Sakari 10:6 - Gourmanchéma Bible

⁶ N baa pa Juda yaaba u paalu, Ki faabi bani Isalele yaaba. N baa gbadi bipo mi niñima, Ki lebidi ki guani ba bi deni. Bi baa yaa tie npo nani mii den kpa yie ba baa yenma yeni, Kelima n tie Li Miali Diedo, bi Tienu. N baa guani bi miabu.

U TIENU MAAMA TILI 2013

⁶ N baa pa Juda yaaba u paalu, Ki faabi bani Isidayeli yaaba. N baa gbadi bi po mi ninñima, Ki lebidi ki guani ba bi deni. Bi baa yaa tie n po nani mii den kpa Yie ba ba yenma yeni, Kelima n tie o Diedo, bi Tienu. N baa gaa bi miabu.

Sakari 10:6 ပူးပေါင်းရင်းမြစ်များ

Pisomi 89:21

N den gandi Dafidi ke wan tua n naacemo Ki wuli o yuli po mi kpagagidikaama ki gandi o.

Esayi 11:12

O baa sieni mi maalima i nibuoli po. O baa taani Isalele yaaba ban yie yaaba kuli, Ki gobidi ki kpeni nni Juda yaaba Ban den yadi yadi yaaba ki tinga ñoakunnaadi nni.

Esayi 14:1

Li Miali Diedo baa gbadi mi niñima Jakobo puoliŋuani po. O go baa goa ki gandi bani Isalele yaaba. O baa goa ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakobo buolu.

Esayi 41:10

Ŋan da jie Kelima n ye leni a. Ŋan da nua leni yanbani Kelima n tie a Tienu. N baa pugidi a fidu N baa cua ki todi a N kubi a leni n nijienu yu paani li bonla kuli.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a, A baa sundi a jafandi yogunu. A kan go tia a kpepuodi yogunu fe.

Esayi 54:8

Li pabienkandikaali nni, N den buli a n nunga yogunuba po. Ama n baa gba apo mi niñima Ki go yaa pia apo yaa buama n kan gbeni. Mini Li Miali Diedo a daafaabika n yedi yeni.

Jeremi 23:6

O jama nni Juda diema baa baa mi *faabima Isalele diema baa yaa ye leni mi yanduanma. Diidi ban baa yini o maama: ‹Li Miali Diedo n tie ti *teginma.›

Jeremi 3:18

Laa dana yaa niinni, Juda diegu yaaba leni Isalele diegu yaaba Baa taani ki yegi ki ña nijienu diema po, Min puni yi baanba yaa diema man tua bi faali yeni.»

Jeremi 30:18

Li Miali Diedo maadi nanda: «N goa ki kpenni Jakobo puoliŋuani yaaba n den ye ti yonbidi N juogi a diedi yaaba. Bi baa goa ki maa u dogu a diegbenbuokpela nni. Ki maa badidiegu ku kaankpelu nni.

Jeremi 30:20

O bijaba baa goa ki tua nani kpiama yeni O niba kuli baa yaa se n nintuali N baa fii ki sedi yaaba n wangi a fala kuli po.

Jeremi 31:1

Li Miali Diedo yedi: «N baa yaa tie Isalele yaaba kuli Tienu, Bi mo n yaa tie n niba.»

Jeremi 31:20

Efilayima tie n bibuadiga Wani n tie n bigbabili. N kan fidi ki kan tiadi opo Kelima min bua o maama po. Mi niñima pia nni opo. N li bua o moamoane. Li Miali Diedo n yedi yeni.

Jeremi 31:31

Li Miali Diedo yedi: «Diidi u yogunu kpendi ke n baa kuani yaa ŋantaado n paani leni Isalele leni Juda buolu yaaba.

Esekieli 36:11

N baa teni bi niba leni ti yandi n yaa pili ki pugidi, Bi baa yaa pili ki go maa ki pugidi. N baa teni mi diema n yaa pia bi niba nani mi kpiama yeni. N baa ŋanbi yipo ki cie mi kpiama. Lanwani yi baa bandi ke n tie Li Miali Diedo.

Esekieli 36:37

Mini o Diedo, Li Miali Diedo yedi mi ne: «N baa teni Isalele yaaba n goa ki mia n todima, min go cengi ba, ki teni ban pili nani u yanpagu yeni.

Esekieli 37:16

«O ja yeni, taa ku daagu ki diani kupo yaa maama n tie ne: “Juda leni Isalele yaaba, yaaba n pugidi bipo.” Ŋan go taa datoagu ki diani kuni mo yaa po yaa maama n tie ne: “Josefi daagu leni Isalele buolu yaaba, yaaba n pugidi opo.”

Esekieli 39:25

Lanwani o Diedo, Li Miali Diedo yedi mi ne: «Moala n baa guani Jakobo buolu Ban den cuo yaaba ti yonbidi yeni, Ki gbadi Isalele buolu po mi niñima. N baa yaa pia li *nunponli n yeli yaali n gagidi ki ŋani yeni po.

Ose Tili 1:7

Ama n baa faabi Juda yaaba wani. Mini Li Miali Diedo, bi Tienu n baa faabi ba. N kan faabi leni a dabana, bi leni mu jugisiemu, bi leni bu toabu, bi leni i taami, bi leni bi tanjagiba ka ba.»

Ose Tili 14:9

Bani Efilayima buolu yaaba kaa go pia *ŋantaadoba kuli leni i buli. U Tienu baa pa ba ban mia yaala, ki go yaa kubi ba. N baa yaa tie bipo nani sipilesi tibu, Yaabu n bundi yogunu kuli yeni. Bi baa yaa baadi bi kpaandi n yaa kane.»

Ose Tili 2:23

«Laa yogunu, n baa tua yaa Tienu n guandi bu miabu N baa pa tanpoli wan bua yaala, Tanpoli mo n pa ki tinga kan bua yaala.

Abidiasi 1:18

N niba Jakobo puoliŋuani baa tie nani mi fantama yeni, Josefi puoliŋuani mo baa tie nani mi fantanlanma yeni. Ama Esayu puoliŋuani baa tua nani mi fenma yeni. Bi baa bolini Esayu puoliŋuani nani mi fantama N yen buoni mi fenma maama yeni. Oba kuli kan cia Esayu puoliŋuani siiga. Mini Li Miali Diedo n yedi yeni.»

Mise 4:13

Siyono yaaba, fii mani ki ŋma yi yibalinba Nani yaa ne n cuoni u jalu nni ki ŋmaadi i di yeni. N baa teni yi yina n tua kuboandi. Yi taawoga mo n tua kumoandi. Yi baa ŋma ki midi yaa nilanbuoli n yaba, Ki gagidi bi piama mini ki tinga kuli Diedo po.

Mise 4:6

Li Miali Diedo yedi: «Laa daali n baa goa ki taani n pe, yaaba n poagili, N baa goa ki taani ban den deli ki yadi yaaba, Min den faligi bani yaaba yeni.

Mise 5:3

O yaa cua o baa yaa kpaa ba, Leni Li Miali Diedo paalu, O baa gobidi leni wani Li Miali Diedo o Tienu kpiagidi. O niba jigi baa co Kelima yaaba n ye hali ŋanduna banlu kuli Baa kpiagidi wani bi bado.

Mise 5:8

Isalele yaaba, pua mani yi yibalinba, Ki bolini bani yi nanda kuli.

Mise 7:16

I nilanbuoli yaaba baa ti le lankuli i fe n cuo ba, Baa leni ban pia yaa paalu kuli. Bi baa pii bi ñoana, Bi tuba mo baa womi.

Sakari 1:16

Li tie lani yaa po ke Li Miali Diedo, U Paaciamu Kuli Daano yedi yaa maama n tie na: ‹N go baa lebidi ki cua Jelusalema leni mi niñingbadima. N diegu go baa goa ki maa, u dogu moko go baa goa ki maa.› »

Sakari 10:12

N baa pa n niba u fidu, Bi baa yaa kpiagidi nni, Ki tuodi ki tiendi min yedi yaala. Li Miali Diedo n yedi lani.»

Sakari 13:9

N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Sakari 8:11

Ama moala, n kan go soani n niba yaaba n ciadi yeni laa bonla, Nani min den tiendi ba maama hali yogu. Mini, Li Miali Diedo, U Paaciamu Kuli Daano n yedi yeni.

Sakari 9:16

Laa yogunu, Li Miali Diedo baa faabi ba Nani o yankpaalo n baa faabi o yankulu maama. Bi baa ñuliti bi diema nni, Nani yaa tana n pia mayuli ki yen taabi mu badifogilimu po yeni.