Nehemi 2:3 - Gourmanchéma Bible

³ ama n den goa ki yedi wani o bado: «Fini o bado n yaa ye ki fo hali yaa yogunu kuli. N nunga baa ga lede ki kan biidi n baanba kula n ye yaa dogu nni yaa bodi ke mi fantama dini u bilinciamu buliñoana?»

U TIENU MAAMA TILI 2013

³ ama n den guani ki yedi wani o bado: «Fini o bado n yaa ye ki fo hali yaa yogunu kuli. N nunga baa gaa lede ki kan biidi n baanba takula n ye yaa dogu nni yaa bodi, ke u mu dini u bilinciamu buliñoana?»

Nehemi 2:3 ပူးပေါင်းရင်းမြစ်များ

1 Bi Badiba 1:31

Lane Bati-Seba den labini ki pugi o bado ki yedi: «N daano o bado Dafidi n yaa ye hali yaa yogunu kuli!»

2 Bi Badiba 25:8

Laa binli cimuulo yaa daleleeli daali, Babilona bado naacemo Nebusaladani, yua den tie bi guudikaaba yudaano, den kua Jelusalema nni. Li den tie Babilona bado Nebukanesa bali piiga n binyiali binli.

2 Bi Badiba Jama 21:20

Yolami den dini li bali ki pia piitaa n bina lie. O den kali Jelusalema nni bina nii ti gbandi po. Wan den guani, oba kuli ki den buudi opo. Bi den piini o Dafidi dogu nni, ama laa den tie a badikula nni.

2 Bi Badiba Jama 28:27

Akasi den guani ke bi den piini o Jelusalema dogu nni ki naa piini o Isalele batieba kula nni. O bijua Esekiasi den dini li bali ki ga o kaanu.

2 Bi Badiba Jama 32:33

Esekiasi n guani, bi den piini o yaa kaanu n kpedi ki cie Dafidi puoliŋuani kula kuli siiga. Juda diema yaaba leni Jelusalema yaaba kuli den ŋanbi o kuuma ki kpiagi o. O bijua Manase den dini li bali ki ga o kaanu.

2 Bi Badiba Jama 36:19

Babilona yaaba den juu U Tienu diegu, ki tudi ki luni Jelusalema bilinu, ki juu o bado diegu, ki mudi yaa tiadi n den pia mayuli kuli.

Nehemi 1:3

Bi den goa ki yedi nni ke yaa niba n sieni leni yaaba n ñani ti yonbidi ki goa ki kpeni Juda diema nni ye likani leni o falaciamo leni yaa fe n kandi, ke Jelusalema bilinciami mumudi, ke mi fantama mo buoni u buliñoana.

Nehemi 2:13

Ku ñiagu n den tagini u bilinciamu buliñoabu, ku Joaloangu Buliñoabu kani, ki ñani u dogu nni, ki teli o Yaago Ninbunli leni ti Bugidi Buliñoabu. N den diidi Jelusalema bilinciami yi n mumudi, leni u buliñoana, mi fantama n den dini yaa.

Esiteri 8:6

Kelima n baa ga lede ki yaa nua yaa janda n baa cua n niba po, n baa ga lede ki yaa nua ban baa bolini n buolu maama?»

Pisomi 102:14

A baa fii ki gbadi Siyono dogu po mi niñima, Kelima ŋan den bili ke a baa tieni upo Li *ŋanbili yaa yogunu yeni pundi.

Pisomi 102:15

Kelima tinba a naacenba, ti bua Siyono dogu tana bonŋanla Mi niñima mo pia ti u diegbendi po.

Pisomi 137:6

N yaa tiadi fini Jelusalema po, N yaa teni ke fini Jelusalema N tua n pamanmoanli, N lanbu n sani ki tabini n lanŋaangu.

Pisomi 38:7

N godi ki buani ki coagi hali ke li pendi. Yogunu kuli n cuoni leni li paboanli.

Jeremi 52:12

Cimuu danpiiga li den tie Nebukanesa Babilona bado bali piiga n binyiali.

Jeremi Bubula 2:9

O buliñoana feli ki tinga nni. O bolini ŋa, ki pua ki mudi a kpakpaana. O bado leni o koanbala kuli ye i nilanbuoli siiga. *Balimaama ki ye, Baa o sawalipualo ki go baadi bonlekaala Li Miali Diedo kani.

Danieli 2:4

Kalide ñoagidanba den maadi Alama maama nni ki yedi o bado: «O bado, ŋan yaa ye hali yaa yogunu kuli. Waani tinba a naacenba ti dangidi yeni, ti baa bundi ti apo.»

Danieli 3:9

Bi den yedi o: «O bado, ŋan yaa ye hali yaa yogunu kuli.

Danieli 5:10

O bado naa den gbadi o bado leni o paatieba fuugu ki kua ban den taani mi jaanjiema po yaa dieli nni ki yedi: «O bado, ŋan yaa ye hali yaa yogunu kuli. A yama n da yagi, a tugusoama mo n da sani.

Danieli 6:21

Wan den nagidi ku buogu, o den tiani leni li paboanli ki yini Danieli ki yedi: «Danieli, U Tienu yua n fo naacemo, wani a Tienu, ŋan ŋua yua yogunu kuli fidi ki ga ŋa i yangbanli kani bi?»

Danieli 6:6

Lanwani bi jaba yeni den yedi: «Ti kan le tin baa kuli Danieli leni yaala li yaa tie o Tienu *bali maama nni yaaka.»

Levi 26:31

N go baa bolini yi dogi, yin tua diegbendi. N baa bolini yin padi yi buli naankani yeni. N kan go tuo ki ga yi tulale pada nuulimanu.