Sakari 9:1 - Gourmanchéma Bible

¹ Li Miali Diedo maama n tie na: O jagi ke o baa waani Hadilaki diema yaaba fala, O baa waani Damasa yaaba moko fala. Kelima o naa die Isalele buoli yaaba bebe ka, O die bi nisaaliba kuli.

U TIENU MAAMA TILI 2013

¹ O Diedo mayedikaama nne: O Diedo maama pundi Hadilaki diema, Mi pendi ki ban pundi hali Damasi dogu, Kelima o naa die Isidayeli buoli bebe ka, O die bi nisaaliba kule.

Sakari 9:1 ပူးပေါင်းရင်းမြစ်များ

Mi cilima 14:15

O den boagidi o toatieba ke wani leni bani n pua bi badiba ku yagisiigu. O den pua ki paadi ba ki deli ba ki gedini ba hali Hoba, yu n ye Damasa dogu ganu po.

2 Bi Badiba Jama 20:12

Li Miali Diedo ti Tienu, a kan jia ba yaa buudi n dagidi? Kelima tii pia fidu laa toagocianli nintuali, lini yaali n baa baa ti bu toabu yeni. Tii go pia tin baa tieni yaala. Ama ti nuni kuli pegidi diidi fine.»

Pisomi 145:15

Bi kuli pegidi bi nuni ki nua fine leni mi suginma, Fini n puuni ba mi jiema li yogunu yaa pundi.

Pisomi 25:15

N nuni pegidi ki nua Li Miali Diedo Kelima wani n baa ñani nni i taali nni.

Esayi 13:1

Amotisi bijua Esayi n baa yaa maama O Diedo kani ke li tie Babilona po.

Esayi 52:10

Li Miali Diedo yugidi o buagu yaagu n Gagidi ki ŋani Ke diema kuli n le gu. I tinbiani kuli yaaba baa le Ti Tienu faabima.

Jeremi 16:19

Li Miali Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe. Yaa faama n ki pia mayuli

Jeremi 32:19

A yanjagili yaba a bontienkaala mo ki pia lie. A nuni kuli ŋubidi ki nua bi nisaaliba tuada kuli ki baa pa yua kuli o tuona panpaani.

Amosi 1:9

Li Miali Diedo yedi mi ne: «Tili yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi cuo nibuomunu kuli ki teni Edomi yaaba Ki naa tiadi yaa *ŋantaado n den loli bani Tili yaaba Leni bi kpiiba, Isalele yaaba.

Amosi 3:12

Li Miali Diedo yedi yaa maama n tie na: «Nani o yangbanlo n yen cuo ki yanga, O yankpaalo n ga taana lie bi tubijenga maama yeni, Li baa tie yeni Isalele yaaba po, Bani yaaba n ye Samali Ki dua i duanŋami leni yaa cabiladikaana n ŋani po. Bi siiga nni tianba bebe n baa sieni.»

Nahumi 1:1

U Tienu n maadi yaala Ninife dogu po. O den doagidi laa bonla li bonlekaala nni, Elikosi yua, Nahumi po.

Sakari 5:4

Li Miali Diedo, U Paaciamu Kuli Daano yedi: ‹N yadi ti solindi yeni ke tin kua conconli kuli diegu nni leni yua n taagi n yeli ki pua mi faama ki polini kuli yaa diegu nni. N yadi ti ke tin kua lienni ki yaa ye, ki bolini ki taani a yoaga leni a tana kuli.› »

Malaki 1:1

Li Miali Diedo n den teni ke Malaki soagini o maama yaama Isalele yaaba po.