli tie nani lan den tie maama mi tagima cilima yogunu yeni.»

Mi Doagidima 2:23

N go baa kpa o bila. Lanwani Kilisiti n yini yaaba nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yua kuli o panpaani nani wan tieni maama.