Sakari 2:10 - Gourmanchéma Bible

¹⁰ Li Miali Diedo yedi o niba: «Min den yadi yinba yaaba i kaani kuli yeni, Sani mani moala, Sani ki ña mani nijienu po diema,

U TIENU MAAMA TILI 2013

¹⁰ O Diedo yedi o niba: «Min den yadi yinba yaaba i kaani kuli yeni, Sani mani moala, Sani ki ña mani nujienu po diema.

Sakari 2:10 ပူးပေါင်းရင်းမြစ်များ

Pisomi 40:7

Ŋaa bua pada, ŋaa bua paabu padili A teni ke n bandi laa bonla. Ŋaa mia nni padijuukaali bi *tuonbiadi sugili padili ka.

Pisomi 68:18

Li Miali Diedo toateliti kuli coali tie tuda tuda yo. O Diedo mo ye ti siiga. Sinayi ye o kaangagidiŋamu nni.

Mi Ñama 29:45

N baa ye Isalele yaaba siiga. N baa tie bi Tienu.

Esayi 12:6

Kpaani ki doagidi a pamanli fini yua n ye Siyono nni, Kelima Isalele Tienu wani Yua n Gagidi ki ŋani yeni yaba boncianla. O ye o niba siiga mo.

Esayi 35:10

Li Miali Diedo n daa ki faabi yaaba baa kpeni Bi baa pundi Siyono leni i jakoandiyani Yaa pamanli n kan gbeni abada baa yaa jagi bi yula po. Li pamanli leni i laayieni baa nagini Li pabiidili leni i figindi baa foagidi.

Esayi 37:22

yedi mine: ‹Line n tie Li Miali Diedo n maadi yaa maama ki yie opo: Siyono niba fali a, bi ñuadi a, Jelusalema niba ŋua ki duani bi yula a puoli po.

Esayi 42:10

Yiini mani Li Miali Diedo po bu yanpanbu, Yiini mani ki pagi o, yinba yaaba n ye hali u tinbianu, Yinba yaaba n ye mi ñincianma gbanu po, Ki wuli ki ladi mipo Leni yinba yaaba n ye a kpendega po!

Esayi 48:20

Ña mani Babilona nni Sani mani ki ña bani Kalide yaaba siiga. Leni li pamanli kpaani, Yin kpaani ki waani laa laabaalo Hali yaaba n ye u tinbianu n gbadi Yin yadi li laabaalo ki yedi: «Li Miali Diedo da ki faabi O naacenba, Jakobo puoliŋuani.»

Esayi 51:11

Li Miali Diedo n faabi yaaba, baa lebidi ki kpeni yene. Bi baa pundi Siyono leni li pamanli yani Yaa pamanli n ki pia gbenma mo n baa yilini bi yula Li pamanli leni li pamankandikaali n baa sani ki cua. Li paboanli leni i figindi mo baa sani ki foagidi.

Esayi 52:11

Gedi mani, gedi mani, ña mani Babilona diema nni! Da sii yaala n joagini kuli! Ña mani mi diema yeni siiga! Ŋanbi mani yiba, Yinba yaaba n tugi Li Miali Diedo tadimu yeni!

Esayi 54:1

Fini ki ŋoaliga, mangi a pali! Fini yua n ki mali, Yigini mi paadima yigimi, Fini yua n ki bandi madi-tugukoanu! Kelima ku ponanbangu bila baa yaba ki cie, Yua n taa ki ye leni o calo yaa bila. Li Miali Diedo n yedi yeni.

Esayi 61:10

N baa mangi n pali Li Miali Diedo po N pali baa mangi n Tienu po hali lan kandi Kelima o lani nni mi faabima tiadi Ki golini nni mi teginma kpalibu Nani yaa pocaancalo n bobi nani o kopadiciamo yeni Nani o pocaano n tieni ti jafandi maama yeni.

Esayi 66:14

Yi baa le lani, yi pala n mangi, Yi kpaba mo n goa ki baa u fidu nani li moabunli yeni. Li Miali Diedo baa teni o naacenba n bandi o paalu O yibalinba mo n bandi o pabiencianli.

Jeremi 30:19

Bi siiga nni i pamandanyani leni i yigimi baa fii ki loli. N baa teni ban pugini boncianla, bi kan wadi. N baa kpiagi ba, bi kan go le yualu.

Jeremi 31:12

Bi baa cua Siyono juali po ki yiini leni li pamanli Kelima Li Miali Diedo n baa pa yaa piama po. Man tie: *ŋalikama, mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa tikuanu yeni. Jawaandi kan go cuo ba.

Jeremi 33:11

I pamandanyani, i pamankandike yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano Kelima o ŋani, o *ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani Li Miali Diedo diegu nni. Kelima n baa teni yaaba n den ye ti yonbidi n goa ki kpeni Min kaani ba nani kpiama yeni. Li Miali Diedo n yedi yeni.»

Esekieli 37:27

N baa yaa ye bi siiga ki yaa tie bi Tienu, ke bi mo n yaa tie n niba.

Esekieli 48:35

Yaa bilini n baa gaani ki lindi u dogu kuli baa taani ki yaa tie piiga n nukpanduna tudanii (18 000). Lanwani ki cili hali laa daali, u dogu yeli baa tie: ‹Li Miali Diedo ye nekanba.› »

Levi 26:12

N baa yaa cuoni leni yi, n baa tie yi Tienu, yi mo baa tie n niba.

Sofoni 3:17

Li Miali Diedo, yi Tienu ye yi siiga, Ki tie yaa jakoando n faabidi. O baa teni yin tua o pamanli bonla. O buama yipo teni ke o baa pa yi mi yepanma. O yiini ki kpaani leni li pamanli kelima yipo,

Sakari 1:16

Li tie lani yaa po ke Li Miali Diedo, U Paaciamu Kuli Daano yedi yaa maama n tie na: ‹N go baa lebidi ki cua Jelusalema leni mi niñingbadima. N diegu go baa goa ki maa, u dogu moko go baa goa ki maa.› »

Sakari 14:5

Yi baa tagini ku joaloangu yaagu n ye a juana siiga yeni, Ki sani ki cia, Kelima ku joaloangu yeni baa tandi Ki pundi hali Atisali. Yi baa sani nani yi yaajanba n den sani maama, Juda bado, Osiasi yogunu, Mi tindigibima n den tieni yeni. Lanwani, Li Miali Diedo, n Tienu Baa yegi leni o malekinba ki cua.

Sakari 2:11

Yinba Jelusalema yaaba, Ban den gedini yinba yaaba ti yonbidi Babilona, Jaligi mani ki sani.»

Sakari 2:5

Li bonlekataala nni, n den laa ja ke o se ki kubi baabibiigiko.

Sakari 8:3

N baa lebidi ki guani Siyono, ki yaa ye Jelusalema yaaba siiga. Bi niba baa yaa yi Jelusalema dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo, U Paaciamu Kuli Daano, juali mo: “Mi gagidiŋanma juali.”»

Sakari 9:9

Mangi mani yi pala, yinba Siyono dogu yaaba! Kpaani mani i pamandankpaani, yinba Jelusalema yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Malaki 3:1

U Paaciamu Kuli Daano n guani yi yaala tie line: «N baa soani n tondo, Ke wan kua liiga ki ŋanbi npo u sanu. Laa yogunu, yin lingi o Diedo yua yeni Baa ludi ki cua o diegu nni. Yin guu yaa tondo yeni baa yaa wangi Min den kuani leni yi yaa *ŋantaado, Diidi mani, o kpendi na.»

Matie 28:20

N baa yaa ye leni yi yaa yogunu kuli, hali ŋanduna juodima.»

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga ki gbie leni li*ŋanbili leni i moamoani. Ti den laa o kpiagidi, wani ki Bonjayenyenga yua n ñani Baa kani yaa kpiagidi.

Jan n diani U Tienu Laabaaliŋamo maama 14:23

Jesu den goa ki yedi o: «O nilo yaa bua nni moamoani, o baa kubi n maama, lane n Baa baa bua o. Ti baa cua o kani ki yaa ye o deni.

Mi Tiadima 28:64

Li Miali Diedo baa yadi yadi yi i nilanbuoli nni hali ki tinga bianu kuli nni. Lanpo yo yi baa n kpiagi yinba leni yi baanba n ki bandi yaa buli, yi n tie ti daadi leni a tana.

Filipi 4:4

Yin yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala.

Mi Doagidima 2:1

Ŋan diani Kilisiti n yini yaaba, yaaba n ye Efesa po yaa maleki po ki yedi o: «Yua n muubi a ŋmabileleeda o jienu ki go cuoni wula fidisantuankaani lele siiga yeni yedi yaala n tie na:

Mi Doagidima 21:3

N den gbadi u nialiciamu ke u maadi u bali kalikaanu kani ki yedi: «Diidi ki le, moala U Tienu yekaanu ye bi nisaaliba siiga. O baa ye leni ba, bi baa tie o nibuolu, wani U Tienu oba baa ye leni ba ki tie bi Tienu.