Sakari 3:2 - Gourmanchéma Bible

² Maleki yeni den yedi Sutaani: «Li Miali Diedo n yie apo! U Tienu, wani yua n gandi Jelusalema yeni n yie apo! Naani Josue ki tie nani ban kuudi ki ñani yaa mudatali mi fantama nni yeni ka?»

U TIENU MAAMA TILI 2013

² Maleki yeni den yedi Sutaani: «O Diedo n yie a po! O Diedo, wani yua n gandi Jerusalemi yeni, n yie a po! Naani Josue ki tie nani ban kuudi ki ñani yaa mudatali u mu nni yeni ka?»

Sakari 3:2 ပူးပေါင်းရင်းမြစ်များ

2 Bi Badiba Jama 6:5

‹Hali min ñani n niba Isalele yaaba Ejipiti nni, mii gandi Isalele buoli dogi nni doguba kuli ki yedi ban maa npo ku diegu min baa yaa ye naankani. Mii go gandi niloba mo yua n baa gobidi npo n niba Isalele yaaba.

2 Bi Badiba Jama 6:6

Ama n gandi Jelusalema dogu, min baa yaa ye naankani. N go gandi Dafidi mo ke wan yaa gobidi npo n niba Isalele yaaba.› »

Pisomi 109:31

Kelima o koani ki gaani o luodo, Ki baa faabi o yaaba n bua ki bu ki cuo o nuu nni.

Esayi 7:4

Ŋan yedi o: ‹Duani a yama, da jie liba, a tugusoama n da sani a mudatalieda yaa da baa ŋubidi, bani Letisini, Sili leni Lamalia bijua yeni kani.

Danieli 12:1

Maleki go den yedi nni: «Li yogunu malekinba yudanciamo *Miseli, yua n guu fini Danieli nibuolu, baa fii. Li baa yaa tie fala yogunu. Laa fala baa yabidi hali maama ke o buolu daa tieni ki cili ŋanduna cilima ki yaa caa hali laa yogunu. Lanyogunu a nibuolu yaaba siiga nni lan baa sua ke yaaba yaa yela n diani li tili nni n baa ciadi.

Amosi 4:11

N den bolini yi siiga bi tianba, Nani min den bolini Sodoma leni *Gomola dogi maama yeni. Yi siiga yaaba n sieni den tie nani ban kuudi Yaa datala mi fantama nni yeni Baa leni lan kuli, yii den lebidi ki guani n kani. Li Miali Diedo n yedi yeni.

Sakari 1:17

Maleki go den yedi nni ke min waani yaa maama n tie na: «Li Miali Diedo, U Paaciamu Kuli Daano yedi ke o dogi go baa gbie leni mi piama. O go baa baagi Siyono yaaba. O go baa guani ki gandi Jelusalema.»

Sakari 2:12

Li Miali Diedo, U Paaciamu Kuli Daano, yua n soani nni Maadi yaa nilanbuoli n den fagi yi piama yeni po, Ki yedi ke yua n sii yi kuli Sii wani U Tienu nunbili yo.

Marki 1:25

Jesu den funi leni ga ki yedi: «Suoni ki ña o ja na niinni.»

Marki 9:25

Jesu n den laa ke ku niligu tiini ki taagi bikani, o den funi leni ki cicibiadiga, ki yedi ga: «Fini ki cicibiadiga, yaaga n muu ki go womi na, n yedi a: ‹Ña ki biga na niinni ki da go kua hali abada.› »

Luki 22:32

Die n mia U Tienu apo ke a *dandanli n da gbali. A yaa ti lebidi ki guani n kani, ŋan yaa paagidi a kpiiba pala.»

Luki 4:35

Jesu den funi leni ga ki yedi: «Suoni ki ña o ja yeni niinni.» Ki cicibiadiga den guli o ja yeni li nitaanli siiga ki ñani o niinni kaa tieni o bonbiadiliba kuli.

Luki 9:42

Ki biga n den nagini Jesu kani yaa yogunu, ki cicibiadiga den guli o ki go digini o leni u paalu. Jesu den funi leni ga, ki paagi ki biga, ki teni o o baa.

Jan n diani U Tienu Laabaaliŋamo maama 13:18

Mii maadi yeni ki baa yikuli ka. N bani min gandi yaaba. Ama tiladi li baa tieni nani lan diani i Diani nni maama na: ‹Yua n taa ki di leni nni lugidi nni u danbu.›

LOMA YAABA 16:20

Li kan waagi ke mi yanduanma Tienu baa paadi Sutaani ki madi o yi taana tiipo. Ti Diedo Jesu yaa *ŋanbili n yaa ye leni yi.

LOMA YAABA 8:33

Ŋme baa kuli U Tienu n gandi yaaba? Oba kuli, kelima U Tienu wani oba n tie o moamoansaalo.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

Jude 1:23

Yin faabi ba ki lobidi ba mi fantama nni. Yin yaa gba nitoaba po yaa niñima n kali leni i jeje, ki nan yaa nani baa bi tiayiekaadi, ban den joagini yaadi leni bi gbanandi bonbuakaala.

Jude 1:9

Lanwani baa malekinba yudaano *Miseli n den nia leni Sutaani Musa o kpiemo gbanandi po yaa yogunu, waa den tuo ki maadi o buudi leni sugidi maama. Ama o den yedi o: «O Diedo n yie apo.»

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»