Sakari 7:9 - Gourmanchéma Bible

⁹ «Mini Li Miali Diedo, U Paaciamu Kuli Daano den yedi: ‹Yaa ja mani ti buudi leni mi *teginma, ki go yaa pia mani yiyaba po mi ŋanma leni mi niñingbadima.

U TIENU MAAMA TILI 2013

⁹ «Mini Li Miali Diedo U Paalu Kuli Daano den yedi: ‹Yaa ja mani ti buudi leni mi teginma, ki go yaa pia yiyaba po mi ŋanma leni mi ninñingbadima.

Sakari 7:9 ပူးပေါင်းရင်းမြစ်များ

2 Samueli 9:7

Dafidi den yedi o: «Ŋan da jie liba, n bua ki ŋanbi apo kelima a baa Jonatan yaa po. N baa go guani a a yaaja Sayula kuani kuli. A baa yaa di n saajekaanu kani yogunu kuli.»

Jobi 31:20

Ke mii den puni o n pekobidi caba Ki tongi o gbanu ke o tuondi nni?

Jobi 6:14

Yua n ye leni fala, li pundi wan baa o danli kani li*ŋanbili, Baa o yaa go pia fangili U Paaciamu Kuli Daano po.

Mi Kpanjama 21:3

Ki tieni yaala n tiegi ki go dagidi Laa bonla mani Li Miali Diedo po ki cie a pada.

Jeremi 21:12

Dafidi diegu yaaba, Cengi mani Li Miali Diedo maama! Li Miali Diedo yedi nanda: «Yaa tiendi mani mi *teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii ki be nani mi fantama yeni, Ki cuo maama ke bi kan fidi gbindi ma Kelima yi tuona n bia maama po.»

Jeremi 22:3

Li Miali Diedo yedi nanda: Yin yaa tiendi mi *teginma leni yaa bujiali n tiegi. Faabi mani ban janbidi yaa nilo yua n duoliti o nuu nni.

Jeremi 7:23

Ama n den yedi ba yaa maama n tie na: ‹Cengi mani n maama Ke min yaa tie yi Tienu, yimo n yaa tie n niba. Yaa cuoni mani min yedi yin tagini Yaa sani kuli nni, lani n tie yi yema n yaa mani yipo.›

Jeremi 7:5

Li yaa tie ke i moamoani yi lebidi yi tagi leni yi tuada, Yi yaa tieni bi niba kuli po nani lan pundi maama,

Esekieli 18:8

Waa dindi panli ke ban goa ki pa o leni ñuadi. O kubi o yuli ki naa tiendi yaala n ki tiegi, ki ja niba lie siiga buudi leni i moamoani.

Esekieli 45:9

O Diedo, Li Miali Diedo yedi mi ne: «Yinba Isalele badiba, yi pendi u bianu. Cedi mani ku tugutongu leni ti fagidi. Ŋoadi mani yaa bujiali n tiegi leni mi teginma. Yin cedi ki da go fenli mani n niba. O Diedo, Li Miali Diedo n yedi yeni.

Ose Tili 12:7

Ki yedi: «Lebidi ki guani mani mini yi Tienu kani, Ki yaa kubi mi buama leni mi *teginma. Yaa dugi mani mini yi Tienu po yogunu kuli.»

Levi 19:15

Ŋan da jia yaa buudi n ki tiegi, ŋan da fali nilo, ŋan da jagi ke a baa todi o luodo, bi ŋan go da jagi ke a baa todi o piado mo li bujiali nni. Ama a baa jia a yieninlielo buudi nani lan tiegi maama.

Amosi 5:24

Teni mani yaa bujiali n tiegi N yaa puubi yi siiga nani mi ñima yeni. Yin teni mani mi teginma n yaa ye yi siiga Nani yaa kpenu n kan ñuudi yeni.

Mise 6:8

U Tienu den bangi fini o nisaalo yaala n ŋani. Leni Li Miali Diedo n gu akani yaala. Lani n tie ke ŋan yaa ŋua yaa bujiali n tiegi, Ki bua mi teginma Ki go yaa cuoni wani a Tienu nintuali leni li yumiinli.

Sakari 7:7

Naani mii den kpa soani n sawalipuaba hali yogu ke bi waani laa maama ka? Lani n tie hali yaa yogunu ke Jelusalema dogu leni u tinkundogi yaaba da kaa leni mi yanduanma, ke niganu po diema leni Sefela mo da pia bi niba.

Sakari 7:8

Li Miali Diedo den maadi leni nni ki yedi yaa maama n tie na:

Matie 23:23

Fala baa ye leni yinba li bali maama bangikaaba leni Falisieninba pala lie danba, kelima yi coadi yaa kpinfaadi n yi menti leni aneti leni kumini ki ñandi li *dim, ama yi fali li *bali maama nni yaala n pia mayuli ki cie, lani n tie ki yaa tiendi yaala n tiegi, ki yaa gba mi niñima, ki yaa go tie nidugikaaba mo. Lani n tie yin bi pundi ki yaa tiendi yaala, ki nan da cedi yaala n sieni mo.

Luki 11:42

Fala baa ye leni yi, yinba Falisieninba, kelima yi coadi yaa kpinfaadi n yi menti leni lu, leni kpinfatoadi kuli, ki ñandi *dim. Ama yi ŋa mi *teginma leni U Tienu yaa buama. Li pundi yin yaa bi tiendi lani, ki nan da cedi yin maani ki tiendi yaala yeni mo.

Jan n diani U Tienu Laabaaliŋamo maama 7:24

Yin da ja ti buudi nani yin nua maama, ama yin yaa jia ti buudi ke li tiegi.»

Jan n diani U Tienu Laabaaliŋamo maama 7:51

«Naani ti bali maama tuo ban jia leni o nilo ti buudi ki cuo o, bi yaa kpa cengi ki gbadi wan yedi yaala o yuli po ki bandi wan tiendi yaala?»

Mi Tiadima 22:1

A yaa laa ke a lielo nua, bi o pia yaadi, ŋan da ŋa o wan yaa caa, ama ŋan guani o a kpiilo kani.