Sakari 3:1 - Gourmanchéma Bible

¹ Li Miali Diedo den teni ke n laa bi kopadicianba bado Josue, ke o se Li Miali Diedo maleki nintuali. Sutaani den se Josue jienu po ki bua ki kuli o.

U TIENU MAAMA TILI 2013

¹ O Diedo den teni ke n laa bi kopadicianba bado Josue, ke o se o Diedo maleki nintuali. Sutaani den se Josue jienu po, ki bua ki kuli o.

Sakari 3:1 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua yaa siiga, A puoliŋuani leni o puoliŋuani yaa siiga. O baa mudi a yuli, Amo baa poagili o taajentindili.»

Mi cilima 48:16

Yaa maleki n den da ki faabi nni n fala kuli nni Wani n seligi a naa bila. Ban yini ba n yaa yeli Leni n baanba, Abalahama leni Isaaka yaa yela. Ban yaa pugidi hali boncianla mi diema nni.»

1 Bi Badiba Jama 21:1

Sutaani den fii ki sedi Isalele yaaba po, ki den fiini Dafidi yama ke wan coadi Isalele yaaba kuli.

2 Bi Badiba Jama 29:11

Moala n bijaba, da cuoni ki sudi mani, kelima Li Miali Diedo wani oba n den gandi yi ke yi tie o naacenba ki tuuni o nintuali po ki nan go juugi opo a *dugibila.»

Esidirasi 10:18

Bi kopadicianba siiga den pia yaaba n taa bi nilanpuoba. Li den tie Jotisadaki bijua Josue leni wani Josue waamu yaa bijaba: Maaseja, Elieseli, Jalibi leni Gedalia.

Esidirasi 2:2

Yaaba n den gobidi ba den tie Solobabeli, Josue, Nehemi, Selaja, Leelaja, Malidoke, Bilisani, Misipali, Bigifayi, Lehumi leni Baana. Isalele yaaba buoli leni bi coali nne:

Esidirasi 5:2

Lanwani Seyalitieli bijua Solobabeli leni Jotisadaki yaa bijua Josue den fii ki cili ki maa U Tienu diegu Jelusalema, ke U Tienu sawalipuaba ye leni ba ki todi ba.

Pisomi 106:23

O den jagi ke o baa bolini ba Ama Musa wan den gandi yua yeni Den fii ki jiini wani U Tienu pali Ki teni ke waa bolini bikuli cain.

Pisomi 109:6

Bi tua: «Teni o nibiado n fii ki sedi opo, Ki baa yua mo n baa sedi o jienu ki yaa kuliti o.

Jeremi 15:19

Lani n teni ke Li Miali Diedo maadi nanda: «A yaa guani n kani, N baa goa ki taa ŋa, Ŋan yaa tuuni npo.» A yaa paadi yaala n pia li mayuli leni yaala n ki pia, A baa yaa tie nani n ñoabu yeni, Bani n baa guani a kani, Laa tie fini ka n guani bikani.

Esekieli 44:11

N kaangagidiŋamu nni bi baa yaa tie yaaba n pugidi ki todi bebe. Bi baa yaa ye ku diegu buliñoana kani ki tuuni ku diegu tuonli. Bi baa yaa ye bi niba nintuali ki tuuni bipo ki kodi bipo a padijuukaana leni yaa pada n sieni yaa yandi. Bi baa yaa ye bi nintuali ki tuuni bipo.

Esekieli 44:15

Ama bi kopadicianba Lefi buolu yaaba Tisadoki buolu yaaba n den kubi n kaangagidiŋamu tuonli bonŋanla, Isalele yaaba n den yaadi ki foagidi leni nni yaa yogunu. Bani n baa nagini n kani ki yaa tuuni npo, ki ye n nintuali, ki padi npo ti yandi kpama leni mi soama. O Diedo, Li Miali Diedo n yedi yeni.

Age Tili 1:1

Daliyusa bali binlieli binli, ciluoba dakpiali daali, Li Miali Diedo den maadi leni o sawalipualo Aje. O den soani o Juda gufeneeli, Salitieli bijua, Solobabeli kani leni bi kopadicianba bado, Yehotisadaka bijua, Josue kani. O den soani o ki yedi

Age Tili 1:12

Salitieli bijua Solobabeli leni Yehotisadaka bijua, bi kopadicianba bado Josue leni yaa niba n sieni kuli den tuo ki ŋoadi Li Miali Diedo, bi Tienu maama. Bi den tuo ki ŋoadi ma nani U Tienu n den soani o sawalipualo Aje ke o cua ki caa ba maama. Li fangili den cuo ku niligu kuli Li Miali Diedo nintuali.

Age Tili 2:4

Li tie lani yaa po ke mini, U Tienu yedi Solobabeli leni Yehotisadaka bijua bi kopadicianba bado Josue leni yaa niba n sieni kuli ke ban paagi bi pala. Li Miali Diedo n yedi: ‹Fii mani ki cili ki yaa tuuni, Kelima n baa yaa ye leni yi, Li Miali Diedo U Paaciamu Kuli Daano n yedi yeni.

Sakari 1:13

Li Miali Diedo den guani Maleki yeni yaa maama n pia li papaali leni i baagi.

Sakari 1:9

N den buali: «I naa taami mo tie be, n Diedo?» Lane maleki yua n den maadi leni nni den goa ki yedi nni: «N baa bundi apo ban tie yaala.»

Sakari 2:3

Li yaa puoli, Li Miali Diedo den waani nni maaba naa.

Sakari 3:8

Lanwani, Josue, fini bi kopadicianba bado, ŋan cengi, fini leni yaa kopadicianba n yegi leni a, yinba yaaba n tie yaa *faabima n kpendi maalima. N baa teni n naacemo, yua n yi li Benkpeli yeni n cua.

Sakari 4:14

Lanwani, o den goa ki yedi nni: «Li tie U Tienu n gandi yaa niliediba ki wuli bi yula po mi gagidima kpama, ke ban yaa tuuni wani ki tinga kuli Diedo po.»

Sakari 6:11

Ŋan taa ŋanjilifa leni wula, ki duadi ki tieni mu badifogilimu ki cibini Yehotisadaka bijua bi kopadicianba bado Josue.

Malaki 3:1

U Paaciamu Kuli Daano n guani yi yaala tie line: «N baa soani n tondo, Ke wan kua liiga ki ŋanbi npo u sanu. Laa yogunu, yin lingi o Diedo yua yeni Baa ludi ki cua o diegu nni. Yin guu yaa tondo yeni baa yaa wangi Min den kuani leni yi yaa *ŋantaado, Diidi mani, o kpendi na.»

Luki 21:36

Lani yaa po yin yaa ji mani ki yaa jaandi U Tienu yaa yogunu kuli, ke yin fidi ki ña yaa bonla n baa cua kuli nni, ki sedi o Ja Bijua kani.»

Luki 22:31

Jesu go den yedi: «Simono, Simono, diidi, Sutaani den mia ke wan baa u sanu ki yagi yikuli nani ban yagini *ŋalikama maama yeni.

Mi Tiadima 10:8

Laa yogunu Li Miali Diedo den gagidi Lefi buolu yaaba ke ban yaa bugi Li Miali Diedo *;nantaadikpaku, ki yaa se Li Miali Diedo nintuali, ki yaa tuuni opo, ki yaa go gaaliti ku niligu o yeli nni. Hali dinla Lefi buolu baa ki tiendi lane.

Mi Tiadima 18:15

Li Miali Diedo yi Tienu baa ti fiini yi siiga leni yi kpiiba siiga o sawalipualo nani mini yeni. Yin cengi mani o maama!

1 Pieri 5:8

Yin yaa kubi mani yi yula ki yaa faami, kelima yi yibali Sutaani, goadi nani yaa yangbanlo n duni ki lingi wan baa cuo yua ki ŋmani yeni.

1 Samueli 6:20

Lane Beti-Semesi yaaba den yedi: «Ŋme baa fidi ki yaa ye ki fo Li Miali Diedo, U Tienu Yua n Gagidi ki ŋani nintuali? Ku ŋantaadikpaku baa gedi le ki foagidi ti kani?»