Sakari 5:3 - Gourmanchéma Bible

³ Lani, o den yedi nni: «Yaa solindi n baa baa mi diema n diani lipo. U kaliyendu po, li diani ki yedi ke bi baa deli ki ñani a sugida kuli mi diema nni. U kalilielu po mo, li diani ki yedi ke yaaba n pua mi faama ki polini moko bi baa soani ba yene.

U TIENU MAAMA TILI 2013

³ Lani, o den yedi nni: «Yaa solindi n baa baa mi diema n diani lipo. U kaliyendu po, li diani ki yedi ke bi baa deli ki ñani a suuda kuli mi diema nni. U kalilielu po mo, li diani ki yedi ke yaaba n pua mi faama ki polini moko bi baa soani ba yene.

Sakari 5:3 ပူးပေါင်းရင်းမြစ်များ

Mi Ñama 20:15

Yin da su.

Mi Kpanjama 29:24

Yua n taa ñoabu leni li conconli nani o yule, O gba ti solindi ki naa baa tuo ki waani liba.

Mi Kpanjama 3:33

Li Miali Diedo solindi ye bi nibiadiba diedi po, ama o seligidi bi niteginkaaba yaa diedi.

Mi Kpanjama 30:9

Lani n tie min da ti je ki guo ki nia ŋa Ki yedi: «Ŋme n tie Li Miali Diedo?» Bi ki yaa ye mi luoma nni ki fii ki ban su Ki biidi n Tienu yeli.

Esayi 24:6

Lani yaa po yo ke ti solindi dini ki tinga. I tagili mo jagi yaaba n ye ki niinni po. Lani n teni ki tinga nni niba buodi, Yaa niba n sieni ki go fuu.

Esayi 43:28

Li tie lani yaa po ke n den nua ke u *kaangagidiŋamu kopadicianba kuli *joagini, N go den ŋa ke Isalele yaaba yibalinba fiagi ba ki go bolini ba.

Esayi 48:1

Cengi mani line yinba Jakobo puoliŋuani Yinba yaaba n kubi Isalele yeli Ki ñani Juda buolu nni. Yinba yaaba n polini Li Miali Diedo yeli nni Ki jaandi ki miadi Isalele yaaba Tienu Ke moamoani leni teginmaba ki ye lienni.

Jeremi 23:10

‹Mi diema kuli gbie leni yaa niba n tiendi mi *conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli ye leni li paboanli, Bi yankpaakaani kuli mo kuodi.

Jeremi 26:6

N baa soani ku naa diegu tuonli nani min soani Silo yaa tuonli yene. N baa teni ku naa diegu n tua ti solindi bonla ki tinga nibuoli kuli po.› »

Jeremi 5:2

Baa bi yaa yedi: «Li Miali Diedo fo!» Bi polini faama bebe.

Jeremi 7:9

Yi su, ki kpaani mi kuuma, ki conbi, Ki pua mi faama ki polini, Ki padi a pada o bulo *Baali po, Ki tiini ki ŋua yin kaa pia *ŋantaado leni yaa buli.

Esekieli 2:9

N den diidi ki laa ke u nuu tiegi npo ki muubi li tigbabikaali.

Danieli 9:11

Isalele yaaba kuli miidi a balimaama ki lebidi ki ŋa, kaa cengi a yedima. Lani n teni ke yaa solindi leni yaa tundifala n diani a naacemo Musa balimaama tili nni baa tipo, kelima ti den tieni ti tuonbiadi fini U Tienu po.

Ose Tili 4:2

Mi diema nni bi niba polini ki go janbidi. Mi kukpama, bu subu leni mi *conconma bebe n ye. Yi mabindi yi lieba, Yi kpaani bi niba ki tuadi tuadi.

Levi 19:11

Yin da su. Yin da pua yi lieba po mi faama, ki da boandi yi yaba mo.

Levi 19:12

Yin da pua faama ki poli n yeli nni. Kelima yi baa biidi yi Tienu yeli. N tie Li Miali Diedo.

Amosi 3:10

Li Miali Diedo yedi: «Samali yaaba ki bani ki tieni yaala n tiegi. Bi dogindi bi dieŋama nni ban tiendi u paalu ki fenli yaala.»

Sakari 5:4

Li Miali Diedo, U Paaciamu Kuli Daano yedi: ‹N yadi ti solindi yeni ke tin kua conconli kuli diegu nni leni yua n taagi n yeli ki pua mi faama ki polini kuli yaa diegu nni. N yadi ti ke tin kua lienni ki yaa ye, ki bolini ki taani a yoaga leni a tana kuli.› »

Sakari 8:17

Yin da kpaagi yi yaba po yaala n bia. Yin da pua mi faama ki polini, Kelima laa tuona kuli tie mini Li Miali Diedo n nani yaala.»

Malaki 3:5

Li Miali Diedo, U Paaciamu Kuli Daano yedi: «N baa cua yi siiga li bujiali po, N baa jaligi ki taa a lingida leni mi *conconma danba tagili, Ki taani leni yaaba n polini ki pua mi faama, Leni yaaba n mabindi bi tuonsoanba kaa pa ba bi ligi, Leni yaaba n faligidi a kpepuona leni a kpienbila, Leni yaaba n tiendi bi canba yaala n bia kaa fangi nni.»

Matie 25:41

Li yaa puoli o baa yedi yaaba n ye o ganu: ‹Fuadi mani n kani, yinba ti solindi yaaba, gedi mani yaa *fantanbuogu n ki pia gbindima po, ban den gbiidi yaagu ku *tuotabigu yudaano leni o yaa malekinba yaa po.

Luki 21:35

Kelima laa daali baa cua nani ku diagu yeni ki ludi ki cuo yaa niba n ye ŋanduna nni kuli.

Efesa 4:28

Yua n den kpa su, wan da go su. Ama wan yaa tuuni li tuonli nani lan dagidi maama, ke wan yaa pia wan baa fidi ki pa a luoda yaala.

1 Timote 1:9

Ti go bani ke baa bili li balimaama yeni o niteginka po, ama bi bili ma bi nibiadiba leni yaaba n yie li bali leni U Tienu yiekaaba leni ti *tuonbiadi danba po, leni yaaba n kaa ŋua U Tienu sanu kaa fangi o mo yaa po, leni yaaba n ku bi baanba leni bi naanba, leni nikpalo kuli po,

Jaki 5:12

N kpiiba, yaala n tugi mayuli tie line: Yin da poli leni tanpoli, bi leni ki tinga, baa leni poliba kuli. Ama yi yaa yedi: «Mm,» lan yaa tie, mm. Yi yaa yedi: «A-a,» mo, lan yaa tie, a-a, ke U Tienu n da ti jia leni yi ti buudi.

Jaki 5:4

Diidi, yaa tuonsoanba n den yendi yi kuani ke yi janbi ba yeni, panpaani mua ki kuli yi. Yaaba n den yendi yi kpaandi yaa moe mo doni ki pundi hali o Diedo U Paaciamu Kuli Daano tuba nni.

Josue 9:20

Ti kan kpa ba, ke U Tienu pali n da fii tipo, kelima tin den poli yaa poli po. Ama, diidi tin baa tieni ba maama:

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i *buli danba, yaaba n bua mi faama ki go pua ma kuli baa ye niinpo.