Sakari 2:13 - Gourmanchéma Bible

¹³ O yedi: «N baa fii i nilanbuoli yeni po, Ki teni ban den cuo yaaba ti yonbidi yeni mo N fagi bi yaa piama.» Laa bonla yaa tieni, yi baa bandi ke Li Miali Diedo, U Paaciamu Kuli Daano n soani nni moamoani.

U TIENU MAAMA TILI 2013

¹³ O yedi: «N baa fii i nilanbuoli yeni po, Ki teni ban den cuo yaaba yeni mo N fagi bi yaa piama.» Laa bonla yaa tieni, Yi baa bandi ke Li Miali Diedo, U Paaciamu Kuli Daano n soani nni moamoani.

Sakari 2:13 ပူးပေါင်းရင်းမြစ်များ

2 Bi Badiba Jama 30:27

Bi kopadicianba leni Lefi yaaba den fii ki gaali yaa niba n den taani kuli, hali ke Li Miali Diedo yua n ye tanpoli o yekaangagidikaanu den gbadi bi miabu leni bi jaandi ki guani bipo.

Pisomi 11:4

Li Miali Diedo ye o diegagidikaali nni. Li Miali Diedo bali kalikaanu ye tanpoli po. O nuni diidi ki baa le bi nisaaliba n tie maama.

Pisomi 46:10

Wani n tendi ke bu toabu gbendi i kaani kuli. O kua li dabanli ki jendi li kpaanli. O buoni bu toabu teliti kuli leni mi fantama.

Pisomi 68:5

Yiini mani U Tienu po. Yiini mani ki kpiagi o yeli! Ŋanbi mani u sanu wani yua jagi i tiali nni yeni po. O yeli n yi Li Miali Diedo, Mangi mani yi pala o nintuali.

Pisomi 78:65

Li Miali Diedo den fii yenma nani yaa ja n bi goa yeni, Bi nani mi daama n cuo yaa jakoando yeni.

Esayi 14:2

I nibuoli baa taa ba ki gobidi ki gedini ba bi diema po. Isalele buolu yaaba baa ga ba nani li faali yeni Li Miali Diedo tinga nni Ban tua nani a jatuada leni a potuada yeni. Bi baa cuo ti yonbidi yaaba n den kubi ba ti yonbidi. Bi baa diedi yaaba n den die ba.

Esayi 19:16

Laa yogunu Ejipiti diema baa yaa tie nani bi puoba yeni. Mi baa yaa digibi ke ti jawaandi pia ma, mi yaa laa ke Li Miali Diedo U Paaciamu Kuli Daano fii ki se mipo.

Esayi 41:1

Yinba yaaba n ye a kpendega po suo mani ki cengi nni! I nibuoli n pugini bi fidu, Ki nagini ne tin maadi! Tikuli n taani ki cua ti buudi po.

Esayi 51:9

Fundi, Li Miali Diedo! Fundi! Fundi tontoni leni a buagu n den pia yaa fidu! Fundi nani u yogu nni Nani yaa nifiima n pendi yogu nni yeni! Fini ka den pua ki guli Ejipiti Ki den muu o bonfuodibiado?

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Esayi 57:5

Yi fiindi yi gbani yi ticiandi kani Leni yaa tibu n bundi bonŋanla kuli tinga Ki kodi a bila ti joaloandi nni, Leni a joatanmaba tinga.

Esayi 63:15

Li Miali Diedo, fini yua n ye tanpoli A yekaanu yu n gagidi ki ŋani ki go pia ti kpiagidi Biini ki diidi. A buama, a jama leni a niñingbadima ye le? Ŋan da yie ke a kan doagidi tipo a buama.

Jeremi 25:30

Fini ŋan pua bipo yaa sawalo n ye kuli ki yedi ba: «Li Miali Diedo fu hali tanpoli po. Hali o *kaangagidiŋamu nni o maadi. O fu leni wan die yaa diema O tangi yaaba n ŋmaadi u datuodikaanu po. O fu leni yaaba n ye ki tinga nni kuli po.

Habakuki 2:20

Li Miali Diedo wan nan ye o *kaangagidiŋamu nni, Ki tinga nni, nilo kuli n suoni suo o nintuali!»

Sofoni 1:7

Cuo mani yi ñoana o Diedo Li Miali Diedo nintuali, Kelima o pabienli daali nagini. O bogini li padili, O gagidi ki ŋanbi wan yini yaaba.

Sofoni 2:9

Li tie lani yaa po ke mini, Li Miali Diedo U Paaciamu Kuli Daano, Isalele yaaba Tienu poli ki yedi: ‹N ye ki fo, Moabi yaaba leni Amoni buolu yaaba baa bodi Nani Sodoma leni *Gomola yaaba n bodi maama yeni. Ti konkondi baa fii ki luoni bi diema nni, Likani baa tua tinyaama, Likani baa tua paboanli kaanu hali yaa yogunu kuli po. N niba yaaba n ciadi baa cua ki fagi bi diema piama, Ki fie bi diema mo.› »

Sofoni 3:8

Li tie lani yaa po ke mini Li Miali Diedo yedi: ‹Yin guudi nni mani, Min baa cua yaa daali ki waani yi ke yi nani. N jagi ke n baa taani i nibuoli kuli leni mi diema kuli niba, Ki teni ke ban bandi n pabienli n bia maama, Kelima n pabienli fantama baa buoni ki tinga kuli.› »

Sakari 4:9

«Solobabeli cili mini U Tienu diegu tanpuuli: O baa maa ki juodi li mo.» Lani kuli yaa tieni, Yi baa bandi ke Li Miali Diedo, U Paaciamu Kuli Daano n soani nni yikani moamoani.

Sakari 6:15

Bi niba baa ña hali foagima, ki cua ki todi ban goa ki maa Li Miali Diedo diegu. Lani, yi baa bandi ke Li Miali Diedo, U Paaciamu Kuli Daano n soani nni moamoani. Laa bonla kuli baa tieni, yi yaa tuo ki ŋua Li Miali Diedo, yi Tienu.

LOMA YAABA 3:19

To, ti bani ke U Tienu *bali maama n bili yaala kuli tie li bali maama n die yaaba po, ki baa teni nilo kuli ñoabu n mubini, bi niba kuli n tuo ke bi pia i tagili U Tienu nintuali.

LOMA YAABA 9:20

Fini o nisaalo, a tie ŋme ki baa nia leni U Tienu? Naani ban maa yaa tiagu baa yedi yua n maa gu: «Be yaa po ke a maa nni nanda?»

Mi Tiadima 18:21

Daalinba yi fidi ki yedi yi pala nni: ‹Ti baa bandi ki gagidi yaa maama n naa tie Li Miali Diedo maama lede?›

Mi Tiadima 18:22

O sawalipualo yaa maadi Li Miali Diedo yeli nni ke wan yedi yaala yeni naa tieni, li kan yaa tie Li Miali Diedo n yedi yaa maama. O sawalipualo yeni paagi o pale ki maadi. Yin da jie o mani.

Mi Tiadima 26:15

Ŋan diegi a *kaangagidiŋamu nni tanpoli po ki seligi a niba Isalele yaaba leni ŋan puni ti yaa tinga, nani ŋan den poli leni ti baanba maama, ke a baa pa ti mi naa diema, mi naaŋanma leni ti siadi n dua naankani.›