Sakari 14:4 - Gourmanchéma Bible

⁴ Laa yogunu, o baa sedi *Olifie Tiidi juali po, Ki kuu Jelusalema dogu puoli. Li juali yeni baa pudi ki yagidi, Ki tiegi puoli leni nintuali, Ki ŋa joaloanciangu siiga nni. Line bonyagili baa yaa ye ki goa puoli, line mo nintuali. Bonyagiyenli baa sani ki foagidi ki teli nijienu po, Line mo niganu po.

U TIENU MAAMA TILI 2013

⁴ Lanyogunu, o baa sedi Olivie Tiidi juali po, Ki tiegi Jerusalemi dogu puoli. Li juali yeni baa pudi ki yagidi, Ki tiegi puoli leni nintuali, Ki ŋaa joaloanciangu siiga nni. Bonyagiyenli baa yaa ye Nujienu, line mo nuganu po.

Sakari 14:4 ပူးပေါင်းရင်းမြစ်များ

2 Samueli 15:30

Dafidi den doni *Olifie Tiidi juali po. O den do ki buudi ke o yuli liibi, ki cuoni taafana. Yaaba n den yegi leni o kuli moko den libini ki do ki buudi.

Esekieli 11:23

Li Miali Diedo kpiagidi den ñani u dogu siiga ki ban jagini yaa juali n ye Jelusalema puoli po po.

Esekieli 38:20

Mi ñincianma nni jami leni tanpoli nuani, Ku muagu nni yandi Leni yaa bonfuoda n balini ki ye ki tinga po kuli, Leni yaa niba n ye mi tinfanma nni kuli Baa digibi n nintuali. A juana baa wudi Ti joatanlondi mo baa libi. U bilinu mo baa baa tiipo.

Esekieli 43:2

N den laa ke Isalele Tienu kpiagidi ñani puoli ki kpendi. O nialu den naani leni mi ñincianma gola yaa fuugu yeni, o kpiagidi mo den yendi ki tinga.

Habakuki 3:6

O yaa sedi ki tinga yen digibi, O yaa diidi i nibuoli ti jawaandi yen cuo ba ban yaa digibi. A joaciama ya n den ye hali yogu yen digibi. A joabila ya n den ye hali yogu yen ñuani. Ŋani ya n den tie wan den kpa tagi yaa sani hali yogu.

Sakari 14:10

Mi diema kuli baa tua nani Alaba tialu yeni. Ki cili nijienu po dogu Geba, Ki ban pundi hali ganu po dogu, Limoni. Jelusalema dogu baa yaa ye u kaanu, Ki ye naani n kpedi. U baa tandi, ki cili bani Benjamina buolu yaaba buliñoabu kani, Ki ban tuoni hali bu buliñoakpelibu, Ki bonlogidiga buliñoabu kani. U go baa tandi, ki cili hali Hananeeli doguuda dieli kani, Ki ban tuoni hali o bado duven bonluonkaala datuodikaanu kani.

Sakari 14:7

Laa yogunu baa ye uba yo, Li Miali Diedo bebe n bani u. Ku ñiagu leni u yensiinu kan yaa pia paadima, Kelima baa ku yenjuogu, li baa yaa yieni.

Sakari 14:8

Laa daali, Li ñinbunli baa pudi Jelusalema, Mi ñima yeni boagidima baa yaa puubi Ki ban kua yaa kpenu n ye puoli, Yaa boagidima n sieni mo, yaa ñincianma n ye nintuali. Li baa yaa tie yeni ku siagu leni li fali kuli.

Sakari 4:7

A tie ŋme, fini li joacianli Solobabeli nintuali? A baa tua tialu. O baa ñani likani yaa tanli n baa maani ki juodi n dieli tanpoli. Bi niba baa yaa kpaani ki tua: ‹Li pia ñuadima! Li pia ñuadima!› »

Marki 11:23

N waani yi i moamoani, yua n yedi li naa juali: ‹Fii ki ban lu a yuli mi ñincianma nni,› o yaa yedi yeni kaa maliti o pali nni li baa tieni bi li kan tieni, ama ki daani ke wan yedi yaala baa tieni, o baa baa lan tieni opo.