Nehemi 9:5 - Gourmanchéma Bible

⁵ Lane Lefi buolu yaaba Josue, Kadimieli, Bani, Hasabinia, Selebia, Hodija, Sebania leni Petaya den yedi: «Fii mani, Pagi mani Li Miali Diedo yi Tienu yaa yogu n tu yaa yogu.» Ti Diedo, nilo kuli n pagi a yeli yaali n pia ti kpiagidi, Yaali n cie seli leni pagidi kuli.

U TIENU MAAMA TILI 2013

⁵ Lane Levi buolu yaaba Josue, Kadimieli, Bani, Hasabinia, Selebia, Hodiya, Sebania leni Petaya den yedi: «Fii mani! Pagi mani o Diedo yi Tienu yaa yogu n tuu yaa yogu.» Ti Diedo, nilo kuli n pagi a yeli yaali n pia ti kpiagidi, Yaali n cie seli leni pagidi kuli.

Nehemi 9:5 ပူးပေါင်းရင်းမြစ်များ

1 Bi Badiba 8:14

O bado den jigidi ki nuali Isalele yaaba nitaanli kuli ke bikuli se, ki gaali ba.

1 Bi Badiba 8:15

O den yedi: «N tuondi Li Miali Diedo, Isalele yaaba Tienu, wani yua n den maadi leni n baa Dafidi, ki go tieni leni o paaciamu wan den niani o yaala ki yedi:

1 Bi Badiba 8:22

Lanwani Salomono den sedi Li Miali Diedo *padibinbinli kani Isalele yaaba nitaanli kuli nintuali, ki yugidi o nii tanpoli ki yedi:

1 Bi Badiba 8:27

Ama daa, naani U Tienu baa fidi ki yaa ye ki tinga nni moamoani bi? Diidi baa tanpoli leni o yabinu kuli ki dagidi opo, ki ban buali min maa apo yaa diegu ne.

1 Bi Badiba Jama 16:36

Tin pagi Li Miali Diedo Isalele yaaba Tienu yaa yogu n tu yaa yogu! Lanwani ku niligu kuli den yedi: «Amina!» Ki pagi Li Miali Diedo!

1 Bi Badiba Jama 29:11

Fini Li Miali Diedo n die u yabinu, u paaciamu, ti kpiagidi, u yogunu leni ti jigidi. Kelima Li Miali Diedo fini n die yaala n ye tanpoli leni ki tinga po kuli, leni li bali, fini yua n kpedi ki cie li bonla kuli.

1 Bi Badiba Jama 29:13

Moala ti Tienu ti kpiagidi a ki go pagi a yeli kpiagidi.

1 Bi Badiba Jama 29:20

Lani yaa puoli Dafidi den yedi li nitaanli kuli: «Pagi mani Li Miali Diedo yi Tienu.» Lane li nitaanli yaaba kuli den pagi Li Miali Diedo bi baanba Tienu. Bi den ñuani ki gbaani Li Miali Diedo nintuali leni o bado nintuali.

2 Bi Badiba Jama 20:13

Juda yaaba kuli, bi biwaala, bi puoba, leni bi bijaba kuli den se Li Miali Diedo nintuali.

2 Bi Badiba Jama 20:19

Lefi yaaba, yaaba n den tie Kole buolu siiga yaaba, leni Kehati buolu siiga yaaba, den fii ki yini ki kpiagi Li Miali Diedo Isalele yaaba Tienu.

Esidirasi 3:11

Bi den yiini ki kpiagidi Li Miali Diedo ki pagi o leni yaa maama n tie ne: «Li Miali Diedo ŋani, o *ŋanbili Isalele yaaba po ye hali yaa yogunu kuli!» Ku niligu den kpaani ki pagi Li Miali Diedo kelima bi den cili Li Miali Diedo diegu tanpuuli.

Nehemi 9:4

Josue, Bani, Kadimieli, Sebania, Buni, Selebia, Bani leni Kenani den doni ki sedi Lefi buolu yaaba sedikaanu po ki kpaani ki mia Li Miali Diedo bi Tienu mi todima.

Nehemi 9:6

Fini bebe n tie Li Miali Diedo yua n tagi tanpoli Leni tanpoli yaa tanpoli leni tanpoli toagola, Leni ki tinga leni yaala n ye ki niinni kuli, Mi ñincianma leni yaala n ye mi niinni kuli. A puuni laa bonla kuli li miali. Tanpoli toagola mo labindi a nintuali.

Jobi 1:21

ki yedi: «N ñani n naa tugu nni mubile. N go baa guani mubile. Li Miali Diedo n puni nni, Li Miali Diedo n goa ga. Li Miali Diedo yeli n baa ti kpiagidi.»

Pisomi 106:2

Ŋme n baa waani Li Miali Diedo n tieni yaa tuonciama? Ŋme n baa kpaani ki doagidi o pagidi?

Pisomi 134:1

Ban caa Jelusalema ki yiini yaa yanbu. Diidi, kpiagi mani Li Miali Diedo, yinba o naacenba kuli Leni yinba yaaba n ye Li Miali Diedo diegu nni ku ñiagu kuli!

Pisomi 145:2

Daali kuli n baa pagi a. N go baa pagi a yeli yaa yogu n tu yaa yogu!

Pisomi 145:5

Leni a bancianma kpiagidi ŋamu. N baa togidi a bancianma togida.

Pisomi 146:2

N baa pagi Li Miali Diedo n miali dana kuli nni. N baa yiini ki pagi U Tienu min pia n miali yaa yogunu kuli.

Pisomi 16:2

N yedi Li Miali Diedo: «A tie n Diedo, Min pia yaala ke li ŋani, Liba kuli ki ye ki cie ŋa.»

Pisomi 66:2

Li ŋandunli niba kuli, kpaani ki pagi mani U Tienu! Yiini mani o yeli kpiagidi po, Kpiagi o mani leni yi pagidi.

Pisomi 99:3

Ban pagi a kelima a yeli yaba ki go pia i jeje, A gagidi ki ŋani mo.

Mi Ñama 15:11

O, Li Miali Diedo, o laa *bulo n baa fidi Ki niagi leni a i buli kuli siiga? Ŋme ye ki naani leni fini yua yaa gagidiŋanma n kaa pia lie? Li pundi ban jie ŋa ki go pagi fini yua n tiendi mi bancianma.

Mi Ñama 15:6

Li Miali Diedo, a nijienu paalu ki pia lie, Li Miali Diedo, a jienu mudi a yibalinba cain.

Danieli 2:20

Danieli den yedi: «U Tienu yeli n yaa pia ti kpiagidi hali yaa yogunu kuli. Wani n die mi yanfuoma leni u paalu kuli.

Matie 11:25

Lanyogunu Jesu den jaandi ki yedi: «N Baa, fini yua n tie tanpoli leni ki tinga kuli Diedo, n pagi a kelima a doagini li naa bonla bi yanfodanba leni bi nunfandanba kuli po, ki doagidi la yaaba n tie a biwaala yaa po.

2 Korenti 4:6

U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

Mi Tiadima 28:58

Yi yaa kubi ki go tieni yaa bali maama n diani li naa tili nni kuli n yedi, yi yaa fangi Li Miali Diedo yi Tienu yeli, yaali n pia ti kpiagidi ki go pia i jeje,

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O niñingbadicianma po teni ke ti pia li miapanli, leni yaa suginma n fo kelima Jesu Kilisiti fiima bi tinkpiba siiga yaa po.

Bi Bujiaba 13:18

Li Miali Diedo maleki den goa ki yedi o: «Be yaa po ke a buali n yeli? Li tie yaa yeli n ŋani boncianla.»