Sakari 10:2 - Gourmanchéma Bible

² Diidi mani i *buli n guandi yi yaala kuli tie faama, A baabuula n doagidi yaala kuli tie faama, Yaaba n bundi ti dangidi maadi mafanma, Ki baagidi yi fanma fanma. Lani n cedi ke bi niba puagi ki lindi Ki laadi fala nani yaa yankulu n ki pia kpaalo yeni.

U TIENU MAAMA TILI 2013

² Diidi mani i buli n guandi yi Yaala kuli tie faama, A baabuula n doagidi yaala kuli Tie faama, Yaaba n bundi ti dangidi maadi mafanma, Ki baagidi yi fanma fanma. Lani n cedi ke bi niba puagi ki lindi Ki laadi fala nani yaa yankulu N ki pia kpaalo yeni.

Sakari 10:2 ပူးပေါင်းရင်းမြစ်များ

Mi cilima 31:19

Labana n den ye u dogu po ki moagidi o pe kobidi Lasela den suni o baa yaa baayuatiadi.

1 Bi Badiba 22:17

Mise den goa ki yedi o: «N laa ke Isalele yaaba kuli yayadi a juana nni Nani yaa pe n ki pia yankpaalo yeni. Li Miali Diedo mo yedi: ‹Bi niba ne ki go pia danba. Yua kuli mo n guani o denpo leni mi yanduanma.› »

Jobi 13:4

Yinba wani, se faami leni mi yama. Yi tie yaa logitola n ki pia mayuli.

Jobi 21:34

Be yaa po yo ke yi baagidi nni yaa baagi n ki pia fuoma? Yi maguankaama kuli tie boandi bebe.»

Esayi 41:29

Diidi bikuli tie fanma bebe Bi tuona mo kuli tie fanma bebe, Bi buli kuli tie fanma leni yaala n ki ye.»

Esayi 44:25

N biandi tuofaasinankeene fanma Ki jiendi a baayuadiida. N teni ke a banda suligi ki goa puoli Ki lebidi bi bandima ke mi tua yanpiima.

Esayi 44:9

Yaaba n tagi i *buli kuli tie fanma, Ban ŋanbi yaala ke li ŋani ki cie mo kan todi pu kuli. Bi tie i buli yeni siedinba, Baa pia nuni Baa pia yama mo Bi moko fiagi n yeni.

Esayi 46:5

Yi boagindi nni leni ŋme Ke mini leni wani n yaa de? Yi baa nandi nni leni ŋme Ke mini leni wani n fidi ki yaa naani?

Jeremi 10:8

Bikuli taani ki tie yanpiidanba leni yanluodanba. Yaala n doagidi ke baa pia fuoma n tie bu tibu yeni.

Jeremi 14:13

N den goa ki yedi: «Ŋain Li Miali Diedo, diidi bi sawalipuaba tua ba Ke bi kan le toabu, Koma mo kan cuo ba. Ama nekanba yo ke n baa pa ba mi yanduanmoanma.»

Jeremi 14:22

Naani i nibuoli buyuodi siiga pia yaa bulo n baa fidi ki teni ki taaga n mii? Ti tawadi yaadi n kpendinni ki taaga ye le? Naani laa tie fini Li Miali Diedo ti Tienu kaa? Ti dugi apo, kelima fini n tiendi laa bonla kuli.

Jeremi 23:17

Bi ñigini ki yedi yaaba n fali nni: ‹Yi baa baa mi yanduanma!› Ki go yedi yaaba n ŋua bi pajuaga mo: ‹Yebiadima kan nandi yi!›

Jeremi 23:32

N nani yaa sawalipuaba n pua sawali leni yaa dangidi n tie faama. Yaaba n togidi bi dangidi Ki tulini n niba leni bi boandi leni bi yuboanli po. Mii soani ba, mii puogi ba liba. Baa pia fuomaba kuli bi naa niba po. Mini Li Miali Diedo n yedi yeni.»

Jeremi 27:10

Kelima bi pua yi sawali-faama ki bua yin foagidi leni mi diema ke min ña yi maama nni yin kpe.›

Jeremi 27:14

Yin da cengi yaa sawalipuaba n tua yi: ‹Yin da soani Babilona bado po!› Kelima ban pua yi yaa sawalo yeni tie faama.

Jeremi 27:9

Yinba, da cengi mani yi sawalipuaba, bi yi lingida, yi dangidi, yi baayuadiida, yi ñoagidanba, bani yaaba kuli n tua yi: ‹Yin da soani Babilona bado po!

Jeremi 28:15

O sawalipualo Jelemi den yedi o sawalipualo Anania: «Cengi Anania! Li Miali Diedo naa soani a, ke a nan pia bi naa niba ki boandi ki puuni ba ti dugidi.

Jeremi 29:8

Li Miali Diedo U Paaciamu Kuli Daano, Isalele Tienu yedi mine: «Yin da teni yi sawalipuaba yaaba n kaa yi siiga n boandi yi. Yin da teni yi baayuadiida moko n boandi yi. Yin da tama ke yi dangidi bua ki bundi liba kuli!

Jeremi 37:19

Yi sawalipuaba yaaba n den pua sawali ki tua: ‹Babilona bado kan cua ki baa yi, o kan cua ki baa mi diema yeni ye le?›

Jeremi 50:17

Isalele tie nani i yangbanli n deli yaa pia ke o bodi yeni. Asili bado n kpa dini o. Nebukanesa Babilona bado mo n mudi o kpaba ki juodi.

Jeremi 51:23

N teni ke a nugi o yankpaalo leni o yankulu. N teni ke a nugi o kpakpaalo leni wan ko leni yaa yandi. N teni ke a nugi gufeneelinba leni bi bujiaba.

Jeremi 6:14

Bi buu n niba poagilima leni u yualu Bi kpaagi ki tua: «Mi yanduanma ye, mi yanduanma ye,» Ke yanduanma naa ye.

Jeremi 8:11

Bi buu n niba poagilima leni u yualu. Bi kpaagi ki tua: «Mi yanduanma ye, mi yanduanma ye,» Ke yanduanma naa ye.

Jeremi Bubula 2:14

A sawalipuaba baa apo li bonlekaala, Yaa bonlekaala n ki pia ñuadiba, kaa pia fuomaba kuli mo. Baa kadi ki waani a tagili kuli cain Ki baa ñani a ti yonbidi nni. Bi baa apo yaa bonlekaala N kaa mani, ki naa go pia fuoma mo.

Esekieli 21:21

Ki jugisiemanga yeni Pedi jienu po Ki guani ki pedi ganu po.

Esekieli 21:29

Li tie lani yaa po, ke mini o Diedo, Li Miali Diedo yedi mine: Kelima yi tiadi yi biadima yaa tiadima, leni yi yiema n den doagidi maama leni yi *tuonbiadi mo n den doagidi yi bontienkaala nni kuli maama. Lanwani nani yin goa ki tiadi lipo maama po, yi baa baa yibalinba nuu nni.

Esekieli 34:5

Lanwani bi den yadi yadi kelima baa pia yankpaalo po, ki tua ti fuayandi kuli mo yaa jiema.

Esekieli 34:8

Mini o Diedo, Li Miali Diedo yua n fo, n coagi leni ban fagi n yandi maama po. Bi tua ti fuayandi bonjekaala kelima baa pia yankpaalo po. N yankpaaba ki go den faami n yandi po, ama bi den li nua bi yucela bebe, ki naa kpaa n yandi.

Ose Tili 3:4

Yeni, Isalele yaaba baa waagi kaa pia bado, kaa pia yudanba, kaa pia pada, kaa pia butana, kaa pia bulo, kaa pia *telafimi.

Mise 2:12

Jakobo puoliŋuani, n go baa ti taani yikuli. N baa taani yinba Isalele yaaba, yaaba n sieni kuli. N baa taani yikuli nekanba nani yanloyenli yaa pe yeni, Nani yaa yangoli n taani yankpaakaanyendu kani yeni. Laa yogunu yaa niligu yaa pali n mani fuugu baa tieni boncianla.

Habakuki 2:18

Ki tagi o *bulo, pia be yaa fuome? Li li tie o nisaalo n tagi yaa bonyuodi leni ti kudi bebe. Laa bangi nilo bontoala kuli se faama bebe. O bulo pia be yaa fuome yua tagi opo, Ke o baa dugi opo, Wani yua kan fidi baa ki maadi yeni?

Sakari 11:17

Fala n baa ku yankpaayuogu, Yaagu n ŋa i pe. Bu toabu n bolini o nuu paalu, Leni o nuni gbanmanu, Ke o nuu n faani, O jiennunbu mo n juani!

Mi Coadima 27:17

ki tuni o bi yuli, yua n baa yen ñani ba ki go kuani ba ke Li Miali Diedo niba n da tie nani yaa pe n ki pia yankpaalo yeni.»

Matie 9:36

Wan den diidi ku niligu, mi niñima den cuo o bipo kelima bi den coagi, bi yama mo den yagi nani yaa pe n kaa pia yankpaalo yeni.

Marki 6:34

Jesu n den ñani ku ñinbiagu nni, o den laa ke bi niba ladi ki ban caa. Mi niñima den cuo o bipo, kelima bi den tie nani yaa pe n ki pia yankpaalo yeni. Lanyogunu o den cili ki bangi ba yaa bonla n yaba.

Mi Tiadima 13:2

Li yaa tie ke yi siiga ti baa sawalipualo bi baabuuloba, yua n wangi yi sinankeeninba bi bonludikaaliba,

Bi Bujiaba 18:14

Bi jamuudiba yaaba n den ban goandi Layisi diema yeni den yedi bi lieba: «Naani yi bani ke o *bulo leni telafiminba leni nannankpiedikaali leni nannanduadikaali ye a diena ne siiga dieyenli nni? Yin jagi mani yin baa tieni yaala.»