Nehemi 9:6 - Gourmanchéma Bible

⁶ Fini bebe n tie Li Miali Diedo yua n tagi tanpoli Leni tanpoli yaa tanpoli leni tanpoli toagola, Leni ki tinga leni yaala n ye ki niinni kuli, Mi ñincianma leni yaala n ye mi niinni kuli. A puuni laa bonla kuli li miali. Tanpoli toagola mo labindi a nintuali.

U TIENU MAAMA TILI 2013

⁶ Fini bebe n tie o Diedo yua n tagi tanpoli Leni tanpoli yaa tanpoli, tanpoli toagola, Ki tinga leni yaala n ye ki niinni kuli, Mi ñincianma leni yaala n ye mi niinni kuli. A puuni laa bonla kuli li miali. Tanpoli toagola mo labindi a nintuali.

Nehemi 9:6 ပူးပေါင်းရင်းမြစ်များ

Mi cilima 1:1

Hali mi cilima, U Tienu den tagi tanpoli leni ki tinga.

Mi cilima 1:9

U Tienu den yedi: «Yaa ñima n ye tanpoli yaa tiipo n taani kaanyendu ke ki tinkuonga n yaa ye.» Li den tua yeni.

Mi cilima 2:1

Lanwani tanpoli leni ki tinga leni yaala n ye lienni kuli den tagi ki gbeni.

Mi cilima 32:2

Jakobo go den fii ki taa u sanu ke U Tienu malekinba den tuogi o.

1 Bi Badiba 22:19

Mise go den yedi: «Go cengi Li Miali Diedo maama. N den laa Li Miali Diedo ke o kaa o bali kalikaanu po, ke tanpoli gola kuli se o ganu leni o jienu kuli.

1 Bi Badiba 8:27

Ama daa, naani U Tienu baa fidi ki yaa ye ki tinga nni moamoani bi? Diidi baa tanpoli leni o yabinu kuli ki dagidi opo, ki ban buali min maa apo yaa diegu ne.

2 Bi Badiba 19:15

O den jaandi ki yedi: «Li Miali Diedo Isalele yaaba Tienu, fini yua n kaa a bali kalikaanu po *selubanba siiga, fini bebe n tie U Tienu ki die ŋanduna diema kuli. Fini n tagi tanpoli leni ki tinga kuli.

2 Bi Badiba 19:19

Lanwani Li Miali Diedo ti Tienu, ŋan ga ti Senakeliba nuu nni, ke ŋanduna diema kuli n bandi ke fini Li Miali Diedo bebe n tie U Tienu.»

Nehemi 9:5

Lane Lefi buolu yaaba Josue, Kadimieli, Bani, Hasabinia, Selebia, Hodija, Sebania leni Petaya den yedi: «Fii mani, Pagi mani Li Miali Diedo yi Tienu yaa yogu n tu yaa yogu.» Ti Diedo, nilo kuli n pagi a yeli yaali n pia ti kpiagidi, Yaali n cie seli leni pagidi kuli.

Pisomi 102:25

N den yedi: «N Tienu da ñani n miali n panma siiga, Fini yua yaa bina n ki pia gbenma.»

Pisomi 103:21

Pagi mani Li Miali Diedo yinba o toagola, Yinba yaaba n tuuni opo ki tiendi o yanbuama.

Pisomi 115:15

Li Miali Diedo yua n tagi tanpoli Leni ki tinga, n seligi yi.

Pisomi 124:8

Ti *faabima kuli ña Li Miali Diedo yaa kane. Wani yua n tagi tanpoli leni ki tinga.

Pisomi 146:6

Li Miali Diedo n tagi tanpoli leni ki tinga, Mi ñincianma leni yaala n ye mi niinni kuli. O kubi i moamoani yaa yogunu kuli po.

Pisomi 24:10

Ŋme n tie laa kpiagidi bado? Li Miali Diedo de, wani U Paaciamu Kuli Daano, Wani n tie ti kpiagidi bado! Joma

Pisomi 33:6

Li Miali Diedo maama n tagi tanpoli. O li maadi bebe yo ke a ŋmabila moko tieni.

Pisomi 36:6

Li Miali Diedo, a *ŋanbili pundi hali tanpoli. A dugidi mo pundi ti tawadi nni.

Pisomi 86:10

Fini, a yaba ki go tiendi mi bancianma. Fini bebe n tie U Tienu.

Esayi 37:16

«Li Miali Diedo U Paaciamu Kuli Daano, Isalele Tienu yua n kaa ti gbandi po *selubanba siiga, fini bebe n tie U Tienu ki tinga diema kuli po. Fini n tagi tanpoli leni ki tinga.

Esayi 37:20

Moala Li Miali Diedo ti Tienu faabi ti Senakeliba nuu nni, lani n tie i nibuoli kuli n bandi ke fini bebe n tie Li Miali Diedo.»

Esayi 43:10

Li Miali Diedo yedi: «Yinba n tie n siedinba, Yinba leni n naacemo min gandi yua Ke yin bandi o, Ki yaa dugi npo Ki bandi ke li tie mini Tienuba ki den kpa ye ki ŋa nni, Ke n puoli po mo, Toa kan tieni hali abada.

Esayi 44:6

Li Miali Diedo Isalele yaaba bado Wani Li Miali Diedo U Paaciamu Kuli Daano Yua n da ki faabi ba Yedi yaa maama n tie na: «N tie o kpialo leni o juodika Mini yaaka, Tientoa ki ye.

Esayi 44:8

Da jie mani, da digibi mani Mii den teni ke yi gbadi ke n go waani yi la hali yogu ka te? Yi tie n siedinba: Naani Tientoa go ye ke laa tie mini? Tanciantoagu kuli ki ye min bani yaagu yaa po.»

Esayi 45:12

Mini n tieni ki tinga Ki go tagi o nisaalo ke o ye ki niinni. Min de, n nii n dadi ki tandi ti tawadi Ki gobidi tanpoli toagoli kuli.

Jeremi 32:17

«Fini Li Miali Diedo, a tagi tanpoli leni ki tinga ki doagidi a paaciamu leni a banma. Liba kuli ki pa apo.

Esekieli 20:11

N den teni ba n ñoabona leni n *bali maama, o nilo n baa kubi yaala ki fidi ki yaa ye.

Jonasi 1:9

O den goa ki yedi ba: «N tie Ebilu buolu. N fangi Li Miali Diedo, wani U Tienu yua n die mi ñincianma, yua n tagi tanpoli leni ki tinga kuli.»

Jan n diani U Tienu Laabaaliŋamo maama 10:30

Mini leni Baa tie yendo.»

Jesu Tondiba Tuona 4:24

Ban den gbadi lani, bi den taani yanyenma ki jaandi ki mia U Tienu ki yedi: «Ti Diedo, fini n den tagi tanpoli, ki tinga, mi ñincianma leni yaala n ye mi niinni kuli.

Mi Tiadima 10:14

Diidi mani tanpoli leni tanpoli yaa tanpoli, ki tinga leni yaala n ye ki niinni kuli tie Li Miali Diedo yi Tienu yaale.

Mi Tiadima 32:39

Lanwani moala, diidi mani ki bandi ke mini bebe n tie U Tienu. Mini yaaka mo toa ki ye. Mini n puuni li miali, mini n go kpaani, Mini n poagiliti, mini n go buu, Niloba mo kan fidi ki lobidi la n nuu nni.

Mi Tiadima 6:4

Cengi mani, yinba Isalele yaaba! Li Miali Diedo ti Tienu, Li Miali Diedo yeni tie YENDO.

Hebilunba 1:3

Wani Bijua yeni n yadi U Tienu kpiagidi yendima. U Tienu n tie maama, o Bijua moko tie yeni cain. O go kubi mi tagima kuli ke mi ye kelima o maama paaciamu po. Wan den soani ti *tuonbiadi ŋuudi-ñanma tuonli ki dudi, o den kali hali tanpojoma, U Tienu yua n pia ti kpiagidi jienu po.

Hebilunba 1:6

Ama U Tienu n soani o Bijakpiaga ŋanduna nni yaa yogunu o go yedi: «O malekinba kuli n kpiagi o.»

Mi Doagidima 14:7

O den kpaani leni u nialu ki tua: «Yin fangi mani U Tienu ki kpiagi o kelima o bujiali yogunu pundi. Yin gbaani ki kpiagi wani yua n den tagi tanpoli, ki tinga, mi ñincianma leni a ñinbuna kuli.»

Mi Doagidima 4:11

«Ti Diedo, ti Tienu, A pundi ki yaa baadi ti kpiagidi Leni ti jigidi leni u paaciamu, Kelima fini n tagi li bonla kuli, A yanbuama po mo ke likuli tagi, Ki go baa ye.»