Nehemi 5:10 - Gourmanchéma Bible

¹⁰ N moko n ledi ba i ligi leni ŋalikama, mini leni n kpiiba leni n naacenba kuli. Tin cedi ban da pa ban kubi tipo yaala.

U TIENU MAAMA TILI 2013

¹⁰ Mini moko, n ledi ba i ligi leni ŋalikama, nani n kpiiba leni n naacenba yeni. Tin cedi ban da pa ban kubi ti po yaala.

Nehemi 5:10 ပူးပေါင်းရင်းမြစ်များ

Nehemi 10:32

*U Tienu fuodima daali bi *jaanma daali bi yaa cuani*ŋalikama bi kuaditoama ki baa kuadi, ti kan da bikani liba kuli. Bina luoba yaa yen pendi kuli, ti baa fuoni ki tinga li binleleeli, ti kan buali panliba kuli mo.

Nehemi 5:11

Dinla yin goa ki teni ba bi kuani, leni bi duven tiidi leni bi *olifie tiidi leni bi diena. Yin cabi ba yin den ledi ba i ligi leni ŋalikama leni mi kpama ki baa ti goa ki ga leni yaa ñuadi.»

Nehemi 5:7

N den jagi ke n baa fu leni bi paatieba leni li bali danba. N den yedi ba: «Yi tungi yi lieba be yaa tugikpiaga nne?» N den yini ki taani bi niba.

Nehemi 5:9

Lanwani n den yedi ba: «Yin tiendi yaala yeni ki ŋani. Yii bi baa yaa cuoni leni U Tienu fangili ka ke ti yibalinba bi nilanba n da sugi ti?

Pisomi 15:5

Waa ledi o ligi ki lingi ti ñuadi, O kan ga suuli ki janbi yua n ki pia biili? Yua n tiendi yeni kan ŋmadi ki baa.

Esayi 58:6

Diidi min bua yaa ñoalolima buolu nne: Loti mani mi biadima kpaadi, Ki gbindi yi naalanda baabi Ki pa mi *faabima, ban mabini yaaba, Ki faabi yaaba n ye fala buoli kuli nni.

Esekieli 18:13

ki dindi li panli ki gaani ti ñuadi. Naani laa nilo baa ye? Moamoani, o kan yaa ye, kelima o tieni laa cagindi buoli kuli. Laa pia kuli tama ke o baa kpe. O soama mo n goa ki jiidi o yuli po.

Esekieli 18:7

ki naa janbidi niloba, ki guandi ban ledi o kani ki bili yaala, ki naa su mo. O puuni mi koma n pia yua mi jiema, ki puuni yua n ye mubili mo ti tiayiekaadi.

Esekieli 18:8

Waa dindi panli ke ban goa ki pa o leni ñuadi. O kubi o yuli ki naa tiendi yaala n ki tiegi, ki ja niba lie siiga buudi leni i moamoani.

Mise 2:1

Fala baa baa yaaba n dua bi duani nni, Ki kpaagi ki bogindi ban baa tieni yaa bonbiadila. Ku tiŋapanpangu bi yen tieni li bonbiadila yeni, Kelima bi pia li paalu.

2 Korenti 5:11

Lanwani, kelima ti bani li fangili o Diedo po n tie yaala, ti moandi ki maadi ki guli bi niba. U Tienu bani ti cain, n sugini ke hali yi pala tugidi nni yi moko bani ti.

2 Korenti 5:20

Lanwani ti tie Kilisiti badibaanba. Li tie nani U Tienu oba n maadi ti ñoana nni ki tundi yi. Ti miadi yi Kilisiti yeli nni: «Goa ki mangi mani leni U Tienu.»

2 Korenti 6:1

Lanwani, nani tin taa ki tuuni leni U Tienu yeni, ti tundi yi ke yin da fali yin den baa U Tienu *ŋanbili-paabu yaabu.

Mi Tiadima 15:2

Li panli yeni cabima n tie yaala nne: Pandaano kuli, yua n dini o nisaalilielo panli baa cabi o leni li, ki naa tigini o nisaalilielo bi o kpiilo, bi yaa kpaani ki waani li panli cabima Li Miali Diedo yeli kpiagidi po.