Sakari 2:12 - Gourmanchéma Bible

¹² Li Miali Diedo, U Paaciamu Kuli Daano, yua n soani nni Maadi yaa nilanbuoli n den fagi yi piama yeni po, Ki yedi ke yua n sii yi kuli Sii wani U Tienu nunbili yo.

U TIENU MAAMA TILI 2013

¹² Li Miali Diedo U Paalu Kuli Daano, Yua n soani nni leni o bali paalu, Maadi yaa nilanbuoli n den fagi yi yeni po, Ki yedi ke yua n sii yi kuli, Tuu wani U Tienu nunbu nne.

Sakari 2:12 ပူးပေါင်းရင်းမြစ်များ

2 Bi Badiba Jama 6:6

Ama n gandi Jelusalema dogu, min baa yaa ye naankani. N go gandi Dafidi mo ke wan yaa gobidi npo n niba Isalele yaaba.› »

Esiteri 6:13

O den togidi o pua Selesi leni o danlinba kuli yaala n den tieni o kuli. O tundikaaba leni o pua Selesi den yedi o: «Ŋan cili ki wadi Malidoke yua yaa nintuali yeni, o yaa tie Jufi buolu, a kan fidi ki tieni o pu, a baa suagi liiga ki yaa wadi ki yaa wadi, hali ki ban tua fanma.»

Pisomi 105:15

«Da sii mani n nigagidikaaba yeni, Ki da tieni n sawalipuaba mo yaala n bia!»

Pisomi 132:13

Yeni de! Li Miali Diedo den gandi Siyono yo Ke likani n tua wan baa yaa ye naankani ki yedi:

Pisomi 132:14

«Lankani n tie n fuodima kaanu yaa yogunu kuli po. N baa yaa ye lienni kelima mini n bua likani.

Pisomi 135:4

Kelima Li Miali Diedo gandi o yuli po Jakobo, Ki teni ke o puoliŋuani Isalele yaaba tua wan die yaaba.

Pisomi 33:12

Li pamanli ye leni Li Miali Diedo n tie yaa nibuolu yaa Tienu. Li pamanli ye leni Li Miali Diedo n gandi yaa niba ki baa yaa die ba.

Pisomi 82:8

U Tienu, fii ki jia ti buudi leni ki tinga! Kelima fini n die i nibuoli kuli.

Esayi 14:1

Li Miali Diedo baa gbadi mi niñima Jakobo puoliŋuani po. O go baa goa ki gandi bani Isalele yaaba. O baa goa ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakobo buolu.

Esayi 17:14

Ku juogu yaa cua, i jeje mo cua. Hali ke li daa faa baa go ye! Lani n tie yaala n baa tieni yaaba n biidi tipo ki go fagini ti.

Esayi 41:9

Min den ban ñani fini yua hali u tinbianu, Ki yini ki ñani a Min den yedi yua: «A tie n naacemo N gandi a, Ki kan lu ŋa!»

Jeremi 10:16

Ama Isalele Tienu yua n tagi tanpoli leni ki tinga Naa tie nani i buli yeni ka. Wani n die Isalele yaaba. O yeli n tie Li Miali Diedo U Paaciamu Kuli Daano.

Jeremi 30:16

Lani n teni ke yaaba n dini a, bi baa je ba A yibalinba kuli baa gedi ti yonbidi Yaaba n den su ŋa, bi baa su ba Yaaba n kpendi ki fagi a Bi baa fagi bani moko.

Jeremi 51:19

Yua n tie Jakobo biinu naa tie nani bi buli yeni, Kelima wani n die likuli. Yua n tagi li ŋandunli yeni n go die Isalele. Li Miali Diedo U Paaciamu Kuli Daano n tie o yeli.

Sakari 1:17

Maleki go den yedi nni ke min waani yaa maama n tie na: «Li Miali Diedo, U Paaciamu Kuli Daano yedi ke o dogi go baa gbie leni mi piama. O go baa baagi Siyono yaaba. O go baa guani ki gandi Jelusalema.»

Sakari 3:2

Maleki yeni den yedi Sutaani: «Li Miali Diedo n yie apo! U Tienu, wani yua n gandi Jelusalema yeni n yie apo! Naani Josue ki tie nani ban kuudi ki ñani yaa mudatali mi fantama nni yeni ka?»

Mi Tiadima 32:10

O laa ba mi fanpienma diema nni, Ti fuayandi n mua yaa fuali nni. O kubi ba bonŋanla ki wubi ba O kubi ba bonŋanla nani o nunbili yeni.

Mi Tiadima 32:9

Kelima Li Miali Diedo biinu n tie o niba Jakobo n tie o yaa biinu.