Sakari 3:9 - Gourmanchéma Bible

⁹ N bili Josue nintuali li tanli, yaali n pia nuni lele. N baa diani lipo dianu ki ñani dayenli dayenli mi naa diema yaa tuonbiadi. Li Miali Diedo, U Paaciamu Kuli Daano n yedi.

U TIENU MAAMA TILI 2013

⁹ N bili Josue nintuali li tanli, yaali n pia nunilele. N baa diani li po dianu ki ñani mi naa diema tuonbiadi dayenli dayenli. Li Miali Diedo U Paaciamu Kuli Daano n yedi yeni.

Sakari 3:9 ပူးပေါင်းရင်းမြစ်များ

1 Bi Badiba 1:20

N daano o bado, Isalele yaaba kuli diidi fine ke ŋan waani ba, a yaa ti ye, yua n baa kali a bali kalikaanu po.

2 Bi Badiba Jama 16:9

Li Miali Diedo diidi ki tinga nni kuli ki baa todi yaaba n bua o leni bi pala kuli. Lanwani, moala ne ŋan soani nani o yanluodaano yeni, dinla liiga, a kan go luo toabu.»

Pisomi 103:12

Nani puoli n foagi leni nintuali maama, O yen foagidi ti leni ti tagili yene.

Pisomi 118:22

Bi tanmaaba n den yie yaa tanli Lini n tua li tanpuuli tanjigi.

Mi Ñama 28:11

Ŋan diani a tanlieda yeni po Isalele bijaba yela nani yaaba n dangi a tana po n maani ki tiendi maama. Li yaa puoli ŋan poabini a tana yeni leni wula.

Mi Ñama 28:21

Tanyenli po kuli yin diani Isalele bijua yendo yaa yeli nani yin maani ki dangi a tana po yi yula po maama yeni. Tanyenli kuli baa yaa tie Isalele piiga n buoliedi buoyendu yaa maalime.

Mi Ñama 28:36

Baa wulamoano ki duadi bonla lan yaa naani leni mi puuma ki diani lipo “Bi gagidi la Li Miali Diedo po yo.” Lan yaa tie nani o nilo n yen tieni o maalima maama yeni.

Esayi 28:16

Lani n teni ke o Diedo Li Miali Diedo maadi mine: «Diidi, n bili Siyono nni li tanpuuli tanli Laa tanli tie tanmoanli ki tie li tanpuuli tanjigi, Yaali n buugi bonŋanla. Yua n dugi lipo kuli, jawaandi kan cuo o.

Jeremi 31:34

Oba kan go bangi o yua. Oba kan go yedi o kpiilo: ‹Bandi mani Li Miali Diedo!› Kelima bikuli baa yaa bani nni, Ki cili yua n wa bi siiga ki ban taani o nikpelo, Li Miali Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 50:20

Laa dana nni, Li Miali Diedo yedi: «Bi baa lingi Isalele tagili, Ama bi kan go le i. Juda tuonbiadi mo, bi kan le ti, Kelima min sieni yaaba, n baa tieni bipo sugili.

Sakari 13:1

Li Miali Diedo, U Paaciamu Kuli Daano yedi: «Laa daali, Li ñinbunli baa pudi, Ki yaa ŋuudi ki ñandi Dafidi puoliŋuani Leni Jelusalema yaaba *tuonbiadi leni bi joagindi.

Sakari 3:4

Maleki yeni den yedi o yegininlieba ke ban landi wani Josue tiajoagindi yeni. Li yaa puoli, o den yedi Josue: «Diidi, n ñani apo a tagili, ki baa lani a ti jaantiadi.»

Jan n diani U Tienu Laabaaliŋamo maama 1:29

Lan den fii ki fa, Jan den laa Jesu ke o kpendi o kani ki yedi: «Diidi mani U Tienu Pebiga, yua n tugi ki ñandi ŋanduna *tuonbiadi.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O *Ja Bijua n baa pa yi laa jiema kelima Baa U Tienu n tieni opo o maalima.»

Jesu Tondiba Tuona 4:11

Wani Jesu n tie: Yinba bi tanmaaba n den luni yaa tanli, Lini n tua li tanpuuli tanjigi.

LOMA YAABA 9:33

nani lan diani maama: «Diidi ki le, n bili Siyono juali kani Yaa tanli n baa teni bi niba n tuudi, Yaa tancianli n baa teni bi niba n baa yeni, Ama yua n dugi opo kuli, O kan le i fe hali abada.»

2 Korenti 1:22

ki go tieni tipo o maalima, ki go puuni ti o Fuoma ke mi ye ti pala nni ki tie nani i *kpaaligi yeni.

2 Korenti 3:3

Li doagidi bi niba kuli po ke yi tie Kilisiti tili, tin soani yaali. Laa tili naa den diani leni tidianñima ka, ama leni U Tienu yua n fo yaa Fuoma. Lii den diani a tana yaa walimu po ka, ama ti gbanandi yaa walimu po, lan tie yi pala po.

2 Timote 2:19

Baa yeni, U Tienu n pu yaa tanpuuli se bonŋanla, ki ñii mi naa maama po: «O Diedo bani o yaaba,» leni: «Yua n yedi ke o tie o Diedo yua kuli n sani ki ŋa mi biadima.»

Hebilunba 7:27

Waa taa leni yaa kopadicianba badiba n sieni, kelima li den tie bipo tiladi daali kuli ban yen kpa padi a pada bani biba yaa tuonbiaceli po, ki nan yuandi ki padi bi niba kuli yaa tuonbiadi po. O den tieni lani yenma ke li dagidi i yogini kuli po, wan den puni o yuli yeni.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

Mi Doagidima 5:6

Lani, n go den laa ki Pebiga, ke li naani ke bi kodi ga, ke ki se li bali kalikaanu kani, a bonfuodinaada leni bi nikpeliba yeni siiga. O den pia yina lele leni nuni lele yi n tie U Tienu fuoma yaaba bilele, wan soani yaaba ki tinga kuli nni.