Nehemi 4:7 - Gourmanchéma Bible

⁷ Lani yaa po n den sieni bi niba yaa kaani n ñua ki pia u kaanpaalu u bilinu puoli po. Bi den taa ki ye likani buolubuolu ke yua kuli kubi o jugisiega leni o kpaanli leni o dabanli.

U TIENU MAAMA TILI 2013

⁷ Lani yaa po, n den sieni bi niba yaa kaani n ñua ki pia u kaanpaalu u bilinu puoli po. Bi den taa ki ye likani buolu buolu, ke yuakuli kubi o jugisiega, o kpaanli leni o dabanli.

Nehemi 4:7 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua yaa siiga, A puoliŋuani leni o puoliŋuani yaa siiga. O baa mudi a yuli, Amo baa poagili o taajentindili.»

2 Bi Badiba 24:2

Lanwani Li Miali Diedo den soani yaa toagola n fenli ke a ñani Kalide diema nni leni Sili, leni Moabi leni Amoni buolu yaaba siiga ke a cua ki nugi Juda diema, nani U Tienu naacenba, bi sawalipuaba n den yedi ke Li Miali Diedo maadi maama.

2 Bi Badiba Jama 20:1

Lan den pendi, Moabi buolu yaaba leni Amoni buolu yaaba, leni Maoni yaaba bi tianba den gedi ki baan baa Josafati bu toabu.

Esidirasi 5:8

O bado, ti bua ki waani a ke ti gedi U Tienu yua n yaba diegu kani, Juda diema nni. Bi maa gu leni a tanciama, ki maandi ti daadi i bilini po. Bi tuuni bonŋanla, li tuonli mo cuoni tontoni.

Nehemi 2:10

Holoni yua Sanbala leni o duogili Tobija, Amoni buolu yua, n den gbadi ke n cua, li den biidi bi pala boncianla ke o nilo cua ki baa lingi Isalele yaaba ŋamu.

Nehemi 2:19

Holoni yua Sanbala leni o duogili Tobija, Amoni buolu yua, leni Gesemi, Alabi buolu yua, n den gbadi tin jagi yaala, bi den ñuadi ti ki fali ti, ki yedi: «Yi tiendi be nne? Yi bua ki fiini o bado po mi janjanma yoo?»

Nehemi 4:1

Ama Sanbala leni Tobija leni Alabi yaaba leni Amoni buolu yaaba leni Asidodi dogu yaaba n den gbadi ke Jelusalema bilini ŋanbima tuonli cuoni bonŋanla, ke a bona kuli cili ki biindi, bi pala den beni boncianla.

Nehemi 4:6

Yaa Jufinba n den ye yaa dogi n nagi leni ti yibalinba yeni den cua taalima piiga ki tuodi ki waani ti, bani ti yibalinba yeni n jagi ke bi baa tieni ti yaala kuli.

Nehemi 4:8

N den diidi diidi ki fii ki yedi bi paatieba leni li bali danba leni yaa niba n sieni kuli: «Yin da jie mani yi yibalinba. Tiadi mani o Diedo yua n yaba ki pia i jeje po, ki koani mani yi kpiiba po, leni yi bijaba leni yi bisiaba leni yi puoba leni yi diedi nni yaaba kuli po.»

Nehemi 6:16

Ti yibalinba n den gbadi, yaa diema n den lindi ti kuli den jie boncianla ki tuo ke li tuonli den soani kelima U Tienu yanbuama po.

Jeremi 25:20

nintuali po kuli, Utisi badiba kuli, Filisiti diema badiba kuli, Asikaloni, Gasa, Ekiloni leni yaaba n sieni Asidodi,

Jeremi 41:10

Isimayeli den gedini yaa niba n den sieni Mitisipa po kuli ti yonbidi. Bani n tie: o bado bisiaba leni yaaba n bi sieni Mitisipa Nebusaladani badidiegu guuda yudaano n den piani Ahikami bijua Gedalia yaaba. Netania bijua Isimayeli den gedini ba ti yonbidi ki den fii ki caa Amoni yaaba diema nni.

Amosi 1:13

Li Miali Diedo yedi mi ne: «Amoni yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi den lidi a tugipunba Galaadi diema nni, Ban den fii ki bua ki pugini bi diema.

Amosi 1:8

N baa bolini Asidodi dogu yaaba, Asikaloni dogu yeni mo, min bolini likani bado, Ki pegidi ki baa Ekiloni dogu, Filisiti yaaba, yaaba n sieni baa bodi. O Diedo, Li Miali Diedo n yedi yeni.»

Amosi 3:9

Kpaani mani ki yedi yaaba n ye a dieŋama nni ki ye Asidodi leni Ejipiti: «Cua mani ki taani Samali juana yula po, Ki diidi ki le yaa janjancianma leni yaa mabinli n ye lienni.»

Jesu Tondiba Tuona 5:33

Bi cancannikpeliba n den gbadi laa maama kuli, bi pala den beni ke li kandi ke bi bua ki kpa Jesu tondiba.

Mi Doagidima 12:17

O bonfuodibiado pali den beni leni o pua ke o gedi ki baa tuogi bu toabu leni o bila yaaba n sieni, bani yaaba n ŋua U Tienu mabilikaama ki kubi Jesu yaa siedi.

1 Samueli 11:2

Lanwani Amoni yua Nahasi den goa ki yedi ba: «N baa tuo ki cedi yi, ama se min fiadi yi jiennuni, ki teni Isalele yaaba kuli n le i fe.»