Sakari 1:11 - Gourmanchéma Bible

¹¹ Bi den maadi leni Li Miali Diedo Maleki yua n se militi tiidi siiga yeni ki yedi: «Ti goandi mi tinfanma ki sua ke mi yanduanma bebe n ye lienni.»

U TIENU MAAMA TILI 2013

¹¹ Bi den maadi leni o Diedo Maleki yua n se mirti tiidi siiga yeni, ki yedi: «Ti goandi mi tinfanma ki sua ke mi yanduanma bebe n ye lienni.»

Sakari 1:11 ပူးပေါင်းရင်းမြစ်များ

Jobi 1:7

Li Miali Diedo den buali Sutaani: «A ñani le yo?» Sutaani den goa ki yedi Li Miali Diedo: «N da li goadi n goada yo, ki gangi ki lindi ki tinga nni.»

Pisomi 68:17

Be yaa po, ke yaa juali yaa yula n yaba yeni Baa poni leni U Tienu n gandi yaa juali Ki baa yaa ye li kani? Baa yeni, Li Miali Diedo baa teni Lin yaa tie o yekaanu hali yaa yogunu kuli.

Esayi 14:7

Mi diema kuli ye leni mi yanduanma leni laafia. Bi yiini i pamandanyani.

Danieli 10:20

Lani o den yedi nni: «A bani yaala yaa po ke n cua a kani bi? N cua ki baa waani a yaala n diani i moamoani tili nni. Ama n baa goa ki gedi ki ban tuogi leni yaa maleki n tie Pelisa diema yudaano. Lani yaa puoli yaa maleki n tie Gileka diema yudaano baa cua ki tuogi leni nni. Oba kuli ki todi nni ke n togidi leni ba bu toabu, li yaa tie yaa maleki n tie yinba Isalele yaaba yudaano Miseli yaaka.

Sakari 1:10

Wani yua n den se militi siiga den pugini ki yedi: «Bi tie Li Miali Diedo n soani yaaba ban goandi mi tinfanma.»

Sakari 1:15

Ama n pali be boncianla yaa nilanbuoli n jigini bi yula po, kelima n pali n da den be Isalele yaaba po waamu waamu yaa yogunu, i nilanbuoli yeni den taani ki cuani bi tingbali.

Sakari 1:8

Laa ñiagu n den laa li bonlekaala. N den laa o tanjagilo ke o jagi tanmoano ki se joaloangu nni, militi tiidi yaa siiga. Tantoe den se o puoli po, ke bine moani, bine mo moani ki bua ki yaa boani, bine mo pieni.

Sakari 6:7

I tanmoani mo den ñani ki mia ke bi bua ki gedi ki ban goandi ki tinga. Maleki den yedi ba: «Gedi mani ki ban goandi ki tinga.» Bi den gedi ki ban goandi ki tinga.

Matie 13:41

O Ja Bijua baa soani o malekinba ban taani ki ñani o diema nni yaaba n tulini bi niba kuli leni yaaba n tiendi mi biadima kuli,

Matie 13:49

Ŋanduna juodima li baa tua yeni. Malekinba baa cua ki paadi bi nibiadiba ki ñani ba bi niteginkaaba siiga,

Matie 25:31

O *Ja Bijua yaa cua o kpiagidi nni yaa yogunu, ki yegi leni o malekinba kuli, o baa kali o bali kalikaanu yu n pia ti kpiagidi po.

1 Tesaloniki 5:3

Yaa yogunu ke bi niba baa tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.

2 Tesaloniki 1:7

ki taani ki pa tinba leni yinba yaaba n laadi fala mi fuodima o Diedo Jesu yaa ñani tanpoli po leni o malekinba yaaba n pia u paaciamu, ki doagidi o yuli yaa daali.

Mi Doagidima 1:1

Line n tie Jesu Kilisiti doagidima, U Tienu n den teni o yaama, ke wan waani o naacenba yaa bonla n baa ti tieni tiladi ke li kan go waagi. Wani Jesu n den soani o maleki o naacemo Jan kani, ki teni ke o bandi mi doagidima yeni.