Sakari 8:16 - Gourmanchéma Bible

¹⁶ Yin baa yaa tiendi yaala tie line: Yua kuli n yaa maadi o nisaalilielo i moamoani. Yi bujiakaani kani, yin yaa ja yaa buudi n tiegi Ki kpendinni mi yanduanma.

U TIENU MAAMA TILI 2013

¹⁶ Yin baa yaa tiendi yaala tie line: Yuakuli n yaa maadi o lielo i moamoani. Yi bujiakaani kani, yin yaa ja yaa buudi n tiegi Ki kpendinni mi yanduanma.

Sakari 8:16 ပူးပေါင်းရင်းမြစ်များ

Pisomi 15:2

Se yua n cuoni leni li papienli, Ki tiendi yaala n tiegi, Ki maadi i moamoani nani o pali n tie maama.

Pisomi 34:15

Foagidi leni mi biadima ki yaa tiendi yaala n ŋani. Lingi mi yanduanma, ki yaa ŋua ma.

Mi Kpanjama 12:17

Yua n maadi i moamoani wangi mi *teginma, O siedi-tuofaadaano mo wangi mi faama.

Mi Kpanjama 12:19

Yaa nilo n maadi i moamoani baa yaa ye hali yaa yogunu kuli, Ama yua n pua mi faama wani kan waagi.

Esayi 9:7

O Diedo fu leni Jakobo puoliŋuani Laa fuugu tie Isalele yaaba po.

Jeremi 22:3

Li Miali Diedo yedi nanda: Yin yaa tiendi mi *teginma leni yaa bujiali n tiegi. Faabi mani ban janbidi yaa nilo yua n duoliti o nuu nni.

Esekieli 18:8

Waa dindi panli ke ban goa ki pa o leni ñuadi. O kubi o yuli ki naa tiendi yaala n ki tiegi, ki ja niba lie siiga buudi leni i moamoani.

Esekieli 45:9

O Diedo, Li Miali Diedo yedi mi ne: «Yinba Isalele badiba, yi pendi u bianu. Cedi mani ku tugutongu leni ti fagidi. Ŋoadi mani yaa bujiali n tiegi leni mi teginma. Yin cedi ki da go fenli mani n niba. O Diedo, Li Miali Diedo n yedi yeni.

Levi 19:11

Yin da su. Yin da pua yi lieba po mi faama, ki da boandi yi yaba mo.

Amosi 5:15

Nandi mani yaala n bia tienma, Ki bua yaala n ŋani yaa tienma, Yin yaa ja ti buudi leni mi teginma u bujiakaanu. Daalinba, Li Miali Diedo, U Tienu, U Paaciamu Kuli Daano, Baa gbadi mi niñima, Josefi puoliŋuani, yi n sieni po.

Amosi 5:24

Teni mani yaa bujiali n tiegi N yaa puubi yi siiga nani mi ñima yeni. Yin teni mani mi teginma n yaa ye yi siiga Nani yaa kpenu n kan ñuudi yeni.

Mise 6:12

U dogu nni piada mabindi a luoda. U dogu nni yaaba kuli pua mi faama ki janbidi bi lieba.

Mise 6:8

U Tienu den bangi fini o nisaalo yaala n ŋani. Leni Li Miali Diedo n gu akani yaala. Lani n tie ke ŋan yaa ŋua yaa bujiali n tiegi, Ki bua mi teginma Ki go yaa cuoni wani a Tienu nintuali leni li yumiinli.

Sofoni 3:13

Isalele yaaba, yaaba n baa sieni kan go tieni kuli yaala n ki tiegi, Bi kan go pua faama, Janbi maama kan go yaa ye bi ñoana nni. Bi baa yaa baadi ki di ki go goa, Ke oba kuli kan yagi bi yama mo.»

Sakari 7:9

«Mini Li Miali Diedo, U Paaciamu Kuli Daano den yedi: ‹Yaa ja mani ti buudi leni mi *teginma, ki go yaa pia mani yiyaba po mi ŋanma leni mi niñingbadima.

Sakari 8:19

«Cinaa leni cimuu leni cilele leni cipiiga ŋmaali yi yaa niinni ke yi luo bu ñoabu yeni baa tua yinba Juda yaaba jaancianma, yaama n pia yipo li pamancianli. Ama yin yaa bua mani i moamoani leni mi yanduanma.»

Sakari 8:3

N baa lebidi ki guani Siyono, ki yaa ye Jelusalema yaaba siiga. Bi niba baa yaa yi Jelusalema dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo, U Paaciamu Kuli Daano, juali mo: “Mi gagidiŋanma juali.”»

Matie 5:9

Li pamanli ye leni bi candanbaaba, kelima bi baa yini ba U Tienu bila.

Efesa 4:17

Lanwani min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi yeni, bani yaaba n ŋua bi yantiana ya n tie fanma fanma yeni.

Efesa 4:25

Lani yaa po yin cedi mani mi faama, yi siiga yua kuli n yaa maadi o nisaalilielo i moamoani kelima tikuli tie gbananyendi yaaba.

1 Tesaloniki 4:6

Oba kuli n da boandi o kpiilo laa bonla nni, ki janbi o. Ti den tuodi ki waani yi ki go kadi ki waani yi ke o Diedo baa tu laa biadima buolu kuli li panpaani.

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»