Sakari 8:8 - Gourmanchéma Bible

⁸ N baa ñani ba lipo ke ban kpeni ki kali Jelusalema. Bi baa yaa tie n niba, N mo baa yaa tie bi Tienu, N baa yaa die ba, Ki gobidi ba leni i moamoani leni mi *teginma.»

U TIENU MAAMA TILI 2013

⁸ N baa ñani ba lipo, Ban kpeni ki kali Jerusalemi. Bi baa yaa tie n niba, Nmo baa yaa tie bi Tienu, N baa yaa die ba, Ki gobidi ba i moamoani leni mi teginma nni.»

Sakari 8:8 ပူးပေါင်းရင်းမြစ်များ

Mi cilima 17:8

N baa pa fini leni a puoliŋuani yaaba n ŋua a puoli ŋan ye yaa diema nni moala ki tie o caano, Kanana diema kuli yeni ke man yaa tie bi yaa diema yaa yogunu kuli po. N baa tie bi Tienu.»

Jeremi 11:4

Min den kuani yaa ŋantaado leni yi baanba, Min den ñani ba Ejipiti diema nni yaa daali, Ban den ye yaa buaga yaa niinni. N den yedi ban cengi n nialu ki tieni min yedi yaala kuli. Yeni yi baa tua n niba N mo baa tua yi Tienu.

Jeremi 23:8

Ama bi baa poli ki yedi: ‹Li Miali Diedo fo Wani yua ñani ki go guani Isalele buolu yaaba Ban den ye nijienu diema po Leni min den yayadi ba yaa diema buoli nni kuli.› Bi baa yaa ka bi diema nni.»

Jeremi 24:7

N baa pa ba mi yanfuoma ki teni ban bandi ke n tie Li Miali Diedo. Bi baa yaa tie n niba, n mo baa yaa tie bi Tienu bi yaa guani n kani leni bi pala kuli.»

Jeremi 30:22

Yi baa tua n niba, N baa tua yi Tienu

Jeremi 31:1

Li Miali Diedo yedi: «N baa yaa tie Isalele yaaba kuli Tienu, Bi mo n yaa tie n niba.»

Jeremi 31:33

Mini Li Miali Diedo yedi: «Diidi mini baa kuani yaa ŋantaado Leni Isalele diema yaaba. Laa dana yaa pendi N baa kuani n *balimaama bi yantiana nni. Ki diani ma bi pala nni. N baa tie bi Tienu, Bani mo baa tie n niba.

Jeremi 32:41

N pali baa yaa mani bipo min tieni ba mi ŋanma. N baa kaani ba bonŋanla mi diema nni.

Jeremi 4:2

A yaa poli ki yedi: «Li Miali Diedo fo!» Ke li tie moamoani, leni yantugupiengu leni mi *teginma, Lanwani i nilanbuoli baa yedi Ke bi baa li seli o yaa niinni, Bi baa diidi wane ki jigini bi yula.

Esekieli 11:20

Ke ban fidi ki yaa ŋua n ñoabona Ki yaa kubi ki go tiendi n mabilikaama. Bi baa tie n niba N mo baa tie bi Tienu.

Esekieli 36:28

Yi baa yaa ye min den puni yi yaajanba yaa diema nni. Yi baa yaa tie n niba, n mo baa yaa tie yi Tienu.

Esekieli 36:33

Mini o Diedo, Li Miali Diedo yedi mine: ‹Min baa ŋuudi ki ñani yi tagili yaa daali, n baa goa ki gbieni yi dogi leni bi niba, ban go goa ki maa a diegbenbuona nni.

Esekieli 37:25

Bi baa yaa ye min den puni n naacemo Jakobo yaa diema nni, bi yaajanba n den kali yaa diema nni. Bani leni bi bijaba, leni bi bijaba yaa bila baa yaa ye mi niinni yaa yogunu kuli po. N naacemo Dafidi mo baa yaa tie bi bado yaa yogunu kuli po.

Esekieli 37:27

N baa yaa ye bi siiga ki yaa tie bi Tienu, ke bi mo n yaa tie n niba.

Ose Tili 11:11

Bine mo baa ña Ejipiti po, Ki jaligi ki cua nani mu nuanmu yeni, Bine mo n ña Asili po nani mu kpaajiemu yeni. N baa teni bikuli n goa ki kali bi diedi nni. Mini Li Miali Diedo n yedi.»

Levi 26:12

N baa yaa cuoni leni yi, n baa tie yi Tienu, yi mo baa tie n niba.

Sakari 10:10

N baa ñani ba Ejipiti leni Asili diema, Ki goa ki kpenni n ba bi deni. N baa kaani ba Galaadi leni Libani diema nni, Ama baa yeni, mi fanma kan dagidi ba.

Sakari 10:6

N baa pa Juda yaaba u paalu, Ki faabi bani Isalele yaaba. N baa gbadi bipo mi niñima, Ki lebidi ki guani ba bi deni. Bi baa yaa tie npo nani mii den kpa yie ba baa yenma yeni, Kelima n tie Li Miali Diedo, bi Tienu. N baa guani bi miabu.

Sakari 13:9

N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Sakari 2:11

Yinba Jelusalema yaaba, Ban den gedini yinba yaaba ti yonbidi Babilona, Jaligi mani ki sani.»

Mi Doagidima 21:3

N den gbadi u nialiciamu ke u maadi u bali kalikaanu kani ki yedi: «Diidi ki le, moala U Tienu yekaanu ye bi nisaaliba siiga. O baa ye leni ba, bi baa tie o nibuolu, wani U Tienu oba baa ye leni ba ki tie bi Tienu.

Mi Doagidima 21:7

Yua n koani mi jama ki paadi baa baa laa sela kuli, n baa tie o Tienu, o mo baa tie n biga.