Nehemi 3:30 - Gourmanchéma Bible

³⁰ Selemia bijua Hanania leni Tisalafi bijaluobilo Hanuni den maa bilinjentoali ki tugini bikani. Belekia bijua Mesulami mo den maa ki tugini bi yaa kani ki tiegi o dieli.

U TIENU MAAMA TILI 2013

³⁰ Selemia bijua Hanania leni Tisalafi bijaluobilo Hanuni den maa bilinjentoali ki tugini bi kani. Berekia bijua Mesulami mo den maa ki tugini bi yaa kani, ki tiegi o dieli.

Nehemi 3:30 ပူးပေါင်းရင်းမြစ်များ

Nehemi 13:13

N den guuni o kopadiciamo Selemia leni li*bali maama bangika Tisadoki leni Lefi buolu yua Pedaya ti tiadi n bili yaa diena nni. Matania yaabili Hanani, Sakuli bijua den pugidi bipo, kelima bikuli den tie ban dugi yaaba yaa po. Bi tuonli den tie ban yaa boagidi bu paabu bi lieba.

Nehemi 3:29

Imeli bijua Tisadoki den tugini bikani ki maa o diegu nintuali kani. Puoli po yaa buliñoaguudo Sekania bijua Semayeja den tugini o yaa kani ki maa.

Nehemi 3:31

O maano Malikiya den maa ki tugini o kani ki ban pundi hali U Tienu diegu naacenba leni a kpenda diedi kani, ki tiegi Mifikodi Buliñoabu, ki go ban pundi hali ki logidiga tanpodieli.

Nehemi 3:4

Hakotisi bijua Uli yaa bijua Melemoti den maa ki tugini bi kani. Mesesabeeli bijua Belekia yaa bijua Mesulami den maa ki tugini lankani. Baana bijua Tisadoki mo den maa ki tugini lankani.

Nehemi 6:18

Kelima Juda diema nni bi niba boncianla den tuugi leni o kelima o den tie Alaki bijua Sekania cuado, ke o bijua Yohanana mo den taa Belekia bijua Mesulami bisalo.