Sakari 5:4 - Gourmanchéma Bible

⁴ Li Miali Diedo, U Paaciamu Kuli Daano yedi: ‹N yadi ti solindi yeni ke tin kua conconli kuli diegu nni leni yua n taagi n yeli ki pua mi faama ki polini kuli yaa diegu nni. N yadi ti ke tin kua lienni ki yaa ye, ki bolini ki taani a yoaga leni a tana kuli.› »

U TIENU MAAMA TILI 2013

⁴ Li Miali Diedo U Paaciamu Kuli Daano yedi: ‹N yadi ti solindi yeni, ke tin kua suudo kuli diegu nni leni yua n taagi n yeli ki pua mi faama ki polini kuli yaa diegu nni. N yadi ti ke tin kua lienni, ki yaa ye, ki bolini ki taani a yoaga leni a tana kuli.› »

Sakari 5:4 ပူးပေါင်းရင်းမြစ်များ

Jobi 18:15

Li cidibili baa baa o diegu po. A baa fidi ki kua ki sedi ku niinni, Kelima kuu go tie o yaa yaagu.

Jobi 20:26

Li *biigili wuo ki bili ki guu o, Niloba kuli n kan tigi yaa fantama baa je o, Ki buoni yaala n baa sieni o diegu nni.

Jobi 8:15

O dugi o dieli po yo, lini mo naa pia fidu. O sani ki fini li dieli yeni ama li wudi.

Jobi 8:22

Yaaba n nani a baa le i fe. Bi nibiadiba diedi baa bodi.»

Mi Kpanjama 3:33

Li Miali Diedo solindi ye bi nibiadiba diedi po, ama o seligidi bi niteginkaaba yaa diedi.

Esayi 24:6

Lani yaa po yo ke ti solindi dini ki tinga. I tagili mo jagi yaaba n ye ki niinni po. Lani n teni ki tinga nni niba buodi, Yaa niba n sieni ki go fuu.

Jeremi 2:26

Nani ban yen pigini li conconli i fe n cuo li maama yeni, Moko, i fe cuo Isalele yaaba, bani bi badiba, Bi koanbala, bi kopadicianba leni bi sawalipuaba yene.

Ose Tili 4:2

Mi diema nni bi niba polini ki go janbidi. Mi kukpama, bu subu leni mi *conconma bebe n ye. Yi mabindi yi lieba, Yi kpaani bi niba ki tuadi tuadi.

Ose Tili 4:3

Li tie lani yaa po ke li paboanli baa cuo mi diema na yaaba, Bani leni ti moayandi leni ti bonyugiditi kuli baa waadi. Baa mi ñincianma jami baa bodi. U Tienu yedi:

Amosi 3:10

Li Miali Diedo yedi: «Samali yaaba ki bani ki tieni yaala n tiegi. Bi dogindi bi dieŋama nni ban tiendi u paalu ki fenli yaala.»

Sakari 5:3

Lani, o den yedi nni: «Yaa solindi n baa baa mi diema n diani lipo. U kaliyendu po, li diani ki yedi ke bi baa deli ki ñani a sugida kuli mi diema nni. U kalilielu po mo, li diani ki yedi ke yaaba n pua mi faama ki polini moko bi baa soani ba yene.

Sakari 8:17

Yin da kpaagi yi yaba po yaala n bia. Yin da pua mi faama ki polini, Kelima laa tuona kuli tie mini Li Miali Diedo n nani yaala.»

Malaki 3:5

Li Miali Diedo, U Paaciamu Kuli Daano yedi: «N baa cua yi siiga li bujiali po, N baa jaligi ki taa a lingida leni mi *conconma danba tagili, Ki taani leni yaaba n polini ki pua mi faama, Leni yaaba n mabindi bi tuonsoanba kaa pa ba bi ligi, Leni yaaba n faligidi a kpepuona leni a kpienbila, Leni yaaba n tiendi bi canba yaala n bia kaa fangi nni.»

Mi Tiadima 28:16

Ti solindi baa ye leni yaaba n ye i dogi nni leni yaaba n ye i kuani nni.

Mi Tiadima 7:26

Yin da kuani buloba kuli yi diema nni, ke yin da ti bodi nani wani yeni. Yi baa yaa nua ke li tie cagindi ki go gundi kelima li tie kuale.

Josue 9:20

Ti kan kpa ba, ke U Tienu pali n da fii tipo, kelima tin den poli yaa poli po. Ama, diidi tin baa tieni ba maama: