Sakari 1:3 - Gourmanchéma Bible

³ Ama, moala, yin lebidi ki guani mani n kani, n moko baa guani yikani.

U TIENU MAAMA TILI 2013

³ Ama moala, ŋan yedi ba daa: ‹Yin lebidi ki guani mani n kani, nmoko baa guani yi kani.› Mini Li Miali Diedo U Paaciamu Kuli Daano n yedi yeni!

Sakari 1:3 ပူးပေါင်းရင်းမြစ်များ

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa leni yinba Juda buolu yaaba leni Benjamina buolu yaaba kuli! Li Miali Diedo ye leni yi li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋa o, o moko baa ŋa yi.

2 Bi Badiba Jama 15:4

Ama bi pabiidicianli yaa niinni, bi den lebidi bi yama ki guani Li Miali Diedo Isalele yaaba Tienu kani. Bi den lingi o, omo den cedi ke bi laa o.

Nehemi 9:28

Ban den baa mi *faabima, Bi den goa ki cili ki tiendi yaala n bia a nintuali. Lanwani a go den teni ke bi yibalinba paadi ba. Ama bi didi go den mua ki mia ŋa Ke amo go den gbadi bi nialu hali tanpoli po. A niñingbadicianma po, a den faabi ba ke maa wa.

Jobi 22:23

A yaa guani U Paaciamu Kuli Daano kani, A yema baa goa ki mangi, Lani, ŋan teni ti *tuonbiadi n foagidi leni a diegu.

Esayi 31:6

Yinba Isalele yaaba, lebidi ki guani mani Yin den buli yua ki nunga kani.

Esayi 44:22

N bolini yi tagili nani ku tawaligu yeni Ki bolini yi *tuonbiadi mo nani ku gbangbadigu yeni. Goa ki cua mani n kani Kelima n den da ki faabi yi.

Jeremi 12:15

Ama n yaa ŋabi ba yaa yogunu Se mi niñima n goa ki cuo nni bikuli yendo yendo po, Min goa ki guani ba yua kuli o tinga nni, Yua kuli o diema nni.

Jeremi 25:5

Bi tua: ‹Yua kuli n ŋa o sangolimu ki cedi yi bontienkaala yaala n bia yeni. Lani n tie yin yaa ka yaa yogu n tu yaa yogu Li Miali Diedo n puni yinba leni yi yaajanba yaa diema nni.

Jeremi 3:1

Guani mani npo: O ja yaa ñani o pua Ke o ñani o kani ki ban kuni jatoa. Naani laa ja go baa guani o pokpelo yeni kani? Naani laa diema kan *joagini cain, bi mani kaa? A mo conbi leni a jaconcona boncianla Moala wani, a di bua ki guani n kani. Mini Li Miali Diedo n yedi yeni.

Jeremi 3:22

Guani mani n kani, yinba yaaba n kan sedi kaanyendu yeni. N baa paagi yi leni yi yanlengidima Bi yedi: «Diidi ti kpendi a yaa kane, Fini n tie Li Miali Diedo ti Tienu.»

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 4:1

Isalele, mini Li Miali Diedo n yedi a, A yaa guani, a yaa guani n kani, A yaa ñani a cagindi kuli n nintuali, A yaa cedi ti puagidi,

Esekieli 18:19

Yi tua: ‹Be yaa po ke ki biga kan tugi o baa tagili tugili?› Li tie kelima ki biga yeni den tiendi yaala n dagidi ki go tiege, ki kubi ki go tiendi n mabilikaama kuli. Moamoani o baa yaa ye.

Esekieli 18:31

Yin foagidi mani leni yin den tiendi yaa biadima. Baa mani papanli leni yantiapanli. Be yaa po ke yinba Isalele yaaba, yi baa kpe?

Esekieli 18:32

Kelima mini o Diedo, Li Miali Diedo yedi ke mii bua niloba kuli kuuma. Lebidi ki guani mani ki yaa ye!› »

Esekieli 33:11

Yedi ba daa, ke o Diedo, Li Miali Diedo yua n fo yedi line: ‹Mii bua nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi yama ki ŋa i tagibiadi. Be yaa po ke yinba Isalele yaaba yi baa kpe?

Ose Tili 14:1

U Tienu baa waani Samali yaaba fala, Kelima bi yie o. Bi yibalinba baa kpa ba leni mu jugisiemu. Bi baa ŋma ki midi bi biwaala, Ki lidi bi tugipunba mo.

Ose Tili 14:4

Asili diema yaaba kan fidi ki faabi ti. Ti kan go jagini taami mo ki bua ki sani ki cia. Ti kan go yedi ke ti nii n taagi yaala tie ti Tienu, Kelima a kpienbila baadi a yaa kane mi niñingbadima.› »

Ose Tili 6:1

Lanwani, yi tua: «Cua mani tin lebidi ki goa ki ŋoadi Li Miali Diedo, Kelima o den dadi ki toatoadi ti, ama o baa buu ti, O den poagili ti, ama o baa fini tipo ti nala.

Joeli 2:12

Moala Li Miali Diedo go yedi: ‹Lebidi mani ki cua n kani leni yi pala kuli. Loli mani bu ñoabu, buudi mani ki mia nni sugili.

Malaki 3:7

Hali yi yaajanba yogunu, Yi yaadi ki ŋa n ñoabona, Kaa tiendi ŋan bili yaala. Lebidi mani ki guani n kani! Nmo baa lebidi ki guani yi kani. Li Miali Diedo, U Paaciamu Kuli Daano n yedi yeni. Ama yi tua: ‹Ti ŋa a lede yo, Ki baa lebidi ki guani a kani?›