Sakari 10:10 - Gourmanchéma Bible

¹⁰ N baa ñani ba Ejipiti leni Asili diema, Ki goa ki kpenni n ba bi deni. N baa kaani ba Galaadi leni Libani diema nni, Ama baa yeni, mi fanma kan dagidi ba.

U TIENU MAAMA TILI 2013

¹⁰ N baa ñani ba Ejipiti leni Asiiri diema nni, Ki guani ki kpenni n ba bi deni. N baa kaani ba Galaadi leni Liban diema nni, Ama ba yeni, mi fanma kan dagidi ba.

Sakari 10:10 ပူးပေါင်းရင်းမြစ်များ

Esayi 60:22

Bi siiga yua n wa ki cie baa tua niba tudili Yua n tadi ki cie mo n tua yaa nibuolu n pia u paalu. Mini Li Miali Diedo n baa teni laa bonla kuli n jaligi ki cua li yogunu yaa pundi.

Jeremi 22:6

Diidi Li Miali Diedo maadi yaa maama n tie na, Juda bado diegu po: «A tie npo nani Galaadi yene Bi nani Libani juana tanpojoma yeni. Ama baa leni lankuli n poli apo Ke n baa teni ŋan tua fanpienma, Yaa dogu n ki pia nilo.

Jeremi 50:19

N baa teni Isalele n lebidi ki guani o yanloli nni. O baa yaa pia u yankpaakaanu Kalimeli leni Basana po. O baa je ki guo Efilayima leni Galaadi juana po.»

Ose Tili 11:10

Bi baa ŋoadi Li Miali Diedo Yua n baa duni nani o yangbanlo yeni. O baa duni ki yini o bila, Bi baa ña hali mi ñincianma liiga, Ki jaligi ki sani ki cua.

Ose Tili 11:11

Bine mo baa ña Ejipiti po, Ki jaligi ki cua nani mu nuanmu yeni, Bine mo n ña Asili po nani mu kpaajiemu yeni. N baa teni bikuli n goa ki kali bi diedi nni. Mini Li Miali Diedo n yedi.»

Abidiasi 1:20

Bi nilanba n den cuo yaaba ti yonbidi Isalele yaaba siiga, Baa diedi Kanana yaaba diema ki pundi hali Salepita dogu. Ban den cuo yaaba Jelusalema ki gedini ti yonbidi Sefanadi dogu nni, Bani mo baa diedi ganu po yaa dogi.

Mise 7:14

U Tienu, taa a yankpaagbiamu ki yaa kpaa a niba, Bani yaa nigoli n tie a piama yeni, Bani, yaaba n ye bi bebe Kalimeli fuasieli Ki pia yaa tisoangidi n yaba leni yaa yankpaakaani n yaba. Ŋan go yaa kpaa ba nani ŋan den kpa kpaa ba maama Yaa yankpaakaani n ŋani boncianla ki ye Basana leni Galaadi diema nni yeni.

Sakari 8:7

N baa faabi n niba yaaba n ye ti yonbidi nni Puoli diema leni nintuali diema nni.

Sakari 8:8

N baa ñani ba lipo ke ban kpeni ki kali Jelusalema. Bi baa yaa tie n niba, N mo baa yaa tie bi Tienu, N baa yaa die ba, Ki gobidi ba leni i moamoani leni mi *teginma.»