Sakari 12:1 - Gourmanchéma Bible

¹ Li Miali Diedo n yedi yaala Isalele yaaba po, Wani yua n tagi tanpoli, Ki go bili ki tinga tanpuuna, Wani yua n puni o nisaalo li miali yedi:

U TIENU MAAMA TILI 2013

¹ O Diedo n yedi yaala Isidayeli yaaba po, Wani yua n tagi tanpoli, Ki go bili ki tinga tanpuuna, Wani yua n puni o nisaalo li miali yedi:

Sakari 12:1 ပူးပေါင်းရင်းမြစ်များ

Mi cilima 1:8

U Tienu den cili mi fanma yaa yeli tanpoli. Ku yenjuogu leni ku tiŋaagu den ye, lani n den tua li dalieli.

Mi cilima 2:7

Li Miali Diedo den taa ki tinga yaa tama ki tagi o nilo. O den fuo o miani nni li miali yaa fuoma ke o ja den tua yaa miali n fo.

Jobi 26:7

O teni ke nijienu ye u damu nni, Ki teni ke ki tinga mo juani ku lengu nni.

Jobi 37:18

Naani a baa fidi nani U Tienu yeni, Ki tandi tanpoli yua n juagi nani ban duadi yaa maduubiga yeni?

Pisomi 104:2

A laa mi yenma nani li liadicianli yeni, Ki dadi ki tandi ti tawadi nani li gbandieli caba yeni.

Pisomi 134:3

Li Miali Diedo n seligi yi ki cili Siyono kani Wani yua n tagi tanpoli leni ki tinga yeni!

O Yanfuodaano 12:7

Lanyogunu o nisaalo gbanandi baa guani ti tandi nni tin ñani naani, o naano mo n guani U Tienu po, wani yua n den puni ti o.

Esayi 40:12

Ŋme n biigi o nupuogu nni mi ñima? Ki biigi leni o nubadiyaagu ki bandi tanpoli pianu n de maama? Ŋme n fidi ki taani ki tinga tama kuli ki biigi ma? Ŋme n joani a joaciama leni a joabila ki baa biigi ki bandi a kpiagu?

Esayi 40:22

Wani n tie yua n ye ki tinga gaanilindima tanpoli Ki nua bi niba nani i naaci yeni. O yen ladi ti tawadi nani yaa cabili n faali yeni, Ki dadi ki tandi tanpoli mo nani li gbandieli yeni, Ke lan tua o yekaanu.

Esayi 42:5

Li Miali Diedo U Tienu Wani yua n tagi tanpoli, ki tandi tanpoli leni li fanma Ki ladi ki tinga leni yaala n pudi kipo kuli Ki puuni yaaba n ye kipo kuli mi fuoma, Ki go puuni yaala n cuoni kipo kuli li yaa fuoma Maadi yaa maama n tie na:

Esayi 44:24

Li Miali Diedo yua n da ki faabi yi Wani yua n den tagi yi hali ke yi da ye yi naa tugu nni Yedi yaa maama n tie na: «Mini Li Miali Diedo n tieni li bonla kuli, Min bebe n dadi ki tandi ti tawadi Mini nba n tagi ki tinga.

Esayi 45:12

Mini n tieni ki tinga Ki go tagi o nisaalo ke o ye ki niinni. Min de, n nii n dadi ki tandi ti tawadi Ki gobidi tanpoli toagoli kuli.

Esayi 45:18

Li Miali Diedo Wani U Tienyendu yua n tagi ki tinga Wani n tieni ga, Waa den tagi ga, tinkuonga ka Wani yua n tagi ga ke bi niba n yaa ye ki niinni N yedi yaa maama n tie na: «Mini n tie Li Miali Diedo Toa ki ye.

Esayi 48:13

N nuu n bili ki tinga tanpuuli, N nijienu mo n dadi ki tandi tanpoli. N yaa yini tanpoli leni ki tinga Bikuli yen taani ki cua.

Esayi 51:13

Ki sundi Li Miali Diedo yua n den tagi a po, Yua n den dadi ki tandi ti tawadi, ki bili ki tinga tanpuuli, Ki baa yaa ye daali kuli yaa jawaandi n ki pia gbenma nni? Kelima yua n faligidi a pabiencianli po, Nani wan bogini ki baa bolini yaa yogunu yeni. Yua n faligidi pabienli ye le?

Esayi 57:16

N kan yaa ye leni ba li koanli yogunu kuli, N kan yaa fiindi n pali bipo yaa yogunu kuli ka Kelima min tagi yaa bonfuoda ke a pia miali fuoma a niinni kuli baa bodi.

Jeremi 10:12

O tagi ki tinga leni o paaciamu. O tagi ki tinga leni o yanfuoma. Leni o yanfuome ke o tandi ti tawadi.

Jeremi 30:10

Fini n naacemo Jakobo, Da jie liba, Li Miali Diedo n yedi yeni. Isalele, da digibi ba! Kelima diidi n baa faabi a ki tinga nni Leni a puoliŋuani n ye ti yonbidi yaa diema nni. Jakobo baa guani ki mangi o pali Mi fuodima po leni mi yanduanma po. Oba kuli kan cua ki lengi o yama.

Jeremi 30:16

Lani n teni ke yaaba n dini a, bi baa je ba A yibalinba kuli baa gedi ti yonbidi Yaaba n den su ŋa, bi baa su ba Yaaba n kpendi ki fagi a Bi baa fagi bani moko.

Jeremi 38:16

O bado Sedesiasi den niani o sawalipualo Jelemi ŋasiili nni u ñoanianu ki poli ki yedi o: «Li Miali Diedo yua n puni ti li miali yeni fo! N kan kpa ŋa. N kan teni a yaaba n bua ki ñani a miali nuu nni.»

Jeremi 50:34

Ama bi todika pia u paaciamu Wani yua n yi Li Miali Diedo U Paaciamu Kuli Daano yeni. O baa koani ki ga ba. Lani n tie u dogu n baa mi yanduanma. Ama n nan baa coagi Babilona yaaba wani.

Jeremi 51:15

O tagi ki tinga leni o paalu, Leni o yanfuoma ke o diani u tinbianu. Leni o banma yo ke o tieni ti tawadi.

Jeremi Bubula 2:14

A sawalipuaba baa apo li bonlekaala, Yaa bonlekaala n ki pia ñuadiba, kaa pia fuomaba kuli mo. Baa kadi ki waani a tagili kuli cain Ki baa ñani a ti yonbidi nni. Bi baa apo yaa bonlekaala N kaa mani, ki naa go pia fuoma mo.

Esekieli 18:4

Mini n die yua kuli miali, bibaa miali leni ki biga miali, mini n die laa mialieda kuli. Yua n tieni ti*tuonbiadi yeni, wani n baa kpe.

Sakari 9:1

Li Miali Diedo maama n tie na: O jagi ke o baa waani Hadilaki diema yaaba fala, O baa waani Damasa yaaba moko fala. Kelima o naa die Isalele buoli yaaba bebe ka, O die bi nisaaliba kuli.

Malaki 1:1

Li Miali Diedo n den teni ke Malaki soagini o maama yaama Isalele yaaba po.

Mi Coadima 16:22

Musa leni Alono den baa tiipo bi nunmu po, ki yedi: «Fini U Tienu, U Tienu yua n puuni yaala n fo kuli li miali. Naani a baa fiini a pali li nitaanli kuli po, niyendo yaa *tuonbiadi po?»

Hebilunba 12:9

Ti baanba yaaba n tie nisaaliba den tundi ti tundifala ke ti fangi ba. Lanwani li pundi tin miini ti yula ti Baa yua n ye tanpoli kani, ke tin yaa pia li miali.