Nehemi 7:1 - Gourmanchéma Bible

¹ U bilinu n den gbeni ke n caani ti buliñoaluoditi, bi den teni a buliñoaguuda leni bi yanyanba leni Lefi buolu yaaba bi tuonli.

U TIENU MAAMA TILI 2013

¹ Tin den maa ki gbeni u bilinu, ke n caani ti buliñoaluoditi, bi den teni a buliñoaguuda, bi yanyinba leni Levi buolu bi tuonli.

Nehemi 7:1 ပူးပေါင်းရင်းမြစ်များ

2 Bi Badiba 7:10

Bi den gedi ki ban yini yaaba n guu u dogu bilinu buliñoabu ki waani ba ki yedi: «Ti den gedi ki ban kua Sili yaaba toanagili nni ama niloba kuli ki ye likani. Tii den gbadi nilo nialu. I taami leni i ŋunbi bebe n luoluo, a gbandiena mo nani ŋan den tie maama.»

2 Bi Badiba Jama 31:2

Esekiasi den goa ki tieni bi kopadicianba yaa cagili leni Lefi yaaba yaa cagili, ki den puogi yua kuli leni o tuonli Li Miali Diedo diegu nni. Bi kopadicianba leni Lefi yaaba tuonli den tie ki yaa padi a padijuukaana, leni mi taanyenma pada, leni bi niba kuli tuonli yaali n tie ki yaa yiini ki pagi ki go kpiagidi Li Miali Diedo.

Esidirasi 3:8

Ban den goa ki kpeni Jelusalema, Li Miali Diedo diegu n ye yaa dogu nni, bi binlieli cilielo nni, Seyalitieli bijua Solobabeli leni Jotisadaki bijua Josue leni bi kpiiba bi kopadicianba leni Lefi buolu yaaba leni yaaba n den taani leni ba ki ñani ti yonbidi nni ki kpeni Jelusalema kuli den cili li tuonli. Bi den puogi Lefi buolu yaaba, yaaba n pia bina piilie leni yaaba n cie yeni kuli ban yaa gobidi Li Miali Diedo diegu tuonli.

Nehemi 10:39

Alono yaabili o kopadiciamo baa yaa yegi leni Lefi buolu yaaba ban gaani dim yeni yaa yogunu. Bani Lefi buolu yaaba baa ñani ban gaga yaala yeni niinni dim ki cuani U Tienu diegu nni, ku ŋalimandiegu diena nni.

Nehemi 11:3

Yaa dogi n sieni niinni Isalele yaaba, yaaba n sieni, leni bi kopadicianba leni Lefi buolu yaaba leni U Tienu diegu naacenba leni Salomono naacenba yaaba den kaa bi tincele nni, yua kuli o yaa dogu nni. Juda diema yudanba den ye Jelusalema.

Nehemi 12:24

Lefi buolu yaaba yudanba Hasabia, Selebia leni Kadimieli bijua Josue tuonli den tie ki yaa se ki tiegi bi kpiiba ki yiini ki kpiagidi ki go pagi Li Miali Diedo bi yaa yogunu yaa pundi, nani U Tienu nilo Dafidi n den bili maama.

Nehemi 6:1

Hali ke n daa caani ti buliñoaluoditi, Sanbala leni Tobija leni Gesemi yua n den tie Alabi yua, leni ti yibalinba yaaba n sieni, den gbadi ke n goa ki maa u dogu bilinu ke bonli ki go ye.

Nehemi 6:15

U bilinu yeni den gbeni yaa ŋmaalo n yi Eluli piilie n damuuli daali, piimuu n dana lie siiga.

Nehemi 6:19

Bi den pagi o n nintuali mo, ki caa ki ban togidi o min maadi yaala. Tobija den tuuni a tila ki bua ki jieni nni.