A tie ŋme, fini li joacianli Solobabeli nintuali? A baa tua tialu. O baa ñani likani yaa tanli n baa maani ki juodi n dieli tanpoli. Bi niba baa yaa kpaani ki tua: ‹Li pia ñuadima! Li pia ñuadima!› »
«Solobabeli cili mini U Tienu diegu tanpuuli: O baa maa ki juodi li mo.» Lani kuli yaa tieni, Yi baa bandi ke Li Miali Diedo, U Paaciamu Kuli Daano n soani nni yikani moamoani.
Bi niba baa ña hali foagima, ki cua ki todi ban goa ki maa Li Miali Diedo diegu. Lani, yi baa bandi ke Li Miali Diedo, U Paaciamu Kuli Daano n soani nni moamoani. Laa bonla kuli baa tieni, yi yaa tuo ki ŋua Li Miali Diedo, yi Tienu.